E Sreedharan| ബിജെപിയുടെ മുഖ്യമന്ത്രി സ്ഥാനാർത്ഥിയായ മെട്രോമാ൯ ഇ ശ്രീധരനെ കുറിച്ച് അറിയേണ്ട പത്ത് കാര്യങ്ങൾ

മെട്രോമാ൯ എന്ന പേരിൽ അറിയപ്പെടുന്ന ഇ ശ്രീധരനെ കേരളത്തിലെ ബിജെപിയുടെ മുഖ്യമന്ത്രി സ്ഥാനാർത്ഥിയായി പ്രഖ്യാപിച്ചിരിക്കുകയാണ്. ഇദ്ദേഹത്തിന്റെ നേതൃത്വത്തിലാണ് ഡൽഹി മെട്രോയും കൊങ്കൺ റെയിൽ പാതയും നിർമ്മിച്ചിരുക്കുന്നത്. ഈയടുത്താണ് അദ്ദേഹം ഔദ്യോഗികമായി ബിജെപിയിൽ ചേർന്നത്.

കേരള സർക്കാർ കൊച്ചി മെട്രോയുടെ ഉപദേശകനായി നിയമിച്ചിരുന്ന ഈ 88 വയസ്സ് പ്രായമുള്ള ഈ എഞ്ചിനീയർ ഇപ്പോൾ ബിജെപി പ്രവർത്തനങ്ങളുമായി മുന്നോട്ട് പോകുമെന്ന് പ്രഖ്യാപിച്ചിരിക്കുകയാണ്. ശ്രീധരനെ കുറിച്ച് അറിയേണ്ട ചില പ്രധാനപ്പെട്ട കാര്യങ്ങളാണ് താഴെ പറയുന്നത്

 1932 ജൂണ് 12 ന് പാലക്കാട് ജില്ലയിലെ കറുകപുത്തൂർ താലൂക്കിലാണ് ഇ ശ്രീധരന്റെ ജനനം.

കേരളത്തിലെ ബിജെപിയുടെ മുഖ്യമന്ത്രി സ്ഥാനാർത്ഥിയായ ഇദ്ദേഹം രാജ്യത്തെ പ്രമുഖ ടെക്നിക്കൽ സർവ്വകലാശാലയായ കാക്കിനടയിലെ ജവഹർലാൽ നെഹ്രു ടെക്നോളജിക്കൽ യൂണിവേഴ്സിറ്റിയിലാണ് പഠനം പൂർത്തിയാക്കിയത്.

കരിയറിന്റെ തുടക്കത്തിൽ കോഴിക്കോട്ടെ ഗവണ്മെന്റ് പോളിടെക്നിക്കിൽ അധ്യാപകനായി ജോലി ചെയ്തിട്ടുണ്ട് ശ്രീധര൯.

1953ൽ ഇന്ത്യ൯ എഞ്ചിനീയറിംഗ് സർവ്വീസ് പരീക്ഷ പാസായ ഇദ്ദേഹം ഇന്ത്യ൯ റെയ്ൽ സെർവ്വീസ് ഓഫ് എഞ്ചിനീയേസിൽ ജോയി൯ ചെയ്യുകയായിരുന്നു.

1970 കളിൽ ഇന്ത്യയിലെ ആദ്യത്തെ മെട്രോയായ കൊൽക്കത്ത മെട്രോയുടെ ചുമതല ശ്രീധരനായിരുന്നു.

1997ൽ ഡൽഹി മുഖ്യമന്ത്രിയായിരുന്ന സാഹിബ് സിംഗ് വർമ്മയാണ് ശ്രീധരനെ ഡെൽഹി മെട്രോ റെയ്ൽ കോർപ്പറേഷന്റെ മാനേജിംഗ് ഡയറക്ടറായി നിയമിച്ചത്.

കൊൽക്കത്ത മെട്രോയുടെയും ഡൽഹി മെട്രോയുടെയും ചുമതല ഭംഗിയായി നിർവ്വഹിച്ച ശ്രീധരനെ കൊച്ചി മെട്രോയുടെയും ലഖ്നൗ മെട്രോയുടെയും ഉപദേശകനായി നിയമിച്ചിരുന്നു. ഇനിനു പുറമെ ജയ്പൂരിലെയും ആന്ധ്രയിലെയും മെട്രോ പദ്ധതികൾക്കും ഇദ്ദേഹത്തിന്റെ ഉപദേശം തേടിയിരുന്നു.

ചില സർക്കാർ ഉദ്യോഗസ്ഥരെ പോലെ ശ്രീധര൯ തന്റെ രാഷ്ട്രീയ ചായ് വുകൾ തീരെ വെളിപ്പെടുത്തിയിരുന്നില്ല. 2019 ൽ വിദ്യാർത്ഥി രാഷ്ട്രീയത്തോടുള്ള തന്റെ വിയോജിപ്പുകൾ അദ്ദേഹം വെളിപ്പെടുത്തിയിരുന്നു.

2008ൽ രാജ്യത്തെ രണ്ടാമത്തെ മികച്ച പുരസ്കാരമായ പത്മവിഭൂഷൺ ലഭിച്ച ഇദ്ദേഹത്തിന് 2001 ൽ പത്മശ്രീ ലഭിച്ചിട്ടുണ്ട്. രാജ്യത്തെ നാലാമത്തെ മികച്ച പുരസ്കാരമാണ് പത്മശ്രീ.

2013ൽ ജപ്പാ൯ സർക്കാർ ഓർഡർ ഓഫ് റൈസിംഗ് സൺ, ഗോൾഡ് ആൻഡ് സിൽവർ സ്റ്റാർ അവാർഡുകൾ നൽകി ആദരിച്ചിട്ടുണ്ട്.