തിരുവനന്തപുരം അന്താരാഷ്ട്ര വിമാനത്താവളത്തിന് എ.സി.ഐ. എയർപോർട്ട് കസ്റ്റമർ എക്സ്പീരിയൻസ് അക്രഡിറ്റേഷൻ

തിരുവനന്തപുരം അന്താരാഷ്ട്ര വിമാനത്താവളത്തിന് എയർപോർട്ട് കൗൺസിൽ ഇന്റർനാഷണലിന്റെ (എസിഐ) എയർപോർട്ട് കസ്റ്റമർ എക്സ്പീരിയൻസ് അക്രഡിറ്റേഷൻ ലഭിച്ചു. എയർപോർട്ട് കസ്റ്റമർ എക്സ്പീരിയൻസ് അക്രഡിറ്റേഷൻ കസ്റ്റമർ എക്സ്പീരിയൻസ് മാനേജ്‌മെന്റ് മെച്ചപ്പെടുത്തുന്നതിന് സഹായകരമാകും

ജീവനക്കാരുടെയും ബിസിനസ്‌ പങ്കാളികളുടെയും സേവനമികവും പരിശീലനവും ഉൾപ്പടെയുള്ള സമഗ്രമായി വിലയിരുത്തിയാണ് അക്രെഡിറ്റേഷൻ നൽകുന്നത്. എയർപോർട്ട് കസ്റ്റമർ എക്‌സ്‌പീരിയൻസ് മാനേജ്‌മെന്റുമായി ബന്ധപ്പെട്ട ഏക അക്രഡിറ്റേഷൻ പ്രോഗ്രാമാണിത്. തിരുവനന്തപുരം അന്താരാഷ്ട്ര വിമാനത്താവളം ത്രൈമാസ ഫീഡ്‌ബാക്ക് സർവേകളിലൂടെ സേവനങ്ങളുടെ കാര്യക്ഷമത പരിശോധിച്ചു ഉറപ്പു വരുത്തുന്നുണ്ട്

നൂതനമായ സാങ്കേതിക വിദ്യകളുടെ സഹായത്തോടെ യാത്രക്കാർക്ക് കൂടുതൽ സൗകര്യങ്ങളും ഏർപ്പെടുത്തുന്നുണ്ട്. ഐ എസ് ഒ 901:2015, ഐ എസ് ഒ 14001:2015, ഐ എസ് ഒ 45001:2018 എന്നിവക്കുള്ള ഇന്റഗ്രേറ്റഡ് മാനേജ്മെന്റ് സിസ്റ്റം( ഐഎംഎസ്) സർട്ടിഫിക്കേഷനും എയർപോർട്ടിനു ലഭിച്ചിട്ടുണ്ട്