രണ്ടില ലഭിക്കുമോ? ചിഹ്നത്തിൽ നിർണായകം ജോസഫിന്‍റെ നിലപാടെന്ന് ടിക്കാറാം മീണ

തിരുവനന്തപുരം: പാലാ ഉപതിരഞ്ഞെടുപ്പിലെ ചിഹ്നത്തിൽ നിർണായകമാവുക ജോസഫിന്റെ നിലപാടെന്ന് മുഖ്യ തിരഞ്ഞെടുപ്പ് ഓഫീസർ ടിക്കാറാം മീണ. ന്യൂസ് 18 നോടാണ് അദ്ദേഹം ഇക്കാര്യം പറഞ്ഞത്. പി. ജെ ജോസഫ് എഴുതി തന്നാൽ മാത്രമേ രണ്ടില ചിഹ്നം അനുവദിക്കാൻ സാധിക്കുവെന്നും അദ്ദേഹം പറഞ്ഞു.

മുഖ്യ തിരഞ്ഞെടുപ്പ് കമ്മീഷനുമായി ഇക്കാര്യം ചർച്ച ചെയ്തു. അഞ്ചാം തീയതിക്ക് മുമ്പ് തീരുമാനം എടുത്തില്ലെങ്കിൽ ജോസ് ടോമിന് സ്വതന്ത്രനായി മത്സരിക്കേണ്ടി വരുമെന്നും ടിക്കാറാം മീണ വ്യക്തമാക്കി.

ഏറെ അനിശ്ചിതത്വങ്ങൾക്കൊടുവിലാണ് പാലായിൽ ഉപതെരഞ്ഞെടുപ്പിൽ ജോസ് ടോം പുലിക്കുന്നേലിനെ മത്സരിപ്പിക്കാൻ കേരള കോൺഗ്രസ് തീരുമാനിച്ചത്. എന്നാൽ താൻ അച്ചടക്ക നടപടി എടുത്ത ജോസ് ടോം പുലിക്കുന്നേലിന് ചിഹ്നം അനുവദിക്കുന്നത് പിളർപ്പ് സംബന്ധിച്ച കേസിൽ തിരിച്ചടിയാകുമെന്നാണ് ജോസഫ് പറയുന്നത്. ഇക്കാര്യം യുഡിഎഫ് നേതൃത്വത്തെയും അറിയിച്ചിട്ടുണ്ട്.