EXCLUSIVE: രണ്ടില ചിഹ്നം ജോസഫ് നിർദേശിക്കുന്നയാൾക്കെന്ന് ടിക്കറാം മീണ

ന്യൂഡൽഹി: പാലാ ഉപതെരഞ്ഞെടുപ്പിലെ ചിഹ്നം സംബന്ധിച്ച തര്‍ക്കത്തില്‍ പി.ജെ ജോസഫിന്റേതാണ് അവസാന വാക്കെന്ന് മുഖ്യ തെരഞ്ഞെടുപ്പ് ഓഫീസര്‍ ടിക്കാറാം മീണ. പി.ജെ ജോസഫോ ജോസഫ് ചുമതലപ്പെടുത്തുന്ന ആളോ കത്ത് നല്‍കിയാല്‍ മാത്രമേ രണ്ടില ചിഹ്നം നല്‍കുള്ളൂവെന്നും അദ്ദേഹം വ്യക്തമാക്കി. ന്യൂസ് 18നോടാണ് അദ്ദേഹം ഇക്കാര്യം പറഞ്ഞത്.

ഇക്കാര്യത്തില്‍ എല്ലാ വശങ്ങളും പരിശോധിച്ചശേഷമേ തീരുമാനം എടുക്കൂവെന്ന് ടിക്കാറാം മീണ പറഞ്ഞു. നാളെ സൂക്ഷ്മ പരിശോധനയ്ക്ക് ശേഷം തീരുമാനം വ്യക്തമാക്കുമെന്നും അദ്ദേഹം ഡല്‍ഹിയില്‍ പറഞ്ഞു.

രണ്ടില ചിഹ്നം അനുവദിക്കരുതെന്ന് ആവശ്യപ്പെട്ട് പി.ജെ ജോസഫ് ഇന്ന് വരണാധികാരിക്ക് കത്ത് നൽകിയിരുന്നു. ജോസ് ടോം പുലിക്കുന്നേൽ പാർട്ടി സ്ഥാനാർഥിയല്ലെന്ന് കത്തിൽ വ്യക്തമാക്കിയിട്ടുണ്ടെന്നാണ് സൂചന. ഇതിനായി ഇപ്പോൾ നടന്നുവരുന്ന കേസ് സംബന്ധിച്ച കോടതിരേഖകളും കൈമാറിയെന്നാണ് റിപ്പോർട്ട്.