മലപ്പുറം എടപ്പാൾ ആനക്കരയില്‍ വാഹനങ്ങള്‍ കൂട്ടിയിടിച്ച്‌ രണ്ടു പേര്‍ മരിച്ചു. ഒരാള്‍ക്ക് പരിക്കേറ്റു. ആനക്കര ചേക്കോട് മില്‍ സ്വദേശി കൊടക്കാട്ട്ചുക്കത്ത് പറമ്പില്‍ അബ്ദുല്‍ റസാഖിന്റെ മകന്‍ മുഹമ്മദ്(51) ആതവനാട് സ്വദേശി വെട്ടിക്കാട്ടില്‍ കുഞ്ഞിമുഹമ്മദിന്റെ മകന്‍ സൈഫു എന്നിവരാണ് മരിച്ചത്. പരിക്ക് പറ്റിയ ആനക്കര സ്വദേശി കൊല്ലത്തുവളപ്പില്‍ മുനീര്‍ എടപ്പാള്‍ ആശുപത്രിയില്‍ ചികിത്സയിലാണ്. ആനക്കര സ്കൈലാബ് പരിസരത്ത് ഓട്ടോയും, ഓട്ടോഗുഡ്സ് വാഹനവും കൂട്ടിയിടിച്ചാണ് അപകടമുണ്ടായത്. എടപ്പാള്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹങ്ങള്‍ പോലീസ് നടപടി ക്രമങ്ങള്‍ക്ക് ശേഷം ബന്ധുക്കള്‍ക്ക് വിട്ട് നല്‍കും.
