വി മുരളീധരൻ വിദേശകാര്യ സഹമന്ത്രിയാകുന്ന ആറാമത്തെ മലയാളി

രണ്ടാം നരേന്ദ്രമോദി മന്ത്രിസഭയിലെ മലയാളി സാന്നിധ്യമാണ് വി മുരളീധരൻ. സഹമന്ത്രിയായിട്ടാണ് മന്ത്രിസഭാ പ്രവേശനമെങ്കിലും കേരളത്തെ സംബന്ധിച്ചിടത്തോളം ഏറെ പ്രാധാന്യം അർഹിക്കുന്ന വിദേശകാര്യമാണ് മുരളീധരന് ലഭിച്ചത്.

വിദേശകാര്യസഹമന്ത്രിയാകുന്ന ആറാമത്തെ മലയാളിയാണ് വി മുരളീധരൻ.

ലക്ഷ്മി എൻ മേനോൻ (1957-1966), എ എ റഹിം (1982-1984), കെ ആർ നാരായണൻ (1985-86), ഇ അഹമ്മദ്( 2004ലും 2011ലും), ശശി തരൂർ (2009-2010) എന്നിവരായിരുന്നു മുരളീധരന്റെ മുൻഗാമികൾ.

പാർലമെന്ററി കാര്യം കൈകാര്യം ചെയ്യുന്ന അഞ്ചാമത്തെ മലയാളിയാണ് വി മുരളീധരൻ.

രവീന്ദ്രവർമ (മൊറാർജി ഗവൺമെന്റിൽ), എം എം ജേക്കബ്, ഒ. രാജഗോപാൽ, വയലാർ രവി എന്നിവരാണ് മുൻപ് ഈ വകുപ്പ് കൈകാര്യം ചെയ്ത മലയാളികളായ മന്ത്രിമാർ. ഇതിൽ രവീന്ദ്രവർമയും വയലാർ രവിയും കാബിനറ്റ് റാങ്കുള്ള മന്ത്രിമാരായിരുന്നു.