കൊച്ചിയിലെ ഗതാഗതക്കുരുക്കിന് വിട; വൈറ്റില-കുണ്ടന്നൂർ മേൽപ്പാലങ്ങൾ നാടിന് സമർപ്പിച്ച് മുഖ്യമന്ത്രി

വൈറ്റില-കുണ്ടന്നൂർ മേൽപ്പാലങ്ങൾ നാടിന് സമർപ്പിച്ച് മുഖ്യമന്ത്രി. ഓണ്‍ലൈനായിട്ടാണ് ഉദ്ഘാടനച്ചടങ്ങുകൾ നടന്നത്. പൊതുമരാമത്ത് വകുപ്പ് മന്ത്രി ചടങ്ങില്‍ ജി. സുധാകരന്‍ അധ്യക്ഷത വഹിച്ചു. ധനകാര്യവകുപ്പ് മന്ത്രി ടി.എം. തോമസ് ഐസക്ക് ചടങ്ങുകളില്‍ മുഖ്യാതിതിഥിയായിരുന്നു

മുടങ്ങി കിടന്ന ഒരു പദ്ധതി സമയബന്ധിതമായി പൂര്‍ത്തിയാക്കി നാടിന് സമര്‍പ്പിക്കാന്‍ കഴിഞ്ഞതിന്റെ അഭിമാനവുമുണ്ടെന്നാണ് മേൽപ്പാലം  ഉദ്ഘാടനം ചെയ്തുകൊണ്ട് മുഖ്യമന്ത്രി പറഞ്ഞത്.

വളരെ സന്തോഷം തോന്നുന്ന നിമിഷമാണെന്നും സഹകരിച്ച എല്ലാവര്‍ക്കും നന്ദിയുണ്ടെന്നും മന്ത്രി ജി.സുധാകരന്‍ ഉദ്ഘാടനത്തിന് മുന്നോടിയായി മാധ്യമങ്ങളോട് പറഞ്ഞിരുന്നു. (ചിത്രം-കടപ്പാട് മുഖ്യമന്ത്രിയുടെ ഫേസ്ബുക്ക് പേജ്)

ദേശീയപാതയുടെ ഭാഗമായി വരുന്ന വൈറ്റില-കുണ്ടന്നൂർ മേല്‍പ്പാലങ്ങള്‍ക്ക് സംസ്ഥാന സർക്കാർ കിഫ്ബി വഴിയാണ് പണം കണ്ടെത്തി നല്‍കുന്നത്. (ചിത്രം-കടപ്പാട് മുഖ്യമന്ത്രിയുടെ ഫേസ്ബുക്ക് പേജ്)

പാലങ്ങളുടെ നൂറ് ശതമാനം പ്രവൃത്തികളും പൂർത്തീകരിച്ച് കൃത്യമായ എൻജിനീയറിംഗ് പ്രോട്ടോക്കോൾ അനുസരിച്ച് ഡൗൺ ഡേറ്റിംഗ് നടത്തി മാത്രമാണ് പാലം ജനങ്ങൾക്കായി തുറന്ന് കൊടുക്കുന്നതെന്ന് മുഖ്യമന്ത്രി  നേരത്തെ ഫേസ്ബുക്കിൽ കുറിച്ചിരുന്നു.  (ചിത്രം-കടപ്പാട് മുഖ്യമന്ത്രിയുടെ ഫേസ്ബുക്ക് പേജ്)

ദേശീയപാതയുടെ വികസനത്തിലും നഗരത്തിലെ ഗതാഗതക്കുരുക്ക് പരിഹരിക്കുന്നതിലും വലിയ മുന്നേറ്റം ഈ പാലങ്ങൾ സജ്ജമാകുന്നതോടെ സാധ്യമാകും. (ചിത്രം-കടപ്പാട് മുഖ്യമന്ത്രിയുടെ ഫേസ്ബുക്ക് പേജ്)

നിരവധി പ്രതിസന്ധികളുണ്ടായിട്ടും വളരെ വേഗത്തിൽ തന്നെ പാലങ്ങളുടെ പണി പൂർത്തീകരിക്കാൻ സർക്കാരിനു സാധിച്ചു. അഭിമാനാർഹമായ നേട്ടമാണിതെന്നും മുഖ്യമന്ത്രി. (ചിത്രം-കടപ്പാട് മുഖ്യമന്ത്രിയുടെ ഫേസ്ബുക്ക് പേജ്)

വൈറ്റില, കുണ്ടന്നൂര്‍  ഭാഗങ്ങളിലെ ഗതാഗതക്കുരുക്ക് കണക്കിലെടുത്ത് സര്‍ക്കാരിന്റെ നിര്‍ദേശ പ്രകാരം കോവിഡ് മഹാമാരിയുടെ നടുവിലും അതിവേഗമാണ് പാലങ്ങളുടെ നിര്‍മ്മാണം പൂര്‍ത്തീകരിച്ചത് (ചിത്രം-കടപ്പാട് മുഖ്യമന്ത്രിയുടെ ഫേസ്ബുക്ക് പേജ്)

അതേസമയം നിർമ്മാണം പൂര്‍ത്തിയായിട്ടും മേല്‍പ്പാലങ്ങള്‍ തുറന്ന് കൊടുക്കാൻ വൈകുന്നതിനെതിരെ പല വിമർശനങ്ങളും ഉയരുകയും ചെയ്തിരുന്നു. എന്തുകൊണ്ടാണ് നിർമ്മാണം പൂർത്തിയാക്കിയ മേൽപ്പാലം തുറന്നു നൽകാൻ വൈകുന്നതെന്ന് സംസ്ഥാന മനുഷ്യാവകാശ കമ്മീഷനും ചോദിച്ചിരുന്നു. (ചിത്രം-കടപ്പാട് മുഖ്യമന്ത്രിയുടെ ഫേസ്ബുക്ക് പേജ്)

ഇതിനിടെ ഉദ്ഘാടനത്തിന് മുമ്പ് തന്നെ വി ഫോർ  സംഘടന  ഇടപെട്ട് പാലം തുറന്നു കൊടുത്തതും വിവാദങ്ങൾക്ക് വഴി വച്ചിരുന്നു.  (ചിത്രം-കടപ്പാട് മുഖ്യമന്ത്രിയുടെ ഫേസ്ബുക്ക് പേജ്)

ഇന്ന് ഉദ്ഘാടനം നടക്കാനിരിക്കെ ജനകീയ ഉദ്ഘാടനമെന്ന പേരിലാണ് വി ഫോർ പ്രവർത്തകർ രണ്ട് ദിവസം മുമ്പ് പാലം തുറന്നു കൊടുത്തത്. (ചിത്രം-കടപ്പാട് മുഖ്യമന്ത്രിയുടെ ഫേസ്ബുക്ക് പേജ്) (ചിത്രം-കടപ്പാട് മുഖ്യമന്ത്രിയുടെ ഫേസ്ബുക്ക് പേജ്)

സംഭവത്തിൽ വി ഫോർ കൊച്ചി കോർഡിനേറ്റർ നിപുൺ ചെറിയാൻ, സൂരജ് ആഞ്ചലോസ്, റാഫേൽ എന്നിവരെ പൊലീസ് അറസ്റ്റ് ചെയ്യുകയും ചെയ്തിരുന്ന. (ചിത്രം-കടപ്പാട് മുഖ്യമന്ത്രിയുടെ ഫേസ്ബുക്ക് പേജ്)

വിവാദങ്ങൾക്കും വിമർശനങ്ങള്‍ക്കും വിരാമമിട്ടു കൊണ്ടാണ് ഇന്ന് മേൽപ്പാലം ജനങ്ങൾക്കായി തുറന്നു നൽകുന്നത്.  (ചിത്രം-കടപ്പാട് മുഖ്യമന്ത്രിയുടെ ഫേസ്ബുക്ക് പേജ്)

(ചിത്രം-കടപ്പാട് മുഖ്യമന്ത്രിയുടെ ഫേസ്ബുക്ക് പേജ്)