ചരിത്രം കുറിച്ച് ജെഫ് ബെസോസും ടീമും; ബഹിരാകാശ യാത്രയുടെ ചിത്രങ്ങൾ കാണാം

ചരിത്രം രചിച്ചിരിക്കുകയാണ് ആമസോൺ സ്ഥാപകൻ ജെഫ് ബെസോസും സംഘവും. ജെഫ് ബെസോസ് മണി മുഴക്കുകയും തുടർന്ന് എല്ലാ സംഘാംഗങ്ങളുമൊത്ത് ക്യാപ്സ്യൂളിൽ കയറുകയും ചെയ്തു. തുടർന്നായിരുന്ന റെക്കോർഡുകൾ പിറന്ന ബഹിരാകാശ യാത്ര

ചൊവ്വാഴ്ച ഇന്ത്യൻ സമയം വൈകുന്നേരം 6:42 ന് വെസ്റ്റ് ടെക്സാസിലെ മരുഭൂമിയിൽ നിന്ന് ബ്ലൂ ഒറിജിൻ കമ്പനിയുടെ ന്യൂ ഷെപ്പേർഡ് റോക്കറ്റിൽ ജെഫ് ബെസോസ് പറന്നു. ഇതിന്റെ  ക്യാപ്സൂളിൽ  6 സീറ്റുകളാണുള്ളത്, എന്നാൽ ബെസോസ് അടക്കം നാലുപേരാണ് യാത്രക്കുണ്ടായിരുന്നത്. 

ജെഫ് ബെസോസും കൂട്ടരും ഭൂമിയിൽ നിന്ന് 105 കിലോമീറ്റർ ഉയരത്തിൽ ബഹിരാകാശത്തേക്ക് പോയി. ബെസോസും സംഘവും പോയ റോക്കറ്റ് സ്വയംനിയന്ത്രണ സംവിധാനങ്ങളുള്ളതാണ്. അതായത് ഇതിന് ഒരു പൈലറ്റ് ആവശ്യമില്ല.

റോക്കറ്റ് 80 കിലോമീറ്റർ മുകളിൽ എത്തിയ ഉടൻ തന്നെ ക്യാപ്‌സ്യൂൾ അതിൽ നിന്ന് വേർപെടുത്തി. 26 കിലോമീറ്റർ വേഗതയിൽ കാപ്സ്യൂൾ ഇറങ്ങുമ്പോൾ പാരച്യൂട്ടുകൾ തുറന്നു.

ടിക്കറ്റിന്റെ വില വെളിപ്പെടുത്തിയിട്ടില്ലെങ്കിലും നെതർലാൻഡ്‌സിൽ നിന്നുള്ള വിദ്യാർഥി ഒലിവർ ഡീമൻ (18) ബഹിരാകാശ യാത്രക്കായി പണം നൽകുന്ന ആദ്യത്തെ ഉപഭോക്താവായി. ബഹിരാകാശത്തേക്ക് പോകുന്ന ഏറ്റവും പ്രായം കുറഞ്ഞ വ്യക്തി കൂടിയാണ് ഡീമൻ.

ഇന്ത്യൻ സമയം വൈകിട്ട് 6:53 നാണ് കാപ്സ്യൂൾ നിലത്ത് തിരിച്ചെത്തിയത്.  ജെഫ് ബെസോസ് ഒന്നാമത് പുറത്തിറങ്ങി. അദ്ദേഹത്തിന്റെ  സന്തോഷത്തിന് അതിരുകളില്ലായിരുന്നു. പുറത്തിറങ്ങിയയുടനെ ആദ്യം കാമുകിയെ കെട്ടിപ്പിടിച്ച് ചുംബിച്ചു.

ജെഫ് ബെസോസ് 2000ലാണ് ബ്ലൂ ഒറിജിൻ സ്ഥാപിച്ചത്. അതിനുശേഷം, ന്യൂ ഷെപ്പേർഡ് ബഹിരാകാശ പേടകം ഒരു പതിറ്റാണ്ടായി പ്രോട്ടോടൈപ്പുകൾ പരീക്ഷിക്കുന്നു. എന്നിരുന്നാലും, ഇന്നത്തെ ബഹിരാകാശ യാത്ര ഒരു മനുഷ്യ സംഘവുമായുള്ള ആദ്യത്തെ ദൗത്യമായിരുന്നു.

52 വർഷം മുമ്പ് അപ്പോളോ 11 ചന്ദ്രനിൽ  ഇറങ്ങിയത് ജൂലൈ 20 നായിരുന്നു. അതിനാൽ തന്നെയാണ് ബെസോസും സംഘവും യാത്രക്ക് ഈ ദിനം തെരഞ്ഞെടുത്തത്. അതേസമയം, ബഹിരാകാശത്തേക്ക് പോയ ആദ്യത്തെ അമേരിക്കക്കാരനായ 1961 ലെ ബഹിരാകാശയാത്രികൻ അലൻ ഷെപ്പേഡിന്റെ പേരിലാണ് റോക്കറ്റിന്റെയും കാപ്സ്യൂളിന്റെയും പേര്.

ബെസോസിന്റെ യാത്ര പൂർത്തിയായ ശേഷം അദ്ദേഹത്തിന്റെ കമ്പനിയായ ബ്ലൂ ഒറിജിൻ ബഹിരാകാശ പര്യടനത്തിനുള്ള ടിക്കറ്റ് ബുക്ക് ചെയ്യാൻ തുടങ്ങി. എന്നിരുന്നാലും, കമ്പനി ഇതുവരെ അതിന്റെ വില വെളിപ്പെടുത്തിയിട്ടില്ല.

ലാൻഡിംഗിന് ശേഷം, 'ഇത് അവിശ്വസനീയമായിരുന്നു' എന്നാണ് ബെസോസ് പ്രതികരിച്ചത്. 'പൂജ്യം ഗുരുത്വാകർഷണം എത്ര എളുപ്പമാണെന്ന് ഞാൻ അത്ഭുതപ്പെട്ടു, തികച്ചും സ്വാഭാവികം. തന്റെ ജീവിതത്തിലെ ഏറ്റവും മികച്ച ദിവസം എന്നാണ് അദ്ദേഹം ജൂലൈ 20നെ വിശേഷിപ്പിച്ചത്.