മഞ്ഞ, ചാര നിറത്തിൽ മങ്ങി മങ്ങി കത്തുന്ന സൂര്യൻ; സൂര്യന്‍റെ ഏറ്റവും അടുത്തുള്ള ചിത്രങ്ങൾ

സൂര്യന്‍റെ ഏറ്റവും അടുത്തുള്ള ചിത്രങ്ങൾ പുറത്ത്. (Photo by - / Solar Orbiter/EUI/ESA/NASA / AFP)

യൂറോപ്യൻ സ്പേസ് ഏജൻസിയുടെ നേതൃത്വത്തിൽ നടക്കുന്ന സോളാർ ഓർബിറ്റർ മിഷനാണ് ചിത്രം പുറത്തുവിട്ടത്. ഇങ്ങനെയൊരു ചിത്രം എടുക്കുക അസാധ്യമാണെന്നാണ് കരുതിയതെന്ന് ഗവേഷണത്തിന് നേതൃത്വം നൽകിയ ശാസ്ത്രജ്ഞൻ ഡേവിഡ് ബർഗ്മാൻ പറ‍ഞ്ഞു. (Solar Orbiter/EUI Team (ESA & NASA); CSL, IAS, MPS, PMOD/WRC, ROB, UCL/MSSL/ via AP)

സൂര്യൻ ശാന്തമായി നിൽക്കുകയാണെന്നാണ് ആദ്യം തോന്നിയതെങ്കിലും മങ്ങിമങ്ങി കത്തുന്നുണ്ടെന്നാണ് വിശദമായ പരിശോധനയിൽ മനസിലായത്. അൾട്രാവയലറ്റ് ഇമേജർ എന്ന ഉപകരണമുപയോഗിച്ച് മേയ് 30ന് എടുത്ത ചിത്രം കഴിഞ്ഞ ദിവസമാണ് പുറത്തുവിട്ടത്. (Solar Orbiter/EUI Team (ESA & NASA); CSL, IAS, MPS, PMOD/WRC, ROB, UCL/MSSL/ via AP)

സൂര്യന് 77 ദശലക്ഷം കിലോമീറ്റർ അകലെ നിന്നാണ് ചിത്രമെടുത്തിരിക്കുന്നത്. ഭൂമി സൂര്യനിൽ നിന്ന് ഏതാണ്ട് 150 ദശലക്ഷം കിലോമീറ്റർ അകലെയാണെന്നോർക്കണം. (Photo by - / Solar Orbiter/EUI/ESA/NASA / AFP)

നേരത്തെ അമേരിക്കൻ ബഹിരാകാശ ഏജൻസിയായ നാസയുടെ പാർക്കർ സോളാർ അന്വേഷണ ബഹിരാകാശ വാഹനം സൂര്യന്റെ 6.2 ദശലക്ഷം കിലോമീറ്റർ അടുത്തെത്തിയിരുന്നു. (Photo by - / Solar Orbiter/EUI/ESA/NASA / AFP)

ആ സ്ഥലത്തെ അന്തരീക്ഷം വളരെ പ്രതികൂലമായതിനാൽ ക്യാമറ എത്തിക്കാനായില്ല. സോളാർ ഓർബിറ്ററിന്റെ പ്രവര്‍ത്തനത്തിൽ ശാസ്ത്രജ്ഞർ ആവേശഭരിതരാണ്. (Photo by - / Solar Orbiter/EUI/ESA/NASA / AFP)

അന്താരാഷ്ട്ര സഹകരണ അടിസ്ഥാനത്തിൽ ഫെബ്രുവരിയിൽ‌ വിക്ഷേപിച്ച ബഹിരാകാശ വാഹനം ഉടൻ ചരിത്രത്തിലാദ്യമായി സൂര്യന്റെ ധ്രുവപ്രദേശങ്ങളെ നിരീക്ഷിക്കും. ക്യാമറയുമായി സൂര്യന്റെ ഇത്രയും അടുത്ത് ഇതുവരെയും ഒരു ബഹിരാകാശ വാഹനവും എത്തിയിട്ടില്ല. (Photo by - / Solar Orbiter/MetisTeam/ESA/NASA / AFP)

മഞ്ഞ, ചാര നിറത്തിലുള്ള ചെറിയ തീജ്വാലകൾ വമിക്കുന്ന സൂര്യനാണ് പുതിയ ചിത്രങ്ങളിൽ. ചെറിയ തീനാമ്പുകളെ കുറിച്ച് ഗവേഷണത്തിനൊരുങ്ങുകയാണ് ശാസ്ത്രജ്ഞർ. (Photo by - / Solar Orbiter/EUI/ESA/NASA / AFP)

സൗരോപരിതലത്തിലെ താപനില കണക്കുകൂട്ടിയതിനേക്കാള്‍ നൂറ് മടങ്ങധികമാണെന്ന് യൂറോപ്യൻ സ്പെയ്സ് ഏജൻസിയിലെ ശാസ്ത്രജ്ഞനായ ഡാനിയൽ മുള്ളർ പറഞ്ഞു. (Photo by - / Solar Orbiter/EUI/ESA/NASA / AFP)

സൗരോപരിതലത്തിൽ കാണുന്ന ജ്വാലകൾ ചെറുസ്ഫോടനങ്ങളോ ജ്വാലകളോ ആകാമെന്നാണ് ശാസ്ത്രലോകത്തിന്റെ കണക്കുകൂട്ടൽ. (ESA & NASA); CSL, IAS, MPS, PMOD/WRC, ROB, UCL/MSSL/ via AP)

രണ്ട് വർഷത്തിനുള്ളിൽ സോളാർ ഓർബിറ്റർ സൂര്യന്റെ കൂടുതൽ അടുത്തെത്തും. ഇതോടെ ഇപ്പോൾ നിലനിൽക്കുന്ന പല സംശയങ്ങളും ദുരീകരിക്കാനാകുമെന്നാണ് ശാസ്ത്രജ്ഞർ കരുതുന്നത്. (Photo by - / Solar Orbiter/EUI/ESA/NASA / AFP)