COVID 19| നിരീക്ഷണത്തില്‍ കഴിയുന്നവര്‍ക്ക് പുസ്തകങ്ങള്‍ ചങ്ങാതിമാരാകും; പുതിയ പദ്ധതിയുമായി ഉള്ള്യേരി ഗ്രാമപഞ്ചായത്ത്
പഞ്ചായത്തിന്റെ വിവിധ വാര്‍ഡുകളില്‍ 343 പേര്‍ നിരീക്ഷണത്തില്‍ കഴിയുന്നുണ്ട്. അസഹ്യമായ ചൂടും പുറം ലോകവുമായി ബന്ധമില്ലാത്ത സാഹചര്യവും പലര്‍ക്കും മാനസിക സംഘര്‍ഷത്തിന് ഇടയാക്കുന്നു. ..
(റിപ്പോർട്ട്- മുഹമ്മദ് ഷെഹീദ്)
News18 Malayalam | April 5, 2020, 10:46 AM IST
1/ 6
കോഴിക്കോട്: ലോക്ഡൗണ്‍ പ്രതിസന്ധിയെ സര്‍ഗ്ഗാത്മകമായി അതിജീവിക്കുകയാണ് കേരളം. എന്നാല്‍ ഇതിനൊപ്പം വീടുകളില്‍ നിരീക്ഷണത്തില്‍ കൂടിയായലോ. അധികം സര്‍ഗ്ഗാത്മതക്കൊന്നും അവിടെ വലിയ സാധ്യതയില്ല. നിരീക്ഷണത്തില്‍ കഴിയുന്നവര്‍ പുസ്തകങ്ങളുമായി എളുപ്പം ചങ്ങാതിമാരാകും. ഇത്തരക്കാര്‍ക്കായി പഞ്ചായത്ത് തന്നെ നേരിട്ട് പുസ്തകമെത്തിക്കുകയാണ് കോഴിക്കോട് ഉള്ള്യേരിയില്‍.
2/ 6
ഗ്രാമപഞ്ചായത്തില്‍ വീടുകളില്‍ നിരീക്ഷണത്തില്‍ കഴിയുന്ന മുഴുവന്‍ പേര്‍ക്കും മലയാളത്തിലെ പ്രിയപ്പെട്ട എഴുത്തുകാരുടെ പുസ്തകങ്ങള്‍ വീടുകളില്‍ എത്തിക്കുന്ന പുസ്തകച്ചങ്ങാതി പ്രവര്‍ത്തനത്തിന് തുടക്കം കുറിച്ചു.
3/ 6
പഞ്ചായത്തിന്റെ വിവിധ വാര്‍ഡുകളില്‍ 343 പേര്‍ നിരീക്ഷണത്തില്‍ കഴിയുന്നുണ്ട്. അസഹ്യമായ ചൂടും പുറം ലോകവുമായി ബന്ധമില്ലാത്ത സാഹചര്യവും പലര്‍ക്കും മാനസിക സംഘര്‍ഷത്തിന് ഇടയാക്കുന്നു. ഇന്റര്‍നെറ്റാണ് ഏവരുടേയും പ്രധാന ആശ്രയം. ഈ സാഹചര്യത്തിലാണ് പുതുശീലങ്ങളിലേക്ക് വഴി മാറാന്‍ പഞ്ചായത്ത് അവസരമൊരുക്കുന്നത്.
4/ 6
പുസ്തക വായന ശീലമാക്കാനുള്ള അവസരമായി പലരും ഇതിനെ കാണുന്നതായി ഗ്രാമപഞ്ചായത്ത് പ്രസിഡണ്ട് ഷാജു ചെറുകാവില്‍ പറഞ്ഞു. എം.ടി യുടെയും മാധവിക്കുട്ടിയുടെയും എം മുകുന്ദന്റെയും ഉള്‍പ്പെടെ മലയാള സാഹിത്യ ലോകത്തേക്കുള്ള ചുവടുവയ്പാണ് പലര്‍ക്കും ഈ അവസരം.
5/ 6
നിരീക്ഷണത്തിലുള്ള മുഴുവന്‍ പേരുടെയും വീടുകളില്‍ ദ്രുതകര്‍മസേനയുടെ നേതൃത്വത്തില്‍ പുസ്തകങ്ങള്‍ വിതരണം ചെയ്യും. വീടുകളില്‍ നിരീക്ഷണത്തിലുള്ളവര്‍ക്ക് ഒരുതരത്തിലും പ്രയാസം ഉണ്ടാവാതെ നോക്കാന്‍ പഞ്ചായത്ത് ജാഗ്രതയോടെ ഇടപെടുമെന്ന് പ്രസിഡന്റ് പറഞ്ഞു.
6/ 6
ചടങ്ങില്‍ പി ഷാജി, രാധാകൃഷ്ണന്‍ കുറുങ്ങോട്ട്, ജൂനിയര്‍ ഹെല്‍ത്ത് ഇന്‍സ്പെക്ടര്‍ ബാലകൃഷ്ണന്‍, പാലിയേറ്റീവ് നഴ്സ് പ്രജില, ആശാവര്‍ക്കര്‍ മിനി എന്നിവര്‍ സംബന്ധിച്ചു.
