Second child | രണ്ടാമത്തെ കുഞ്ഞിനായി തയാറെടുക്കുന്ന മാതാപിതാക്കൾ നേരിടുന്ന പ്രധാന ആശങ്കകൾ

കുട്ടിയെ വളർത്തുന്നത് ഒരു വലിയ ഉത്തരവാദിത്തമാണ്. നിങ്ങൾ രണ്ടാമത്തെ കുഞ്ഞിനായി ആസൂത്രണം ചെയ്യുമ്പോൾ, ഉത്തരവാദിത്തങ്ങൾ പലമടങ്ങ് വർദ്ധിക്കുന്നു. ആദ്യത്തെ കുട്ടിയെ ആസൂത്രണം ചെയ്യുകയും വളർത്തുകയും ചെയ്തപ്പോൾ നിലവിലില്ലാത്ത പുതിയ ആശങ്കകളും തിരഞ്ഞെടുപ്പുകളും നിങ്ങൾ നടത്തേണ്ടതുണ്ട്. രണ്ടാമത്തെ കുട്ടിയുണ്ടാകുമ്പോൾ നിങ്ങൾ കൈകാര്യം ചെയ്യാൻ സാധ്യതയുള്ള അത്തരം നാല് ഭയങ്ങൾ ഇതാ:

ഒരു കുട്ടിയെ മറ്റെയാളെക്കാൾ കൂടുതൽ സ്നേഹിക്കുമോ എന്ന ഭയം: ആദ്യമായി ഒരു കുഞ്ഞിന് ജന്മം നൽകുന്ന അനുഭവം അദ്വിതീയമാണ്. രണ്ടാമത്തെ തവണ അത് ആവർത്തനം എന്ന് തോന്നിയേക്കാം. എന്നിരുന്നാലും, കുട്ടി വളരുന്തോറും രണ്ടാമത്തെ കുട്ടി ആദ്യത്തേതിനേക്കാൾ പഠനത്തിലും കായികരംഗത്തും മികച്ചതായി മാറിയേക്കാം. ആദ്യത്തെ കുട്ടി രണ്ടാമത്ത കുഞ്ഞിനേക്കാൾ കൂടുതൽ ഉത്തരവാദിത്തമുള്ളവനായി മാറുന്നതാണ് മറ്റൊരു സാഹചര്യം. ഈ ധർമ്മസങ്കടത്തിലും ഗുണങ്ങളുടെ പോരാട്ടത്തിലും ആരെയാണ് കൂടുതൽ സ്നേഹിക്കേണ്ടത്? ഉത്തരം ലളിതമാണ് - വിഷമിക്കേണ്ടതില്ല, കാരണം രണ്ട് കുട്ടികൾക്കും നിങ്ങളുടെ ഹൃദയത്തിൽ ഒരു പ്രത്യേക സ്ഥാനം ഉണ്ടായിരിക്കും (പ്രതീകാത്മക ചിത്രം)

രണ്ട് കുട്ടികളെയും ഒരേസമയം വളർത്താൻ കഴിയില്ലെന്ന ഭയം: നിങ്ങൾ ആദ്യത്തെ കുഞ്ഞിനെ വളർത്തുമ്പോൾ ഒരു വലിയ ബുദ്ധിമുട്ട് നേരിട്ടിട്ടുണ്ടാകുമെന്നതിനാൽ ഇങ്ങനെ തോന്നുന്നത് സ്വാഭാവികമാണ്. പുലർച്ചെ 3 മണിക്ക് നിങ്ങളുടെ രണ്ടാമത്തെ കുഞ്ഞ് കരയാൻ തുടങ്ങുമ്പോൾ, ഒരു കുട്ടിയെ എങ്ങനെ കൈകാര്യം ചെയ്യണമെന്ന് നിങ്ങൾക്കറിയാത്ത അത്തരം പ്രയാസകരമായ സമയങ്ങളിലെ ഓർമ്മകൾ അർദ്ധരാത്രിയിൽ നിങ്ങളെ വേട്ടയാടിയേക്കാം. ഈ ഭയത്തിനുള്ള പരിഹാരം ഇതാണ്. നിങ്ങൾ ഇതിനകം തന്നെ ഈ പ്രശ്‌നങ്ങളെ കാര്യക്ഷമമായി കൈകാര്യം ചെയ്തിട്ടുണ്ടെന്നും പഴയ തെറ്റുകൾ ആവർത്തിക്കാതെ പ്രക്രിയ ആവർത്തിക്കേണ്ടതുണ്ടെന്നും നിങ്ങൾ ഓർക്കണം

രണ്ട് കുഞ്ഞുങ്ങളും തമ്മിലെ ചേർച്ചക്കുറവിനെക്കുറിച്ചുള്ള ഭയം: ഒരു ദിവസം നിങ്ങളുടെ ആദ്യത്തെ കുട്ടിയോട് അവന്റെ അല്ലെങ്കിൽ അവളുടെ സഹോദരൻ/സഹോദരി വരികയാണെന്ന് വെളിപ്പെടുത്താൻ നിങ്ങൾ പദ്ധതിയിടുമ്പോൾ, തനിക്കതുവരെ ലഭിച്ചിരുന്ന ശ്രദ്ധയും സ്നേഹവും ഇപ്പോൾ മറ്റേയാൾക്ക് കൂടി പകുത്തു പോകുമെന്ന് മനസ്സിലാക്കുമ്പോൾ അവർക്ക് അസൂയ തോന്നി തുടങ്ങിയേക്കാം. ഈ പ്രശ്നം പരിഹരിക്കാനുള്ള ഏറ്റവും നല്ല മാർഗം, സഹോദരങ്ങളെ നന്നായി പരിപാലിക്കുന്നത് അവരുടെ ജോലിയാണെന്ന് മൂത്തകുട്ടിക്ക് മനസ്സിലാക്കിക്കൊടുക്കുക എന്നതാണ്. രണ്ട് കുട്ടികൾ ഉള്ളപ്പോൾ സ്നേഹവും ശ്രദ്ധയും ഇരട്ടിയാകുമെന്ന് അവരോട് വിശദീകരിക്കുക

സാമ്പത്തിക ബുദ്ധിമുട്ടുകളെക്കുറിച്ചുള്ള ഭയം: രണ്ട് കുട്ടികൾ എന്നാൽ ചെലവിന്റെ ഇരട്ടിയിലധികം എന്നതിന് തുല്യമാണ്. ഗർഭധാരണം മുതൽ വിദ്യാഭ്യാസം വരെ അവരുടെ വസ്ത്രങ്ങളും ഭക്ഷണവും വരെ എല്ലാം ശ്രദ്ധിക്കേണ്ടതുണ്ട്. ഈ പ്രശ്നം വളരെ സാധാരണമാണ്, രണ്ടാമത്തെ കുഞ്ഞ് ജനിക്കുന്നതിന് മുമ്പ് നിങ്ങളുടെ സാമ്പത്തികം ആസൂത്രണം ചെയ്യുകയും ചെലവുകൾ നന്നായി പരിശോധിക്കുകയും ചെയ്യുക എന്നതാണ് ഇത് കൈകാര്യം ചെയ്യാനുള്ള ഏക മാർഗം. അതിലൂടെ നിങ്ങളുടെ സമ്പാദ്യം കുട്ടികളിൽ ആർക്കും നഷ്ടമാകില്ലെന്ന് ഉറപ്പാക്കാൻ നിങ്ങൾക്ക് കഴിയും