ചെറുപ്പമാവാനും ലൈംഗികാരോഗ്യം നിലനിർത്താനും ആയുർവേദ മാർഗം; അറിയേണ്ടതെല്ലാം

ആയുർവേദത്തിൽ വളരെ പ്രചാരമുള്ള മൂലികയാണ് അശ്വഗന്ധ. പിരിമുറുക്കം കുറയ്ക്കാൻ സഹായിക്കാനുള്ള ഇതിന്റെ കഴിവാണ് അശ്വഗന്ധയെ ഇത്രയേറെ ശ്രദ്ധേയമാക്കിയത്. ശാരീരികവും മാനസികവുമായ പിരിമുറുക്കത്തിൽ തുടങ്ങി മറ്റു പല തരത്തിലുമുള്ള ആരോഗ്യ പ്രശ്നങ്ങൾക്കും അശ്വഗന്ധ കൊണ്ട് പരിഹാരമുണ്ട്

ശരീരത്തിന് ഉന്മേഷം പകരുകയും മൊത്തത്തിലുള്ള ആരോഗ്യം മെച്ചപ്പെടുത്തുകയും ചെയ്യുന്ന അശ്വഗന്ധ കൊണ്ട് പലവിധ ഉപയോഗങ്ങളുണ്ട്. അത് ശരീരത്തിന് നൽകുന്ന, ശാസ്ത്രം അംഗീകരിച്ച, അഞ്ചു പ്രാധാന ഗുണങ്ങളെക്കുറിച്ചറിയാം (പ്രതീകാത്മക ചിത്രം)

തലച്ചോറിനും മാനസികാരോഗ്യത്തിനും: ഉത്കണ്ഠയും പിരിമുറുക്കവും കൊണ്ടുണ്ടാവുന്ന വിഷാദരോഗം കുറയ്ക്കാൻ അശ്വഗന്ധ കൊണ്ട് കഴിയും എന്ന് ഗവേഷണങ്ങൾ പറയുന്നു. പാർക്കിൻസൺസ്, എ.ഡി.എച്ച്.ഡി. തുടങ്ങിയ രോഗങ്ങൾ നിയന്ത്രിക്കാനും ഉറക്കം മെച്ചപ്പെടുത്താനും അശ്വഗന്ധ കൊണ്ട് സാധിക്കും  (പ്രതീകാത്മക ചിത്രം)

ഹൃദയാരോഗ്യം മെച്ചപ്പെടുത്താൻ: നിങ്ങളുടെ ഹൃദയത്തിന് അശ്വഗന്ധ കൊണ്ട് ഒട്ടേറെ ഗുണങ്ങളുണ്ട്. ഹൃദയത്തിന്റെ പേശികളെ ദൃഢമാക്കാനും കാർഡിയോവാസ്ക്കുലാർ സിസ്റ്റത്തിലെ സമ്മർദ്ദം കുറയ്ക്കാനും ഉപകരിക്കും. കൊളസ്‌ട്രോൾ കുറയ്ക്കുകയും ധമനികളിൽ രക്തം കട്ടപിടിക്കുന്നത് തടയുകയും ചെയ്യും. ഹൃദയ സ്തംഭനം, സ്ട്രോക്ക് തുടങ്ങിയ അവസ്ഥകളിലേക്കു നയിക്കുന്ന ഘടകങ്ങളെ തടയാനും സഹായകമാണ്

പ്രായംചെല്ലുന്നത്  നിയന്ത്രിക്കാൻ: അശ്വഗന്ധ ഒരു ആന്റി ഓക്സിഡന്റാണ്‌. അതിനാൽ തന്നെ പ്രായം ചെല്ലുന്നതിന്റെ വേഗം കുറയ്ക്കാൻ കഴിയും. പ്രായാധിക്യം സൃഷ്‌ടിക്കുന്ന ഫ്രീ റാഡിക്കലുകളെ നിയന്ത്രിക്കാനുള്ള ആന്റി ഓക്‌സിഡന്റുകൾ അശ്വഗന്ധ പ്രദാനം ചെയ്യുന്നു

ലൈംഗികാരോഗ്യം മെച്ചപ്പെടുത്താൻ: പുരുഷന്മാരിലെ ഉദ്ധാരണ പ്രശ്നവും പിരിമുറുക്കം കൊണ്ടുണ്ടാവുന്ന ഉത്ഖണ്ഠയും ചികിത്സിക്കാൻ പരമ്പരാഗതമായി അശ്വഗന്ധ ഉപയോഗിച്ച് വരുന്നു. ശുക്ലത്തിലെ കൗണ്ട്, ടെസ്റ്റോസ്റ്റീറോൺ തുടങ്ങിയവ മെച്ചപ്പെടുത്താനും ഉപകരിക്കും. സ്ത്രീകളിലും പുരുഷന്മാരിലും ലൈംഗിക ഉണർവ് പ്രദാനം ചെയ്യുന്നതായും കണ്ടെത്തിയിട്ടുണ്ട്  (പ്രതീകാത്മക ചിത്രം)

രക്തത്തിലെ പഞ്ചസാര നിയന്ത്രിക്കാൻ: പ്രമേഹമുള്ളവരിലും അല്ലാത്തവരിലും ഇൻസുലിൻ ഉൽപ്പാദനവും ഇൻസുലിൻ പ്രവർത്തനവും മെച്ചപ്പെടുത്താൻ അശ്വഗന്ധ കൊണ്ട് സാധിക്കും എന്ന് പഠനങ്ങൾ വെളിപ്പെടുത്തുന്നു. ഇനി അശ്വഗന്ധ എങ്ങനെ ഉപയോഗിക്കാം എന്ന് നോക്കാം

അശ്വഗന്ധയുടെ വേര് പൊടിച്ച് ചൂട് വെള്ളം, പാല് അഥവാ തേനിൽ ചേർത്തു സേവിക്കലാണ് പതിവ്. ശരീരത്തിന് ഊഷ്‌മളമായ പ്രതീതി നൽകാൻ അതുകൊണ്ടാവും എന്ന് ആയുർവേദം പറയുന്നു. ചില മരുന്നുകളുടെ പ്രവർത്തനവുമായി പ്രതികരിക്കും എന്നതിനാൽ എല്ലാവർക്കും ഇത് അനുയോജ്യമാവില്ല. ഒരു ആയുർവേദാചാര്യന്റെയോ ഡോക്‌ടറുടെയോ ഉപദേശം അനുസരിച്ച് മാത്രം സേവിക്കുക