അറിയാമോ, ഒരു നാരങ്ങ കൊണ്ട് ആരോഗ്യത്തിന് ഒൻപത് നേട്ടങ്ങളുണ്ടെന്ന്?

നാരങ്ങ ഒരു അത്ഭുത ഫലമാണെന്ന് അറിയാമായിരുന്നോ? നാവിനു പുളിപ്പ് നൽകുന്ന, എന്നാലല്പം പഞ്ചസാര ചേർത്ത് കുടിച്ചാൽ മധുരിക്കുന്ന നാരങ്ങയ്ക്ക് ഗുണങ്ങളേറെയുണ്ട്. ദാഹമകറ്റാൻ തുടങ്ങി താരൻ മാറാൻ വരെ നാരങ്ങ ഉപയോഗിച്ച് പോകാറുണ്ട്. എന്നാൽ നാരങ്ങയുടെ ഗുണങ്ങൾ അതിലുമേറെയുണ്ട്. അതെന്തൊക്കെ എന്ന് പരിശോധിക്കാം

പുലർച്ചെ ചൂടുവെള്ളത്തിൽ നാരങ്ങ പിഴിഞ്ഞ് കുടിക്കുക. ഒട്ടേറെ ഗുണങ്ങളുണ്ടാവും. പല രോഗങ്ങളും ശമിപ്പിക്കാൻ അതുകൊണ്ടാവും. കൂടാതെ ദേഹത്തിനാവശ്യമുള്ള എല്ലാ പോഷകങ്ങളും ലഭിക്കും. നാരങ്ങ നിങ്ങളുടെ ജീവിതത്തിന്റെ ഭാഗമാവുകയാണെങ്കിൽ ആരോഗ്യപ്രശ്നങ്ങളുടെ എണ്ണവും കുറയും

കൊഴുപ്പലിയിക്കാൻ: ശരീരത്തിൽ അടിഞ്ഞുകൂടിയിരിക്കുന്ന കൊഴുപ്പലിയിക്കാൻ നാരങ്ങ കൊണ്ടാവും. നാരങ്ങ ഉള്ളിൽ ചെല്ലുന്നതു കൊണ്ട് രക്തചംക്രമണം ത്വരിതപ്പെടുത്താനാവും. ഹൃദയസംബന്ധിയായ പ്രശ്നങ്ങളും കുറയും

നാരങ്ങ ഉള്ളിൽ ചെല്ലുന്നത് കൊണ്ട് പ്രമേഹമുള്ളവർക്കു രക്തത്തിലെ ഗ്ലുക്കോസിന്റെ അളവ് നിയന്ത്രണത്തിൽ കൊണ്ടുവരാൻ സാധിക്കും

ശ്വസിക്കുന്ന വായുവിൽ നിന്ന്, കഴിക്കുന്ന ഭക്ഷണത്തിൽ നിന്ന്, കുടിക്കുന്ന വെള്ളത്തിൽ നിന്നെല്ലാം ശരീരത്തിൽ ഒട്ടേറെ മാലിന്യങ്ങൾ  അടിഞ്ഞുകൂടും. നാരങ്ങ നീര് കുടിച്ചാൽ ഇവയെ ശരീരത്തിൽ നിന്നും പുറന്തള്ളാൻ സാധിക്കും

രോഗ പ്രതിരോധശേഷി: ആന്റി ഓക്സിഡന്റ്, വൈറ്റമിൻ സി എന്നിവയാൽ സമ്പുഷ്‌ടമാണ് നാരങ്ങ. ഇത് ശരീരത്തിന്റെ രോഗപ്രതിരോധ ശേഷിയെ കെട്ടിപ്പടുക്കാൻ സഹായിക്കും. പ്രകൃതിദത്തമായ ആന്റിബയോട്ടിക്, ആന്റിഫംഗൽ, ആന്റിവൈറൽ ഗുണങ്ങൾ പല ഇന്ഫെക്ഷനുകളെയും ഇല്ലാതാക്കും

ചൂടുവെള്ളത്തിൽ നാരങ്ങ നീര് കുടിക്കുക വഴി ശരീരത്തിലെ പൊട്ടാഷ്യത്തിന്റെ അളവ് മെച്ചപ്പെടും. സിട്രേറ്റ് തോതും ഉയരും. തത്‌ഫലമായി കിഡ്‌നി സ്റ്റോൺ അഥവാ മൂത്രത്തിൽക്കല്ല് പതിയെ ഇല്ലാതാവും

പിത്താശയത്തിലെ കല്ല്: വൃക്കയിലെ മാത്രമല്ല, പിത്താശയത്തിലെ കല്ല് നീക്കം ചെയ്യാനും നാരങ്ങനീരുകൊണ്ടാവും. വയറുവേദന ഉണ്ടെങ്കിൽ ദിവസവും രാവിലെ ചൂടുവെള്ളത്തിൽ നാരങ്ങ ചേർത്ത് കുടിക്കുക

ഉദരരോഗ പ്രശ്നങ്ങൾ: ദിവസവും നാരങ്ങാനീര് കുടിക്കുക വഴി ഉദരരോഗ പ്രശ്നങ്ങൾ വരുതിയിലാക്കാം

സെൻസിറ്റീവ് തൊലിക്ക് നാരങ്ങ നീര് അത്യുത്തമമാണ്. ഇതിൽ നിറയെ ആന്റി ഓക്‌സിഡന്റുകൾ നിറഞ്ഞിരിക്കുന്നതിനാൽ ത്വക്കിന്‌ തിളക്കം നൽകുന്നതിനോടൊപ്പം മുഖത്തെ ചുളിവുകളും പാടുകളും അപ്രത്യക്ഷമാവുകയും ചെയ്യും

ദേഹത്തെ നീർക്കെട്ടും വേദനയും കുറയ്ക്കാൻ നാരങ്ങ ഗുണകരമാണ്. സന്ധിവേദനയുള്ളവർക്കും ഉപകാരപ്രദമാകും. പനി, ചുമ, ജലദോഷം എന്നിവയ്ക്കും പരിഹാരമാകും

ഈ ഗുണഗണങ്ങൾ ഉള്ളത് കാരണം രാവിലെ ചെറുചൂടുവെള്ളത്തിൽ നാരങ്ങ ചേർത്ത് കഴിക്കുന്നത് അത്യുത്തമമെന്നു ആരോഗ്യ വിദഗ്ധർ അഭിപ്രായപ്പെടുന്നു