രതിമൂർച്ഛ കൊണ്ട് സ്ത്രീ പുരുഷന്മാർക്ക് ആരോഗ്യപരമായ നേട്ടങ്ങളുണ്ടോ?

ലൈംഗിക സംതൃപ്തിയുടെ പാരമ്യമോ കൊടുമുടിയോ ആണ് രതിമൂർച്ഛ. അടിഞ്ഞുകൂടിയ ലൈംഗിക പിരിമുറുക്കം പുറത്തുവിടുന്ന ശക്തമായ ശാരീരിക ആനന്ദമാണിത്. ആരോഗ്യ വിദഗ്ധർ രതിമൂർച്ഛയെ കാണുന്നത് ശാരീരിക വ്യതിയാനങ്ങളെ അടിസ്ഥാനമാക്കിയാണെങ്കിലും, വാസ്തവത്തിൽ അതിൽ വൈജ്ഞാനികവും വൈകാരികവുമായ മാറ്റങ്ങൾ ഉൾപ്പെടുന്നു

രതിമൂർച്ഛയെക്കുറിച്ചുള്ള ധാരണ കാലക്രമേണ മാറിയിട്ടുണ്ട്. ഇതേക്കുറിച്ച് നിരവധി വസ്തുതകൾ പുറത്തുവന്നിട്ടുണ്ട്. മിഥ്യാധാരണകൾ തകർക്കപ്പെടുകയും ചെയ്തിട്ടുണ്ട് (തുടർന്ന് വായിക്കുക)

രതിമൂർച്ഛ പുരുഷന്മാർ മാത്രമല്ല അനുഭവിക്കുന്നത്. ലൈംഗിക ഉത്തേജനം ഒഴികെയുള്ള കാരണങ്ങളാലും രതിമൂർച്ഛ ഉണ്ടാകാം. ഈ പ്രക്രിയയിൽ പുറത്തുവിടുന്ന രാസവസ്തുക്കളും ഹോർമോണുകളും കാരണം രതിമൂർച്ഛയ്ക്ക് നിരവധി ആരോഗ്യ ഗുണങ്ങൾ ഉണ്ട്. അവ എന്തെല്ലാം എന്നറിയാം

സ്ഥിരമായി സ്ഖലനം ചെയ്യുന്നത് പ്രോസ്റ്റേറ്റ് കാൻസർ പോലുള്ള മാരകമായ ക്യാൻസറിനുള്ള സാധ്യത കുറയ്ക്കുമെന്ന് പഠനങ്ങൾ തെളിയിക്കുന്നു

രതിമൂർച്ഛയുടെ സമയത്ത് പുറത്തുവിടുന്ന ഡൈഹൈഡ്രോപിയാൻഡ്രോസ്റ്ററോൺ (ഡിഎച്ച്ഇഎ), ഓക്സിടോസിൻ എന്നിവയുൾപ്പെടെയുള്ള ഹോർമോണുകൾ ഹൃദ്രോഗത്തിനും ക്യാൻസറിനുമുള്ള അപകടസാധ്യതകളിൽ നിന്ന് സംരക്ഷിക്കുന്നു

രതിമൂർച്ഛ ഒരു മികച്ച വിശ്രമമായി പ്രവർത്തിക്കുന്നു. രതിമൂർച്ഛയ്ക്കിടെ, ശരീരത്തിൽ എൻഡോർഫിനുകൾ പുറത്തുവിടുന്നു, ഇത് ശരീരത്തിലെ സുഖകരമായ സംവേദനത്തിനും വികാരത്തിനും കാരണമാകുന്നു. ഇതുമൂലം, രതിമൂർച്ഛ നേടിയതിനുശേഷം മിക്ക വ്യക്തികൾക്കും കൂടുതൽ സന്തോഷവും സുഖവും ഊഷ്മളതയും അനുഭവപ്പെടാൻ സാധ്യതയുണ്ട്

ചില വ്യക്തികളിൽ, രതിമൂർച്ഛ ഉറക്കം ഉണ്ടാവാനും ഉറങ്ങാൻ ബുദ്ധിമുട്ട് നേരിടുന്നവർക്ക് സഹായകരമായ പ്രവർത്തനത്തിനും സഹായിക്കുന്നു

ചിലരിലാകട്ടെ തലവേദനയും മറ്റ് തരത്തിലുള്ള ശരീര വേദനകളും കുറയ്ക്കാൻ രതിമൂർച്ഛ സഹായിക്കും