Happy New Year| ഹാങ്ങ് ഓവർ മാറ്റാൻ ഈ എളുപ്പവഴികൾ പരീക്ഷിച്ച് നോക്കൂ..

പുതുവത്സരം പല രീതിയിൽ ആഘോഷിക്കാനാണ് ആഗ്രഹിക്കുന്നത്. ചിലർക്ക് യാത്രകളോടായിരിക്കും താൽപര്യം. കോവിഡിന‍്റെ പശ്ചാത്തലത്തിൽ വീട്ടിൽ തന്നെ ആഘോഷിക്കാനാണ് കൂടുതൽ പേരും ആഗ്രഹിക്കുന്നത്. ആഘോഷങ്ങൾ അതിരുവിടരുതെന്ന കാര്യം ശ്രദ്ധിക്കുക. അമിത മദ്യപാനം ഒഴിവാക്കുക.

വമ്പൻ പാർട്ടികൾക്കും ആഘോഷങ്ങൾക്കും ശേഷം ഹാങ്ങ് ഓവർ സാധാരണയാണ്. ചിലരിൽ ഇത് മണിക്കൂറുകള്‍ ദിവസം മുഴുവനോ നീണ്ടുനിൽക്കാം. വളരെ കുറച്ച് മദ്യപിക്കുന്നത് അടുത്ത ദിവസത്തെ നശിപ്പിക്കില്ല. പക്ഷേ, പുതുവർഷത്തിന്റെ പേരിൽ അമിതമായി മദ്യപിക്കാനാണ് തീരുമാനമെങ്കിൽ രാവിലെ എഴുന്നേൽക്കുമ്പോൾ തലവേദനയും ക്ഷീണവും നിങ്ങളെ പിടികൂടും. അതിനാൽ ഹാങ്ങ് ഓവറിൽ നിന്ന് രക്ഷ നേതാനുള്ള ചില പൊടിക്കൈകൾ ഇതാ.

ചായയോ കോഫിയോ കുടിക്കൂ- കോഫി അല്ലെങ്കിൽ ചായ പോലുള്ള കഫീൻ പാനീയങ്ങൾ ക്ഷീണം കുറക്കുന്നു. അവ ഉത്തേജകമായി പ്രവർത്തിക്കുന്നു. ആന്റിഓക്‌സിഡന്റുകളും അവയിൽ അടങ്ങിയിട്ടുണ്ട്, ഇത് മദ്യം മൂലമുണ്ടാകുന്ന മോശം പ്രതികരണത്തെ മാറ്റുകയും നിങ്ങളുടെ ഹാങ്ങ് ഓവർ വേഗത്തിൽ സുഖപ്പെടുത്തുകയും ചെയ്യും.

ഇഞ്ചി പരീക്ഷിക്കൂ- ഹാങ്ങ് ഓവറിന്റെ ഒരു ലക്ഷണമാണ് വയറിലെ അസ്വസ്ഥത. ഇഞ്ചി അസ്വസ്ഥമായ വയറിനെ ശാന്തമാക്കുന്നു, മികച്ച ഫലങ്ങൾക്കായി ഇഞ്ചി വെള്ളം കുടിക്കുക അല്ലെങ്കിൽ ഷേക്കായി കുടിക്കുക. ചായയിലും മറ്റും ഇഞ്ചി ചേർക്കുക. ഇഞ്ചി ദഹനത്തെ സഹായിക്കുകയും നിങ്ങളുടെ ഛർദ്ദിക്കാനുള്ള തോന്നൽ കുറയ്ക്കുകയും ചെയ്യുന്നു. മിനിറ്റുകൾക്കുള്ളിൽ ഹാങ്ങ് ഓവറിന് പരിഹാരമാകും.

വിറ്റാമിൻ സി - മദ്യപാനവുമായി ബന്ധപ്പെട്ട അസ്വസ്ഥതകൾ ഭേദമാക്കാൻ കിവി, ഓറഞ്ച്, സ്ട്രോബെറി, നാരങ്ങ തുടങ്ങിയ വിറ്റാമിൻ സി അടങ്ങിയ ഭക്ഷണങ്ങൾ കഴിക്കുക. വിറ്റാമിൻ സി നിങ്ങളുടെ രോഗം വരാനുള്ള സാധ്യത കുറയ്ക്കുന്നു. ഇത് നിങ്ങളെ ഉന്മേഷവാന്മാരാക്കുകയും അമിതമായ ഛർദ്ദിയും തലവേദനയും മൂലം ശരീരത്തിന് നഷ്ടപ്പെട്ടേക്കാവുന്ന ഊർജ്ജം തിരിച്ചുപിടിക്കുകയും ചെയ്യും.

ചമോമൈൽ- ഹാങ്ങ് ഓവറുമായി ബന്ധപ്പെട്ട അസ്വസ്ഥതകൾക്ക് ഏറ്റവും നല്ല പരിഹാരമാണ് ചമോമൈൽ പൂവ്. ഇതു ചേർത്ത ചായ കുടിക്കുന്നത് നല്ലതാണ്. നല്ല ഉറക്കവും ഇത് പ്രദാനം ചെയ്യുന്നു. വേഗം തന്നെ നിങ്ങൾക്ക് ഹാങ്ങ് ഓവറിൽ നിന്ന് കടക്കാനും ഊർജസ്വലതയോടെ ജോലികളിലേക്ക് കടക്കാനും സഹായിക്കും.

തൈര്- ഹാങ്ങ് ഓവറിനുള്ള ഏറ്റവും നല്ല പരിഹാരമായി അറിയപ്പെടുന്നതിനാൽ തൈര് കഴിക്കുക. തൈര് നിങ്ങളുടെ അസിഡിറ്റി ഒഴിവാക്കുകയും നിങ്ങളുടെ അസ്വസ്ഥമായ വയറിനെ ശാന്തമാക്കുകയും ചെയ്യും. നിങ്ങളുടെ ഊര്‍ജ്ജം പുനഃസ്ഥാപിക്കുകയും നിങ്ങളെ തിരികെ ട്രാക്കിലേക്ക് നയിക്കുകയും ചെയ്യും.