Cordelia cruise|ബാറുകൾ മുതൽ സ്പാ വരെ, 5 ലക്ഷം രൂപ വരെ വാടക; ആര്യൻ ഖാനും സുഹൃത്തുക്കളും സഞ്ചരിച്ച ആഢംബര കപ്പൽ

ബോളിവുഡിൽ നിന്ന് വീണ്ടും ലഹരിമരുന്ന് ഉയർന്നു വരുമ്പോൾ ഇന്റർനെറ്റിൽ ഏറ്റവും കൂടുതൽ ആളുകൾ തിരയുന്നത് ഈ ആഢംബര കപ്പലിനെ കുറിച്ചാണ്. കഴിഞ്ഞ ദിവസമാണ് ബോളിവുഡ് സൂപ്പർതാരം ഷാരൂഖ് ഖാന്റെ മകൻ ആര്യൻ ഖാൻ അടക്കമുള്ളവരെ കോർഡീലിയ ക്രൂസിലൈനർ എന്ന ആഢംബര കപ്പലിൽ നടന്ന പാർട്ടി പാർട്ടിക്കിടെ എൻസിബി കസ്റ്റഡിയിൽ എടുത്തത്.

ഒക്ടോബർ 2 ന് മുംബൈയിൽ നിന്ന് ലക്ഷദ്വീപിലേക്ക് പുറപ്പെടാനിരുന്ന കപ്പലാണിത്. എട്ട് മണിക്കൂറാണ് കപ്പലിൽ എൻസിബി ഉദ്യോഗസ്ഥർ റെയ്ഡ് നടത്തിയത്. ഇതിനു ശേഷമാണ് കപ്പലിലുണ്ടായിരുന്ന ആര്യൻ ഖാൻ, അർബാസ് മെർച്ചന്റ് എന്നിവരടക്കമുള്ളവരെ അറസ്റ്റ് ചെയ്തത്.

692 അടി ഉയരമുള്ള കൂറ്റൻ കപ്പലാണിത്. 1800 പേരെ വരെ ഉൾകൊള്ളാൻ കഴിയുന്ന കപ്പലിൽ 11 ഡെക്കുകളിലായി 796 കാബിനുകളാണ് ആകെയുള്ളത്. എല്ലാ ആഢംബര സംവിധാനങ്ങളും സൗകര്യങ്ങളുമാണ് കപ്പലിൽ ഒരുക്കിയിരിക്കുന്നത്. സ്പാ, സലൂൺ, ജിംനേഷ്യം, വമ്പൻ ബ്രാൻഡുകൾ മാത്രം ലഭിക്കുന്ന ഷോപ്പിംഗ് ഏരിയ വരെ കപ്പലിനുള്ളിലുണ്ട്.

692 അടി ഉയരമുള്ള കൂറ്റൻ കപ്പലാണിത്. 1800 പേരെ വരെ ഉൾകൊള്ളാൻ കഴിയുന്ന കപ്പലിൽ 11 ഡെക്കുകളിലായി 796 കാബിനുകളാണ് ആകെയുള്ളത്. എല്ലാ ആഢംബര സംവിധാനങ്ങളും സൗകര്യങ്ങളുമാണ് കപ്പലിൽ ഒരുക്കിയിരിക്കുന്നത്. സ്പാ, സലൂൺ, ജിംനേഷ്യം, വമ്പൻ ബ്രാൻഡുകൾ മാത്രം ലഭിക്കുന്ന ഷോപ്പിംഗ് ഏരിയ വരെ കപ്പലിനുള്ളിലുണ്ട്.

ഇത് കൂടാതെ, കാർഡ് റൂം, റീഡിങ് റൂം എന്നിവ മാത്രമല്ല, കുട്ടികൾക്ക് വേണ്ടി മാത്രമായി "കോർഡേലിയ അക്കാദമിയും" ഇതിനുള്ളിലുണ്ട്. കുട്ടികൾക്ക് കളിക്കാനും പഠിക്കാനുമുള്ള പ്രത്യേക സ്ഥലമാണിത്. കുട്ടികളെ പരിശീലിപ്പിക്കാൻ അംഗീകൃത പരിശീലകരുടെ സേവനവും ലഭ്യമാണ്.

ഔട്ട്ഡോർ തിയേറ്റർ, ഗ്ലോ പാർട്ടി, ടോഗ പൂൾ പാർട്ടി, കയാക്കിംഗ്, ഫാമിലി ഡിസ്കോ, ലാറ്റിൻ ഡാൻസ് ക്ലാസുകൾ തുടങ്ങിയ വിനോദങ്ങളും കപ്പലിനുള്ളിൽ ലഭ്യമാണ്.

നാല് ബാറുകൾ, കാസിനോ, കാസിനോ ബാർ, തിയേറ്റർ, നീന്തൽ കുളം, നൈറ്റ് ക്ലബ്ബ്, ഡിജെ, ലൈവ് ബാൻഡ്, വിശാലമായ ഭക്ഷണ സ്ഥലം, റസ്റ്ററന്റ്, മൂന്ന് അതിവിശിഷ്ട റസ്റ്ററന്റ് അങ്ങനെ നീളുന്നു മറ്റ് സംവിധാനങ്ങൾ.

നാല് ബാറുകൾ, കാസിനോ, കാസിനോ ബാർ, തിയേറ്റർ, നീന്തൽ കുളം, നൈറ്റ് ക്ലബ്ബ്, ഡിജെ, ലൈവ് ബാൻഡ്, വിശാലമായ ഭക്ഷണ സ്ഥലം, റസ്റ്ററന്റ്, മൂന്ന് അതിവിശിഷ്ട റസ്റ്ററന്റ് അങ്ങനെ നീളുന്നു മറ്റ് സംവിധാനങ്ങൾ.

ബാറുകൾക്കുമുണ്ട് സവിശേഷതകൾ ഏറെ, ചെയർമാൻസ് ക്ലബ്ബ്, കണക്ഷൻസ് ക്ലബ്ബ്, ദി പൂൾ ബാർ, ദി ഡോം എന്നിങ്ങനെയാണ് ബാറുകൾ.

ഇന്ത്യയിലെ വ്യത്യസ്ത രുചികളിലുള്ള ഭക്ഷണങ്ങൾക്ക് പുറമേ ലോകത്തെ ഏറ്റവും മികച്ച ഭക്ഷണങ്ങളും കപ്പലിനുള്ളിൽ ലഭിക്കും. ഇത് കൂടാതെ സ്ട്രീറ്റ് ഫുട് കോർണർ എന്നൊരു ഇടവും കപ്പലിനുള്ളിലുണ്ട്. മുംബൈയിലെ വടാ പാവ് മുതൽ ഡൽഹിയിലെ ചാട്ട്, കൊൽക്കത്തയിലെ റോൾസ് എന്നിവ വരെ ഇവിടെ ലഭിക്കും.

ഇത്രയും സൗകര്യമുള്ള കപ്പലിൽ രണ്ട് രാത്രി കഴിയണമെങ്കിൽ കുറഞ്ഞത് 40,000 രൂപയെങ്കിലും നൽകണം. രണ്ട് മുതിർന്നവരും രണ്ട് കുട്ടികളും അടങ്ങുന്ന പാക്കേജ് തുടങ്ങുന്നത് 40,000 രൂപയ്ക്കാണ്. കപ്പലിൽ ആഢംബര ജീവിതം തുടരാനാണ് താത്പര്യമെങ്കിൽ 5 ലക്ഷം രൂപ വരെ നൽകേണ്ടിവരും.