തെന്നിന്ത്യൻ നടി കാജൽ അഗർവാളാണ് സോഷ്യൽമീഡിയയിലെ പുതിയ താരം. ഏറെ ആഘോഷിക്കപ്പെട്ട വിവാഹ ചിത്രങ്ങൾക്ക് പിന്നാലെ ഹണിമൂൺ ചിത്രങ്ങളും സോഷ്യൽമീഡിയയിൽ പങ്കുവെച്ച് ആരാധകരെ ആവേശത്തിലാക്കിയിരിക്കുകയാണ് നടി. ഭർത്താവ് ഗൗതം കിച്ച്‌ലുവിനൊപ്പം മാൽദ്വീപിൽ ഹണിമൂൺ ആഘോഷിക്കുകയാണ് കാജൽ.
2/ 6
ഇപ്പോൾ കടലിനടിയിലെ കാഴ്ച്ചകളാണ് കാജൽ ആരാധകരുമായി പങ്കുവെച്ചിരിക്കുന്നത്. മാൽദ്വീപിൽ കടലിനടിയിലെ റസ്റ്റോറന്റിൽ നിന്നുള്ള ചിത്രങ്ങളാണ് ഏറ്റവും പുതിയത്. കൊണാർഡ് രംഗലി ദ്വീപിലാണ് ഈ ടു ലെവൽ റിസോർട്ട്.
3/ 6
ബ്ലൂ ബ്ലാക്ക് ലെസ് ഉടുപ്പാണ് കാജൽ ധരിച്ചിരിക്കുന്നത്. ഒക്ടോബർ 30 നായിരുന്നു കാജൽ അഗർവാളും മുംബൈയിലെ വ്യവസായി ഗൗതം കിച്ഛലുവും തമ്മിലുള്ള വിവാഹം. മുംബൈയിലെ താജ് ഹോട്ടലിൽ സ്വകാര്യ ചടങ്ങിലായിരുന്നു വിവാഹം നടന്നത്.
4/ 6
നടിയുടെ വിവാഹദിനത്തിലെയും തുടർന്നുള്ള ആഘോഷങ്ങളുടെയും ചിത്രങ്ങൾ നേരത്തേ വൈറലായിരുന്നു. അനാമിക ഖന്ന ഒരുക്കിയ ചുവപ്പ്, പിങ്ക് നിറങ്ങളിലുള്ള അതിമനോഹര ലഹങ്കയാണ് വിവാഹത്തിനായി കാജൽ ധരിച്ചത്. ഇരുപത് പേർ മാസത്തോളം എടുത്താണ് വിവാഹ വസ്ത്രം ഒരുക്കിയത്.
5/ 6
ഫ്ലോറൽ പാറ്റേണിലുള്ള സർദോസി എംബ്രോയിഡറി ചെയ്ത ലഹങ്കയുടെ വില 5 ലക്ഷം രൂപയാണ്. 1,15,000 രൂപ വില വരുന്ന ഷെർവാണിയാണ് വരൻ ഗൗതം വിവാഹദിവസം ധരിച്ചത്. അനിത ഡോങ്ക്രയാണ് ഗൗതമിന്റെ വിവാഹ വസ്ത്രം ഒരുക്കിയത്.
6/ 6
ജയ്പൂരി ജ്വല്ലറി ഡിസൈനർ സുനിത ഷിഖാവത് ഡിസൈൻ ചെയ്ത ആഭരണങ്ങളാണ് കാജൽ വിവാഹ ദിവസം അണിഞ്ഞത്. ജയ്പൂരി ജ്വല്ലറി ഡിസൈനർ സുനിത ഷിഖാവത് ഡിസൈൻ ചെയ്ത ആഭരണങ്ങളാണ് കാജൽ വിവാഹ ദിവസം അണിഞ്ഞത്.
