KMB 2022 കൊച്ചി- മുസിരിസ് ബിനാലെ 2022 ഫോര്‍ട്ട് കൊച്ചി ആസ്പിന്‍വാൾ മുതൽ പതിനാല് വേദികളില്‍

കോവിഡ് കാലത്തിന്റെ പ്രതിസന്ധികൾക്കു ശേഷം അഞ്ചാമതു കൊച്ചി–മുസിരിസ് ബിനാലെക്ക് നാളെ തുടക്കമാകും. നാലു മാസം നീണ്ടുനിൽക്കുന്ന കലാമേളയിൽ വിവിധ രാജ്യങ്ങളിൽ നിന്നുളള 90 ലധികം കലാകാരന്മാരാണ് പങ്കെടുക്കുന്നത്.

രാജ്യത്തിലെ തന്നെ ഏറ്റവും വലിയ കലാപ്രദർശനമായ കൊച്ചി ബിനാലെ കാണാൻ പത്തു ലക്ഷം പേരെത്തുമെന്ന പ്രതീക്ഷയിലാണ് സംഘാടകർ.ഫോർട്ട് കൊച്ചി, മട്ടാഞ്ചേരി എറണാകുളം എന്നിവിടങ്ങളിലെ 14 വേദികളിലായി നടക്കുന്ന ബിനാലെയിൽ 90 വയസ്സുള്ള ഗുജറാത്തുകാരൻ താക്കോർ പട്ടേൽ അടക്കം പ്രശ‌സ്തരായ കലാകാരന്മാരുടെ സൃഷ്ടികൾ അണിനിരക്കും.

ഇന്ത്യൻ വംശജയും സിംഗപ്പൂർ സ്വദേശിയുമായ ശുബിഗി റാവുവാണ് ഇത്തവണ ബിനാലെ ഒരുക്കുന്ന ക്യുറേറ്റർ. ഫോർട്ട്കൊച്ചിയിലെ ആസ്പിൻവാൾ ഹൗസ് അടക്കം പതിനഞ്ചോളം കലാ ഇടങ്ങൾ ചിത്രങ്ങളുടെയും ഇൻസുലേഷനുകളുടെയും ശിൽപങ്ങളുടെയും പ്രദർശനവേദിയായും.

സംഗീതവും ചർച്ചകളും ശില്പശാലകളുമെല്ലാം അടങ്ങിയ കലാമാമാങ്കമാണിത്. ഡിസംബര്‍ 12ന് ആരംഭിച്ച് പതിനാല് വേദികളിലായി നടക്കുന്ന കൊച്ചി - മുസിരിസ് ബിനാലെ 2023 ഏപ്രില്‍ 10 വരെ നീണ്ടുനില്‍ക്കും.

ചലച്ചിത്ര മേളകൾ എന്നപോലെ തന്നെ ബിനാലേക്കും ആഴത്തിലുള്ള വേരുകൾ കേരളത്തിൽ ഉണ്ടായിത്തുടങ്ങിയിട്ടുണ്ട്. ഫോര്‍ട്ട് കൊച്ചിയിലുള്ള ആസ്‌പിന്‍ വാളാണ് പ്രധാന വേദി.

കബ്രാല്‍ യാര്‍ഡ്, പെപ്പര്‍ ഹൗസ്, ആനന്ദ് വെയര്‍ഹൗസ് ഉള്‍പ്പടെ 14 വേദികളാണുള്ളത്. ബിനാലെ 2022ന്റെ ഭാഗമായി സ്റ്റുഡന്റ്‌സ് ബിനാലെയും ആര്‍ട്ട് ബൈ ചില്‍ഡ്രന്‍ തുടങ്ങിയ പരിപാടികളും നടക്കും.

ബിനാലെയുടെ ഭാഗമായി വിവിധ സാംസ്‌കാരിക പരിപാടികളും സംഘടിപ്പിക്കും.2020 ഡിസംബറിൽ നടക്കേണ്ട ബിനാലെയാണു രണ്ടു വർഷം വൈകി നടക്കുന്നത്.

കൊച്ചി ബിനാലെയുടെ പത്താം വാർഷികം കൂടിയാണിത്. ഇത്തവണ ബിനാലെയിൽ വിഖ്യാതകലാകാരൻ ജിതീഷ് കല്ലാട്ട് ക്യുറേറ്റ് ചെയ്ത ‘ടാംഗിൾഡ് ഹൈരാർക്കി’ ഡിസംബർ 13 മുതൽ പ്രദർശനത്തിനുണ്ടാകും.

രണ്ട് വർഷം കൂടുമ്പോൾ നടക്കുന്ന കലാപ്രദർശനങ്ങളെയാണ് പൊതുവായി ബിനാലെ എന്ന് പറയുന്നത്. കേരളത്തിൽ കൊച്ചി നഗരത്തിൽ നടക്കുന്ന സമകാലീന കലയുടെ അന്താരാഷ്ട്ര പ്രദർശനമാണ് കൊച്ചി-മുസിരിസ് ബിനാലെ.

രാജ്യത്തെ ഏറ്റവും വലിയ കലാ പ്രദർശനവും ഏഷ്യയിലെ ഏറ്റവും വലിയ സമകാലിക കലോത്സവവുമാണിത്. കൊച്ചി ബിനാലെ ഫൌണ്ടേഷൻ കേരള സർക്കാരിന്റെ പിന്തുണയോടെ നടത്തപ്പെടുന്ന കലാ പ്രദർശനമാണ് കൊച്ചി-മുസിരിസ് ബിനാലെ.

ആദ്യത്തെ കൊച്ചി-മുസിരിസ് ബിനാലെ 2012 ഡിസംബർ 12 ന് ആരംഭിച്ചു. ബിനാലെയിൽ ഇന്ത്യയിൽ നിന്നുള്ളവരും ഇന്ത്യക്ക് പുറത്തുള്ളവരുമായ പ്രശസ്തരും അല്ലാത്തവരുമായ നിരവധി കലാകാരന്മാർ‌, ഫിലിം, ഇൻ‌സ്റ്റാളേഷൻ‌, പെയിന്റിംഗ്, ശിൽ‌പം, നവമാധ്യമങ്ങൾ‌, പ്രകടന കല എന്നിവ ഉൾപ്പെടെ വിവിധ മാധ്യമങ്ങളിൽ‌ കലാസൃഷ്ടികൾ‌ പ്രദർശിപ്പിക്കുന്നു.

ബിനാലെ ഉദ്ഘാടനത്തിനു മുന്നോടിയായി ഉച്ചയ്ക്ക് 12നു മുഖ്യവേദിയായ ആസ്‌പിൻവാൾ ഹൗസിൽ പതാക ഉയർത്തും. 2.30നു ബിനാലെ ക്യൂറേറ്റർ ഷുബിഗി റാവു ആമുഖ സന്ദേശം നൽകും.

മൂന്നുമുതൽ പെപ്പർ ഹൗസിൽ പ്രശസ്‌ത ഇൻഡോനേഷ്യൻ കലാകാരി മെലാറ്റി സൂര്യധർമ്മോയുടെ ‘മുജറാദ്’ അവതരണവും ആസ്‌പിൻവാൾ ഹൗസിൽ പവിലിയനുകളുടെയും ആർട്ട് റൂമുകളുടെയും ഉദ്ഘാടനവും നടക്കും.

നാലുമുതൽ കബ്രാൾ യാർഡ് പവിലിയനിൽ കൊച്ചി മുസിരിസ് ബിനാലെയുടെ മുൻ ക്യൂറേറ്റർമാരുടെ സംവാദം ഉണ്ടാകും.