Most expensive celebrity weddings| കോടികൾ പൊടിച്ച ബോളിവുഡിലെ സെലിബ്രിറ്റി വിവാഹങ്ങൾ

വിവാഹങ്ങൾ ആഘോഷമാക്കി നടത്തുന്നവരാണ് സെലിബ്രിറ്റികൾ. ദിവസങ്ങൾ നീളുന്ന വിവാഹാഘോങ്ങൾക്കായി കോടികൾ ചെലവിടാനും താരങ്ങൾക്ക് മടിയില്ല. ബോളിവുഡിൽ അടുത്തിടെ നടന്ന ഏറ്റവും ചെലവുകൂടിയ വിവാഹങ്ങളെ കുറിച്ച്.

വർഷങ്ങളോളം പ്രണയിച്ചതിന് ശേഷമാണ് ഇന്ത്യൻ ക്രിക്കറ്റ് താരം വിരാട് കോഹ്ലിയും ബോളിവുഡ് താരം അനുഷ്ക ശർമയും 2017 ൽ വിവാഹിതരാകുന്നത്. ഇറ്റലിയിൽ നടന്ന വിവാഹം ആഢംബരങ്ങൾക്ക് പുതിയ പര്യായങ്ങൾ നൽകുന്ന രീതിയിലായിരുന്നു. 800 വർഷം പഴക്കമുള്ള ഇപ്പോൾ വില്ലയാക്കി മാറ്റിയ ഗ്രാമത്തിൽ വെച്ചായിരുന്നു വിരുഷ്കയുടെ സ്വപ്ന വിവാഹം. ഏകദേശം നൂറ് കോടിയാണത്രേ വിവാഹത്തിന് വേണ്ടി താരങ്ങൾ ചെലവിട്ടത്.

ബോളിവുഡിലെ പവർഫുൾ കപ്പിളാണ് ദീപിക പദുകോണും രൺവീർ സിംഗും. 2018 ൽ ഇറ്റലിയിൽ വെച്ചായിരുന്നു ഇരുവരും വിവാഹിതരായത്. അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത വിവാഹ ദിവസം മാത്രം 77 കോടിയാണത്രേ ചെലവായത്. താരവിവാഹം നടന്ന ആഢംബര വില്ലയിൽ ഒരാൾക്ക് ചെലവ് 24,75,000 രൂപയാണെന്നാണ് റിപ്പോർട്ടുകൾ.

ബോളിവുഡിൽ ഏറ്റവും ആഘോഷിക്കപ്പെട്ട മറ്റൊരു വിവാഹമാണ് പ്രിയങ്ക ചോപ്ര-നിക്ക് ജോനാസ് വിവാഹം. ദിവസങ്ങളോളം വിവിധ സ്ഥലങ്ങളിലായിട്ടായിരുന്നു ഇവരുടെ വിവാഹം. ഇതിൽ പ്രധാനപ്പെട്ട വേദി ജോദ്പൂരിലെ ഉമൈദ് ഭവൻ പാലസ് ആയിരുന്നു. ഇവിടെയായിരുന്നു താരങ്ങളും അതിഥികളും താമസിച്ചത്. 4.7 കോടിയാണത്രേ ഇതിന് വേണ്ടി മാത്രം ചെലവായത്. വിവാഹത്തിന്റ ആകെ ചെലവ് എത്രയാണെന്ന് വ്യക്തമല്ല.

ആഢംബരങ്ങൾ ഒട്ടും കുറക്കാതെയാണ് അനിൽകപൂറിന്റെ മകളും നടിയുമായ സോനം കപൂറിന്റെ വിവാഹം. സോനം കപൂറിന്റെ വിവാഹ നിശ്ചയ മോതിരത്തിന്റെ മാത്രം വില 90 ലക്ഷമാണെന്നാണ് റിപ്പോർട്ടുകൾ. വിവാഹ ദിനത്തിൽ സോനം ധരിച്ച ലെഹംഗയുടെ വില 70-90 ലക്ഷം രൂപയ്ക്കിടയിലാണ്. വിവാഹത്തിന് ആകെ എത്ര രൂപ ചെലവഴിച്ചു എന്ന് വ്യക്തമല്ല.

ബോളിവുഡ് ലൈഫ് റിപ്പോർട്ട് പ്രകാരം 10 കോടി രൂപയാണ് സെയ്ഫ് അലി ഖാൻ-കരീന കപൂർ വിവാഹത്തിന് ചെലവായ തുക.

2007 ലാണ് ഐശ്വര്യ റായിയും അഭിഷേക് ബച്ചനും തമ്മിലുള്ള വിവാഹം നടന്നത്. അന്ന് 6 കോടി രൂപ ചെലവഴിച്ചായിരുന്നു ദിവസങ്ങൾ നീണ്ട വിവാഹാഘോഷം നടന്നത്.