മകൾക്കും ഭർത്താവിനുമൊപ്പം ഹണിമൂണിന് പോയ അമ്മ കുഞ്ഞിന് ജന്മം നൽകി; പൊറുക്കാൻ പറ്റാത്ത തെറ്റെന്ന് ഹൃദയം തകർന്ന മകൾ

മകളുടെ ഭർത്താവിനെ സ്നേഹിച്ച് അയാളുടെ കുഞ്ഞിന് ജന്മം നൽകിയ അമ്മ. ഒരമ്മയും ചെയ്യാൻ പാടില്ലാത്ത തെറ്റിൽ ഹൃദയം തകർന്ന് ഒരു മകൾ. സൗത്ത് വെസ്റ്റ് ലണ്ടനിലാണ് ഇത്തരമൊരു സംഭവം അരങ്ങേറിയത്.

19 കാരിയായ ലൊറെൻ ആണ് സ്വന്തം അമ്മയുടെ ചതിക്കിരയായത്. 2004 ആഗസ്റ്റിലായിരുന്നു 19 കാരിയായ ലൊറെനും എയര്‍പോർട്ട് ജീവനക്കാരനായ പോൾ വൈറ്റും തമ്മിലുള്ള വിവാഹം.

രണ്ട് വർഷമായി ഒരുമിച്ച് കഴിയുകയായിരുന്ന ഇരുവരും ഒരു കുഞ്ഞ് ജനിച്ചതോടെ വിവാഹിതരാകാന്‍ തീരുമാനിക്കുകയായിരുന്നു

വലിയ തുക ചിലവഴിച്ച് മകൾ ആഗ്രഹിച്ചത് പോലെ തന്നെയുള്ള വിവാഹം നടത്തിക്കൊടുത്തത് അമ്മയായ ജൂലിയായിരുന്നു. ഇതിനുള്ള നന്ദിസൂചകമായി തങ്ങളുടെ ഹണിമൂണ്‍ യാത്രയ്ക്ക് ദമ്പതികൾ അമ്മയെയും ഒപ്പം കൂട്ടി. അവിടം മുതലാണ് കാര്യങ്ങൾ മാറി മറിഞ്ഞതെന്നാണ് ലൊറെൻ പറയുന്നത്.

മൂന്നാഴ്ചയോളം നീണ്ട് നിന്ന യാത്ര കഴിഞ്ഞ് തിരികെയെത്തിയതോടെ ഭർത്താവ് പുതിയ ഒരു മനുഷ്യനായി മാറുകയായിരുന്നു. വീട്ടിൽ നിന്നും മണിക്കൂറുകളോളം കാണാതെയാകുന്ന ഇയാൾ കൂടുതൽ സമയവും ഫോണിൽ ചിലവഴിക്കാൻ തുടങ്ങി.

 കുറച്ച് നാളുകൾ കഴിഞ്ഞപ്പോള്‍ അമ്മയുടെ ഫോണിൽ പോള്‍ അയച്ചിരുന്ന സന്ദേശങ്ങള്‍ ലൊറെന്റെ സഹോദരിയുടെ ശ്രദ്ധയില്‍പെട്ടു. ഇരു സഹോദരിമാരും കൂടി അമ്മയോട് ഇതേപ്പറ്റി ചോദിച്ചെങ്കിലും അവർ എല്ലാക്കാര്യങ്ങളും നിഷേധിക്കുകയായിരുന്നു. മകൾക്ക് ഭ്രാന്താണെന്നും അവർ ആക്ഷേപിച്ചു.

സ്വന്തം കുഞ്ഞിന് വേണ്ടി അമ്മയുടെയും ഭർത്താവിന്റെയും വിവാഹത്തിൽ പങ്കെടുക്കേണ്ട അവസ്ഥയും ഉണ്ടായി ഇപ്പോള്‍ 35 കാരിയായ ലൊറേന്. താന്‍ ഏറ്റവുമധികം സ്നേഹിക്കുകയും വിശ്വസിക്കുകയും ചെയ്ത രണ്ട് പേർ ചെയ്ത ചതിയില്‍ നിന്ന് പൂർണ്ണമായും മുക്തയായിട്ടില്ല യുവതി ഇതുവരെ.

പിന്നീട് പോളിനോടും ഇക്കാര്യം ചോദിച്ചെങ്കിലും അയാളും ഇക്കാര്യങ്ങൾ നിഷേധിച്ചു. അധികം വൈകാതെ തന്നെ ലോറെനെ ഉപേക്ഷിച്ച ഭര്‍‌ത്താവ് അവരുടെ അമ്മയുമായി താമസം ആരംഭിച്ചു. ഇതിനു ശേഷമാണ് അമ്മ ഗര്‍ഭിണിയായിരുന്നുവെന്ന വിവരവും മകൾ അറിഞ്ഞത്.

സ്വന്തം കുഞ്ഞിന് വേണ്ടി അമ്മയുടെയും ഭർത്താവിന്റെയും വിവാഹത്തിൽ പങ്കെടുക്കേണ്ട അവസ്ഥയും ഉണ്ടായി ഇപ്പോള്‍ 35 കാരിയായ ലൊറേന്. താന്‍ ഏറ്റവുമധികം സ്നേഹിക്കുകയും വിശ്വസിക്കുകയും ചെയ്ത രണ്ട് പേർ ചെയ്ത ചതിയില്‍ നിന്ന് പൂർണ്ണമായും മുക്തയായിട്ടില്ല യുവതി ഇതുവരെ

ഇതിനിടെ അമ്മ പലതവണ കാണുകയും മാപ്പപേക്ഷിക്കുകയും ചെയ്തെങ്കിലും ഒരമ്മയും ചെയ്തു കൂടാത്ത പൊറുക്കാനാകാത്ത തെറ്റിന് എങ്ങനെ മാപ്പു നൽകുമെന്നാണ് ലൊറെൻ ചോദിക്കുന്നത്.