നൊബേൽ സമ്മാനാർഹരെ നിശ്ചയിച്ച സമിതിയിലെ ഏക മലയാളി അംഗം; ഡോ. മാധവ ഭട്ടതിരിയെ ആദരിച്ച് ഗവർണർ

ശാസ്ത്രലോകത്തെ അതുല്യപ്രതിഭയും ലോകപ്രശസ്ത ജൈവ രസതന്ത്രജ്ഞനുമായ ചെങ്ങന്നൂർ കല്ലിശ്ശേരി, ഉമയാറ്റുകര സ്വദേശി ഡോ. മാധവ ഭട്ടതിരിയെ കേരള ഗവർണർ ആരിഫ് മുഹമ്മദ് ഖാൻ ആദരിച്ചു. രസതന്ത്രത്തിനുള്ള നൊബേൽ സമ്മാനാർഹരെ നിശ്ചയിക്കാനുള്ള സമിതിയിൽ അംഗമായിരുന്ന ഏക മലയാളിയാണ് ഡോക്ടർ എം ഭട്ടതിരി.

അമേരിക്ക, കാനഡ, ബ്രിട്ടൻ, മലേഷ്യ, എത്യോപ്യ, നൈജീരിയ എന്നീ രാജ്യങ്ങളിൽ മെഡിക്കൽ സ്ഥാപനങ്ങൾ ആരംഭിക്കുന്നതിനായി യുകെയിലെ മെഡിക്കൽ ഉന്നതപഠനത്തിവനുള്ള യൂണിവേഴ്സിറ്റി കൗൺസിൽ നിയോഗിച്ച മാധവ ഭട്ടതിരിയെ ആയിരുന്നു.

മുഖ്യമന്ത്രിയായിരിക്കെ ഇഎംഎസ് നമ്പൂതിരിപ്പാട്, നിയമ മന്ത്രിയായിരിക്കെ ജസ്റ്റിസ് വി ആർ കൃഷ്ണയ്യർ, എ കെ ഗോപാലൻ തുടങ്ങി പല ഭരണാധികാരികളും തങ്ങളുടെ ശാസ്ത്ര വിഷയങ്ങളിലുള്ള സംശയനിവാരണത്തിനായി ഭട്ടതിരിയെയാണ് ബന്ധപ്പെട്ടിരുന്നത്.

റോട്ടറി ഇൻറർനാഷണൽ ഉൾപ്പെടെ വിവിധ സാമൂഹ്യ സേവന പ്രസ്ഥാനങ്ങളിൽ നിറസാന്നിധ്യമായിരുന്ന അദ്ദേഹത്തിന്റെ 96ാം പിറന്നാൾ ദിനത്തിലാണ് ഗവർണർ എത്തി ആദരം അർപ്പിച്ചത്

1927 ഒക്ടോബർ 22നായിരുന്നു ഡോ. മാധവ ഭട്ടതിരിയുടെ ജനനം. ഗവേഷണ വിഷയം: ഇൻവെസ്റ്റിഗേഷൻ ഇൻ എക്സ്പിരിമെൻ്റൽ അലോക്സാൻ ഡയബറ്റിസ്, ഉന്നത ഗവേഷണം: ടെക്സാസ് യൂണിവേഴ്സിറ്റി, കാനഡ, മലേഷ്യ, ബ്രിട്ടൻ, എത്യോപ്യ, നൈജീരിയ. ഭാര്യ: മാലതി ഭട്ടതിരി; മക്കൾ: മാധുരി, ഡോ.മാലിനി, ഡോ.മനു; മരുമക്കൾ: ദാമോദരൻ നമ്പൂതിരി, ശ്രീകാന്ത്, നീന.