Men's Jewellery | മാലയും, മോതിരവും, കമ്മലും വരെ; ആണിന് അണിയാവുന്ന ആഭരണങ്ങൾ പരിചയപ്പെടുത്തി താരങ്ങൾ
പുരുഷന് ധരിക്കാവുന്ന ആഭരണങ്ങളിലെ പുത്തൻ ട്രെൻഡ് പരിചയപ്പെടാം
പുരാതന കാലത്ത്, പുരുഷന്മാർ അതിമനോഹരമായ ആഭരണങ്ങൾ ഉപയോഗിച്ച് വസ്ത്രം ധരിക്കാൻ ഇഷ്ടപ്പെട്ടിരുന്നു. അത് അവരുടെ പ്രഭാവലയവും സമ്പത്തും വിളിച്ചോതുന്ന അഭിമാനത്തിന്റെ അടയാളമായിരുന്നു. എന്നിരുന്നാലും, മാറിയ കാലഘട്ടത്തിൽ, പുരുഷന്മാർ ആഭരണങ്ങൾ ധരിക്കുന്ന പ്രവണത എവിടെയോ നഷ്ടപ്പെട്ടു. എന്നാൽ ഇപ്പോഴിതാ വീണ്ടും ചൂടൻ ട്രെൻഡ് ആയി മാറുകയാണ് പുരുഷന്റെ ആഭരണങ്ങൾ
പുരുഷന്മാരുടെ ആഭരണങ്ങൾ ധരിച്ച സെലിബ്രിറ്റികൾ ആ ട്രെൻഡ് തിരികെ കൊണ്ടുവരുന്നു. കമ്മലുകൾ, ലോക്കറ്റുകൾ, ചെയ്‌നുകൾ, ബാൻഡുകൾ അല്ലെങ്കിൽ മോതിരങ്ങൾ ഒക്കെ ആ പട്ടികയിൽ ഉൾപ്പെടുത്തി എല്ലാവർക്കും പിന്തുടരാനുള്ള ഒരു പ്രവണത അവർ സജ്ജമാക്കുകയാണ്. തനതായ ജ്വല്ലറി ഫാഷനിലൂടെ ട്രെൻഡ് സൃഷ്‌ടിക്കുന്ന ചില പുരുഷ സെലിബ്രിറ്റികളെ നോക്കാം: (തുടർന്ന് വായിക്കുക)
രൺവീർ സിംഗ്: ഫാഷനിൽ പരീക്ഷണം നടത്താൻ രൺവീർ സിംഗ് ഇഷ്ടപ്പെടുന്നു. അദ്ദേഹത്തിന്റെ ഔട്ട്-ഓഫ്-ദി-ബോക്സ് ഫാഷൻ തെരഞ്ഞെടുപ്പ് നമ്മെയെല്ലാം പ്രചോദിപ്പിക്കുന്നു. അദ്ദേഹം മടികൂടാതെ എന്തും, എല്ലാം ധരിക്കുന്നു. ഫാഷനെക്കുറിച്ച് പറയുമ്പോൾ, രൺവീർ ഉടൻ തന്നെ മനസ്സുകളിൽ ഓടിയെത്തും. വസ്ത്രങ്ങൾ മാത്രമല്ല, ആക്സസറൈസിംഗും രൺവീറിന് ഇഷ്ടമാണ്. അദ്ദേഹത്തിന്റെ ഇൻസ്റ്റഗ്രാം പേജ് അതിനു തെളിവാണ്
