Valentines Day 2020: നിങ്ങൾ കടുത്ത മാനസിക സമ്മർദ്ദത്തിലാണോ; മിനിമം ഒരു നാലുപേരെ കെട്ടിപ്പിടിച്ചാൽ മതി

വാലന്‍റൈൻ ആഴ്ചയാണ് ഇപ്പോൾ നടന്നു കൊണ്ടിരിക്കുന്നത്. ഇന്ന് ഹഗ് ഡേ ആയിരുന്നു. ദിവസവും ഒരുപാട് പേരെ ഹഗ് ചെയ്യുന്നവർ ഉണ്ടാകാം. എന്നാൽ, ആരെയും ഒരിക്കൽ പോലും ഹഗ് ചെയ്യാത്തവരും ഉണ്ടാകാം. എന്നാൽ, ഹഗ് ചെയ്യാത്തവർ ഇനി അതിലൊക്കെ ഒന്ന് ശ്രദ്ധിക്കുന്നതാണ് നല്ലത്.

കാരണം, മാനസിക സമ്മർദ്ദം കുറയ്ക്കാൻ ദിവസം നാലു തവണയെങ്കിലും ആലിംഗനം ചെയ്യുന്നത് നല്ലതാണെന്നാണ് റിപ്പോർട്ട്.

ഏറ്റവും കുറഞ്ഞത് ഒരു ദിവസം നാല് തവണയെങ്കിലും ആലിംഗനം ചെയ്യണം - ഒരു ദിവസം സന്തോഷത്തോടെ കടന്നു പോകണമെങ്കിൽ ദിവസം നാല് ആലിംഗനം എങ്കിലും വേണം. നാല് മിനിമം ആണ്, എട്ട് ആയാലും നോ പ്രോബ്ലം. 12 ആയാൽ നിങ്ങളുടെ മാനസികോല്ലാസം വേറെ ലെവലാണ്.

കുട്ടികളെ കെട്ടിപ്പിടിക്കാം - വളരുന്ന പ്രായത്തിൽ കുട്ടികളെ കെട്ടിപ്പിടിക്കുന്നത് അവരുടെ ശാരീരികവും മാനസികവുമായ വളർച്ചയ്ക്കും ആരോഗ്യത്തിനും വളരെ നല്ലതാണ്. കുട്ടികളെ സ്മാർട്ട് ആയി വളരാനും ഇത് സഹായിക്കും.

സമ്മർദ്ദം കുറയ്ക്കും - ആലിംഗനം ചെയ്യുന്നത് സമ്മർദ്ദം കുറയ്ക്കാൻ വളരെയേറെ സഹായിക്കും. ഏകാന്തതയെ ഇല്ലാതാക്കി കളയും. നമ്മൾ ആരെയെങ്കിലും ആലിംഗനം ചെയ്യുമ്പോൾ സ്ട്രസ് ഹോർമോൺ ആയ കോർട്ടിസോൾ കുറയും. സമ്മർദ്ദം കുറയുന്നതോടെ മനസിന് കൂടുതൽ ശാന്തി കൈവരും.

പൂർണാരോഗ്യത്തോടെ ഹൃദയം - കോർട്ടിസോൾ ആള് പ്രശ്നക്കാരനാണ്. രക്തസമ്മർദ്ദം ഉയരാൻ ഇതൊരു കാരണമാണ്. ഹൃദയസംബന്ധമായ അസുഖങ്ങൾക്ക് ഇത് ഒരു കാരണമാണ്. എന്നാൽ, ആലിംഗനം ചെയ്ത് സമ്മർദ്ദം കുറയ്ക്കുന്നത് ഹൃദയാരോഗ്യത്തിന് നല്ലതാണ്. ആലിംഗനം ചെയ്യുമ്പോൾ മസിലുകൾ അയയുകയും ശരീരത്തിന് അത് ഗുണപരമായ മാറ്റം നൽകുകയും ചെയ്യും.