Sanitary pads | സ്വിഗ്ഗിയിൽ നിന്നും സാനിറ്ററി പാഡ് ഓർഡർ ചെയ്തു; യുവതിക്ക് സർപ്രൈസ് ആയി കൂടെ മറ്റൊരു പൊതിയും

സ്വിഗ്ഗി (Swiggy) അടുത്തിടെ ഇൻസ്റ്റമാർട്ട് എന്ന പേരിൽ ഭക്ഷണങ്ങൾക്ക് പുറമെയുള്ള വസ്തുക്കൾ വിൽപ്പന ആരംഭിച്ചിട്ടുണ്ട്. പലവ്യഞ്ജന കടയിൽ പോയിവങ്ങാൻ സാധിക്കാത്ത സാധനങ്ങൾ വീട്ടുപടിക്കൽ എത്തും എന്നതാണ് സ്വിഗ്ഗി ഇൻസ്റ്റമാർട്ടിന്റെ പ്രത്യേകത. പലവ്യഞ്ജനം മാത്രമല്ല, അടുത്തുള്ള സ്റ്റോറിൽ ലഭിക്കുന്ന പലതും സ്വിഗ്ഗി നിങ്ങൾക്ക് മുന്നിലെത്തിക്കും

ഈ ആപ്പിൽ കയറി സാനിറ്ററി പാഡ് ഓർഡർ ചെയ്ത അനുഭവവും നേരിട്ട സർപ്രൈസുമായാണ് ഒരു യുവതി തന്റെ അനുഭവം വിവരിച്ചത്. ട്വിറ്ററിലാണ് ഇവർ തന്റെ അനുഭവസാക്ഷ്യം വിവരിച്ചത്. ഏതാനും കൂട് സാനിറ്ററി പാഡ് ആണ് യുവതി ഓർഡർ നൽകിയത് (തുടർന്ന് വായിക്കുക)

സാനിറ്ററി പാഡുമായി വന്ന ഓർഡറിനൊപ്പം സഞ്ചിയുടെ കീഴെ ഒരു പാക്കറ്റ് കൂടി ഉണ്ടായിരുന്നു. ചോക്ലേറ്റ് കുക്കീസ് ആയിരുന്നു അത്. സമീറ ഇത് ട്വിറ്ററിൽ ഇട്ടതും സ്വിഗ്ഗി പ്രതികരിക്കുകയും ചെയ്തു

നിങ്ങൾക്ക് വളരെ നല്ലൊരു ദിവസം ഉണ്ടാകാൻ ഞങ്ങൾ ആഗ്രഹിക്കുന്നു എന്നായിരുന്നു സ്വിഗ്ഗിയുടെ പ്രതികരണം. മുൻപ് ഹാർട്ട് ബ്രേക്ക് വരുമ്പോൾ, നിങ്ങളുടെ മനസ്സിൽ വരുന്ന ഭക്ഷണം ഏത് എന്നൊരു ചോദ്യം സ്വിഗ്ഗി ഉയർത്തിയിരുന്നു

ഇതിനു ഐസ് ക്രീം മുതൽ ബിരിയാണി എന്നുവരെ പലരും ഉത്തരം നൽകിയിരുന്നു