ഇന്ന് പുകയില വിരുദ്ധദിനം: ഇക്കാര്യങ്ങൾ ശ്രദ്ധിച്ചാൽ ശ്വാസകോശ അർബുദത്തിൽ നിന്ന് രക്ഷപ്പെടാം

പുകവലിയാണ് ശ്വാസകോശ അർബുദത്തിനുള്ള പ്രധാനകാരണങ്ങളിൽ ഒന്ന്. പുകയിലയിൽ നിരവധി രാസവസ്തുക്കളും കാൻസറിന് കാരണമായ രാസവസ്തുക്കളും അടങ്ങിയിട്ടുണ്ട്. ഇതാണ് പ്രധാനമായും ശ്വാസകോശ അർബുദത്തിന് കാരണമാകുന്നത്. പൈപ്പ്, സിഗരറ്റ് കാൻസർ എന്നിവയും ശ്വാസകോശ അർബുദത്തിന് കാരണമാകും.

വായുവിൽ കലരുന്ന റാഡൺ എന്ന വാതകമൂലകം ശ്വസിക്കുന്നത് വഴിയും ശ്വാസകോശ അർബുദം ഉണ്ടാകാം. നിറമില്ലാത്ത ഒരു റേഡിയോ ആക്ടിവ് വാതകമാണ് ഇത്. മണ്ണിൽ പ്രകൃത്യാ കണ്ടു വരുന്നതാണ്. കെട്ടിടങ്ങളുടെയും വീടുകളുടെയും ചെറിയ വിടവുകളിലൂടെ ഇത് പ്രവേശിക്കുകയും പൊട്ടലുകൾ ഉണ്ടാക്കുകയും ചെയ്യും. റാഡൺ സിഗരറ്റ് പുകയുമായി കലരുമ്പോൾ ശ്വാസകോശ അർബുദത്തിന് അത് കാരണമാകും.

ആപത്കരമായ രാസവസ്തുക്കളാണ് ശ്വാസകോശ അർബുദത്തിന് മറ്റൊരു കാരണം. ആസ്ബെറ്റോസ്, യുറേനിയം, ആർസെനിക്, കാഡ്മിയം, ക്രോമിയം, നിക്കൽ, ചില പെട്രോളിയം വസ്തുക്കൾ എന്നിവയും ശ്വാസകോശ അർബുദത്തിന് കാരണമാകും.

കണികാ മലിനീകരണവും ശ്വാസകോശ അർബുദത്തിന് പ്രധാന കാരണങ്ങളിൽ ഒന്നാണ്. ഖര, ദ്രാവക രൂപങ്ങളിലുള്ള കണികാ മലിനീകരണം വായുവിൽ കലർന്ന് അത് ശ്വസിക്കുന്നതും ശ്വാസകോശ അർബുദത്തിന് കാരണമാകും. എക്സ്ഹോസ്റ്റ് പുകയും അർബുദത്തിന് പ്രധാന കാരണങ്ങളിൽ ഒന്നാണ്.

പാരമ്പര്യവും ശ്വാസകോശ അർബുദത്തിന് കാരണമാകും. കുടുംബത്തിൽ ആർക്കെങ്കിലും ശ്വാസകോശ അർബുദം ഉണ്ടെങ്കിൽ വരാനുള്ള സാധ്യത വളരെ കൂടുതലാണ്.