Most expensive rose | ഒരു റോസാപ്പൂവിന് വില 90 കോടി! ലോകത്തിലെ ഏറ്റവും വില കൂടിയ പൂവിനെ കുറിച്ച്

പ്രണയിതാക്കൾക്ക് ഏറെ പ്രിയപ്പെട്ട മാസമാണ് ഫെബ്രുവരി. വാലന്റൈൻസ് ദിനത്തിൽ പരസ്പരം എന്ത് സമ്മാനങ്ങൾ കൈമാറും എന്ന ആലോചന ഇപ്പോഴേ പലരും തുടങ്ങിക്കാണും. (Image: Instagram)

താൻ പ്രണയിക്കുന്ന വ്യക്തിക്ക് ലോകത്തിലെ ഏറ്റവും ഭംഗിയേറിയ സമ്മാനം തന്നെ നൽകണമെന്നാണ് എല്ലാവരുടേയും ആഗ്രഹം. പണമുള്ളവർ വിലകൂടിയ സമ്മാനങ്ങൾ നൽകുമ്പോൾ ഒരു റോസാപ്പൂവിലെ തങ്ങളുടെ പ്രണയം പറയുന്നവരാണ് ഭൂരിഭാഗം പേരും.

എന്നാൽ, ഒരു റോസാപ്പൂവിന് തന്നെ വില കോടികൾ ആയാലോ. പറഞ്ഞു വരുന്നത് ലോകത്തിലെ ഏറ്റവും വില കൂടിയ റോസാപ്പൂവിനെ (Most expensive rose) കുറിച്ചാണ്. പേര് ജൂലിയറ്റ് റോസ് (Juliet Rose). ലോകത്തിലെ അപൂർവവും മനോഹരവും വില കൂടിയതുമായ റോസാ പുഷ്പമാണ് ജൂലിയറ്റ്.(Image: Instagram)

പലരും ജൂലിയറ്റ് റോസിനെ കുറിച്ച് കേട്ടു കാണും. എന്നാൽ എന്താണ് ജൂലിയറ്റ് റോസിനെ ഇത്രയും വിലപിടിപ്പിള്ളതാക്കുന്നതെന്ന് പലർക്കും അറിയില്ല. (image: Instagram)

ലോക പ്രശസ്ത പൂകൃഷിക്കാരനായ ഡേവിഡ് ഓസ്റ്റിനാണ് ജൂലിയറ്റ് റോസ് വികസിപ്പിച്ചെടുത്തത്. നിരവധി റോസാ പൂഷ്പങ്ങളെ മിക്സ് ചെയ്ത് വർഷങ്ങളെടുത്താണ് ഈ അപൂർവ പൂവ് ഓസ്റ്റിൻ വികസിപ്പിച്ചത്. (Image: Instagram)

റിപ്പോർട്ടുകൾ പ്രകാരം ജൂലിയറ്റ് റോസിനെ ഇപ്പോൾ കാണുന്ന രീതിയിൽ സുന്ദരമായി വികസിപ്പിച്ചെടുക്കാൻ ഓസ്റ്റിൻ 15 വർഷത്തോളം ചെലവഴിച്ചിട്ടുണ്ടത്രേ. ഓസ്റ്റിന്റെ വർഷങ്ങളുടെ പ്രയത്ന ഫലമാണ് ജൂലിയറ്റ് റോസ്. (image: Instagram)

2006 ൽ 90 കോടി രൂപയ്ക്കാണ് ഓസ്റ്റിൻ ഈ മനോഹര പുഷ്പം വിറ്റത്. വിരിയിക്കാൻ ഏറെ ശ്രമകരമാണെന്നതാണ് ജൂലിയറ്റിന്റെ വിലയുടെ മറ്റൊരു കാരണം.

ജൂലിയറ്റ് റോസിന്റെ വില പലപ്പോഴും ഏറിയും കുറഞ്ഞുമിരിക്കാറുണ്ട്. നേരത്തേ 26 കോടി രൂപയാണ് ഈ പൂവിന്റെ വിലയായി റിപ്പോർട്ട് ചെയ്തിരുന്നതെങ്കിൽ പിന്നീട് ഇതിന്റെ വില 112 കോടി വരെ എത്തിയെന്നും പറയുന്നു.