ലോകത്ത് ഗതാഗതക്കുരുക്ക് ഏറെയുള്ളത് ബംഗളൂരുവിൽ; ആദ്യ പത്തിൽ മൂന്ന് ഇന്ത്യൻ നഗരങ്ങളും

ഗതാഗതക്കുരുക്കിൽ ഒരിക്കലെങ്കിലും പെട്ടുപോകാത്തവർ ഉണ്ടാകില്ല. ഇന്ത്യയിൽ മാത്രമല്ല, ലോകത്തിലെ പ്രമുഖ നഗരങ്ങളെല്ലാം തന്നെ ഗതാഗതക്കുരുക്ക് നേരിടുന്നുണ്ട്.

ഓരോ വർഷം ചെല്ലുന്തോറും ഗതാഗതക്കുരുക്കും കൂടുകയാണ്. ചൈനയെയും അമേരിക്കയെയും അപേക്ഷിച്ച് ഇന്ത്യയിൽ കാർ വിൽപ്പന കുറവാണെങ്കിലും ഗതാഗത പ്രശ്നങ്ങളിൽ വലയുന്നവരിൽ ഇന്ത്യക്കാരുമുണ്ട്.

വെഹിക്കിൾ നാവിഗേഷൻ കമ്പനിയിൽ പ്രമുഖരായ ടോംടോം പുറത്തിറക്കിയ വാർഷിക ഗതാഗത സൂചിക പ്രകാരം ഗതാഗതക്കുരുക്കിൽ ഏറ്റവുമധികം ബുദ്ധിമുട്ടുന്ന രാജ്യം ഇന്ത്യയാണെന്നാണ് വിവരം.

ഗതാഗതക്കുരുക്ക് ഏറെയുള്ള പത്ത് നഗരങ്ങളിൽ‌ നാലും ഇന്ത്യയിലാണെന്നും സൂചിക വ്യക്തമാക്കുന്നു.

[caption id="attachment_157695" align="alignnone" width="875"] ഇന്ത്യയുടെ ഐടി ഹബായ ബംഗളൂരുവാണ് ഒന്നാം സ്ഥാനത്ത്. ഇവിടെ ഗതാഗതക്കുരുക്ക് ഏറ്റവും ഉയർന്ന പരിധിയായ 71 ശതമാനമാണെന്നും വ്യക്തമാക്കിയിരിക്കുന്നു.

കഴിഞ്ഞ വർഷം ഓഗസ്റ്റ് 20ന് ആണ് ബംഗളൂരുവിൽ ഏറ്റവും മോശപ്പെട്ട തരത്തിൽ ഗതാഗതക്കുരുക്ക് നേരിട്ടതന്നും സൂചിക വ്യക്തമാക്കുന്നു. 103 ശതമാനമായിരുന്നു ആ ദിവസത്തെ തിക്കും തിരക്കും.

ഗതാഗതക്കുരുക്ക് ഏറ്റവുമധികം നേരിടുന്ന നഗരങ്ങളുടെ പട്ടികയിൽ ബംഗളൂരുവിനു തൊട്ടുപിന്നിൽ ഫിലിപ്പീൻസ് നഗരമായ മനിലയുമുണ്ട്. 71 ശതമാനം കുരുക്കാണ് ഇവിടെയും രേഖപ്പെടുത്തിയിരിക്കുന്നത്.

മുംബൈ, പൂനെ എന്നീ നഗരങ്ങൾ പട്ടികയിൽ യഥാക്രമം നാല്, അഞ്ച് സ്ഥാനങ്ങളിലുണ്ട്. കൊളംബിയയിലെ ബൊഗോട്ടയാണ് മൂന്നാം സ്ഥാനത്ത്.

രാജ്യ തലസ്ഥാനമായ ന്യൂഡൽഹി സൂചികയിൽ എട്ടാം സ്ഥാനത്താണ്. മോസ്കോ(റഷ്യ), ലിമ(പെറു), ഇസ്താംബൂൾ(തുർക്കി), ജക്കാർത്ത(ഇന്തോനേഷ്യ) എന്നീ നഗരങ്ങൾ യഥാക്രമം ആറ്, ഏഴ്, ഒമ്പത്, പത്ത് സ്ഥാനങ്ങളിലാണ്.

ആറ് വൻകരകരകളിൽ നിന്നായി 57 രാജ്യങ്ങളിലെ 416 നഗരങ്ങളെ ഉൾപ്പെടുത്തിയാണ് സൂചിക തയ്യാറാക്കിയിരിക്കുന്നത്. ഇത് ഒമ്പതാമത്തെ വർഷമാണ് ടോം ടോം ഇത്തരത്തിലൊരു സൂചിക തയ്യാറാക്കിയത്.