ഹാർലി ഡേവിസൺ ആരാധകർക്ക് ഒരു സന്തോഷവാർത്ത ജമ്മുവിൽ നിന്ന്

ശ്രീനഗർ: ജമ്മുവിൽ ആദ്യത്തെ ഡീലർഷിപ്പ് ഉദ്ഘാടനം ചെയ്ത് ഹാർലി ഡേവിസൺ. 2000 സ്ക്വയർ ഫീറ്റിൽ വ്യാപിച്ച് കിടക്കുന്ന ഷോറൂമിനോട് ചേർന്ന് 1800 സ്ക്വയർ ഫീറ്റ് വിസ്തീർണത്തിൽ വർക് ഷോപ്പിനുള്ള സ്ഥലവുമുണ്ട്.

ജമ്മുവിൽ എൻ എച്ച് 1 എ ബൈപ്പാസിൽ ചന്നി ഹിമ്മട്ടിന് എതിർവശത്തായിട്ടാണ് ഹാർലി ഡേവിസണിന്‍റെ പുതിയ ഷോറൂം. ഹാർലി ഡേവിസൺ ഉടമസ്ഥരുടെയും റൈഡർമാരുടെയും പ്രാദേശിക അതിഥികളുടെയും സാന്നിധ്യത്തിൽ ആയിരുന്നു ഡീലർഷിപ്പ് ഉദ്ഘാടനം ചെയ്തത്.

"ഓരോ ഹാർലി-ഡേവിഡ്‌സൺ ഡീലർഷിപ്പും ഞങ്ങളുടെ ഉപയോക്താക്കൾക്ക് ഞങ്ങൾ വാഗ്ദാനം ചെയ്യുന്ന ശുദ്ധമായ സ്വാതന്ത്ര്യം അനുഭവിക്കാനുള്ള പ്രധാന കേന്ദ്രമായിരിക്കും. ഞങ്ങളുടെ പുതിയ ഡീലർഷിപ്പും ഈ സ്പിരിറ്റിന്റെ വ്യക്തമായ പ്രകടനമാണ്. " ചടങ്ങിൽ സംസാരിക്കവെ ഹാർലി ഡേവിസൺ ഇന്ത്യ മാനേജിംഗ് ഡയറക്ടർ സജീവ് രാജശേഖരൻ പറഞ്ഞു.

ഉയർന്ന നിലവാരത്തിൽ പരിശീലനം ലഭിച്ച ജ്ഞാനമുള്ള സ്റ്റാഫ് അംഗങ്ങളാണ് വിശിഷ്ടമായ സേവനം ഹാർലി ഡേവിസൺ ഉപയോക്താക്കൾക്ക് നൽകുന്നത്.

ഹാർലി ഡേവിസൺ ഇന്ത്യയിൽ ലഭിക്കുന്ന എല്ലാ മോഡലുകളും പുതിയ ഡീലർഷിപ്പിൽ ലഭിക്കുന്നതായിരിക്കും. താൽപര്യമുള്ളവർക്ക് ടെസ്റ്റ് റൈഡും നടത്താവുന്നതാണ്.