മമ്മൂട്ടിയുടെ 369 ഗാരേജിലേക്ക് ഒരു അതിഥി കൂടി; 3.5 കോടിയുടെ റേഞ്ച് റോവർ ഓട്ടോബയോഗ്രഫി

വാഹനകമ്പക്കാരായ മമ്മൂട്ടിയും മകൻ ദുൽഖർ സൽമാനും വീണ്ടുമൊരു ആഡംഭര വാഹനം കൂടി സ്വന്തമാക്കി.

ലാന്‍ഡ് റോവറിന്റെ റേഞ്ച് റോവര്‍ ഓട്ടോബയോഗ്രഫി പതിപ്പാണ് ഇത്തവണ താര കുടുംബത്തിന്റെ ഗാരേജിലേക്ക് എത്തുന്നത്.

റേഞ്ച് റോവറിന്റെ ഉയര്‍ന്ന വകഭേദങ്ങളിലൊന്നായ ഓട്ടോബയോഗ്രഫിയുടെ ലോങ് വീല്‍ബെയസ് പതിപ്പിന് ഏകദേശം 3.5 കോടി രൂപയാണ് ഓണ്‍റോഡ് വില

4.4 ലീറ്റര്‍ ഡീസല്‍ എന്‍ജിന്‍ ഉപയോഗിക്കുന്ന വാഹനത്തിന് 335 ബിഎച്ച്‌പ് കരുത്തുണ്ട്. ഇരുവരുടേയും താല്‍പര്യ പ്രകാരം നിരവധി കസ്റ്റമൈസേഷനുകളും വരുത്തിയിട്ടുണ്ട്

22 ഇഞ്ച് 9 സ്പ്ലിറ്റ് സ്പോക്ക് ഗാർക്ക് ഗ്രേ ഡയമണ്ട് ഫിനിഷ് അലോയ് വീലുകൾ, വിന്റേജ് ടാൻ സീറ്റുകൾ, വിന്റേജ് ടാൻ ഇന്റീയർ, 24 വേ ഹീറ്റഡ് ആന്റ് കൂൾഡും മസാജ് സൗകര്യങ്ങളുമുള്ള മുൻ സീറ്റുകൾ, എക്സ്ക്യൂട്ടീവ് പിൻ സീറ്റുകൾ, ലംബാർ മസാജിങ് സൗകര്യമുള്ള പിൻ സീറ്റുകൾ തുടങ്ങി നിരവധി കസ്റ്റമൈസേഷനുകളാണ് വാഹനത്തിൽ വരുത്തിയിരിക്കുന്നത്