MG Hector Plus SUV | എംജി ഹെക്ടർ പ്ലസ് എത്തി; വില 13.48 ലക്ഷം മുതൽ

ഹെക്ടർ എന്ന ഒരൊറ്റ എസ്‌യുവി മോഡൽ കൊണ്ട് തന്നെ വിപണിയിൽ താരമാവാൻ എംജി മോട്ടോറിന് കഴിഞ്ഞു. പിന്നാലെ വന്ന ZS EV എന്ന ഇലക്ട്രിക്ക് എസ്‌യുവി എംജി മോട്ടോർ അവതരിപ്പിച്ചു. മികച്ച തുടക്കം ഇലക്ട്രിക്ക് എസ്‌യുവിയും നേടി.

റെഗുലര്‍ ഹെക്ടറിന്റെ ആറ് സീറ്റര്‍ പതിപ്പായി സ്‌റ്റൈല്‍, സൂപ്പര്‍ സ്മാര്‍ട്ട്, ഷാര്‍പ്പ് എന്നീ നാല് വേരിയന്റുകളില്‍ എത്തുന്ന ഹെക്ടര്‍ പ്ലസിന് 13.48 ലക്ഷം രൂപ മുതല്‍ 18.53 ലക്ഷം രൂപ വരെയാണ് ഇന്ത്യയിലെ എക്‌സ്‌ഷോറൂം വില.

എംജി മോട്ടോർ ഇനിയൊരു സെഡാനോ, എംപിവിയോ ലോഞ്ച് ചെയ്യും എന്ന ധാരണ തെറ്റിച്ച് ഹെക്ടർ പ്ലസ് ആണ് തങ്ങളുടെ അടുത്ത വാഹനം എന്ന് കമ്പനി ഫെബ്രുവരിയിൽ നടന്ന ഓട്ടോ എക്സ്പോയിൽ വ്യക്തമാക്കി.

അഞ്ച് മാസങ്ങൾക്കിപ്പുറം ഹെക്ടർ പ്ലസ്സിനെ എംജി മോട്ടോർ ഇന്ത്യ വിൽപനക്കെത്തിച്ചു.

2020 ഡൽഹി ഓട്ടോ എക്‌സ്‌പോയില്‍ പ്രദര്‍ശിപ്പിച്ചിരുന്ന ഹെക്ടര്‍ പ്ലസ്, വിപണിയിലുള്ള ഹെക്ടറിന്റെ മൂന്ന്‌വരി പതിപ്പാണ്.

ആറ് സീറ്റ്, ഏഴ് സീറ്റ് ലേ ഔട്ടുകളില്‍ ഈ വാഹനം ലഭ്യമാകും. ആറ് സീറ്റ് കോണ്‍ഫിഗറേഷനോടുകൂടിയ ഹെക്ടര്‍ പ്ലസ് മൂന്ന് വേരിയന്റുകളില്‍ (സൂപ്പര്‍, സ്മാര്‍ട്ട്, ഷാര്‍പ്പ്) ലഭിക്കും.

മൂന്നാം നിര സീറ്റുകള്‍ എത്തിയതോടെ വാഹനത്തിന്റെ നീളത്തില്‍ 65 എംഎം വളര്‍ച്ച ഉണ്ടായിട്ടുണ്ട്. 4720 എംഎം ആണ് ഹെക്ടര്‍ പ്ലസിന്റെ വലിപ്പം.

വീതിയും ഉയരവും റെഗുലര്‍ ഹെക്ടറിന് സമാനമാണ്. മുമ്പുണ്ടായിരുന്ന അഞ്ച് നിറങ്ങള്‍ക്ക് പുറമെ, സ്റ്റാറി ബ്ലു എന്ന പുതിയ നിറത്തിലും ഹെക്ടര്‍ പ്ലസ് നിരത്തുകളില്‍ എത്തും.

മൈല്‍ഡ് ഹൈബ്രിഡ് ഉള്‍പ്പെടെ രണ്ട് 1.5 ലിറ്റര്‍ പെട്രോള്‍ എന്‍ജിനിലും 2.0 ലിറ്റര്‍ ഡീസല്‍ എന്‍ജിനിലുമാണ് ഹെക്ടര്‍ പ്ലസ് എത്തുന്നത്.

ഡീസല്‍ എന്‍ജിന്‍ 170 പിഎസ് പവറും 350 എന്‍എം ടോര്‍ക്കും ടര്‍ബോ പെട്രോള്‍ എന്‍ജിന്‍ 143 പിഎസ് പവറും 250 എന്‍എം ടോര്‍ക്കും ഹൈബ്രിഡ് എന്‍ജിന്‍ 143 പിഎസ് പവറും 250 എന്‍എം ടോര്‍ക്കുമേകും. ആറ് സ്പീഡ് മാനുവല്‍, ഡ്യുവല്‍ ക്ലെച്ച് എന്നിവയായിരിക്കും ട്രാന്‍സ്മിഷന്‍.

റഗുലര്‍ ഹെക്ടറിനെക്കാള്‍ പ്രീമിയം ലുക്കിലുള്ള വാഹനമാണ് ഹെക്ടര്‍ പ്ലസ്. ഗ്രില്ല് റെഗുലര്‍ മോഡലിലേത് നിലനിര്‍ത്തിയെങ്കിലും ബംമ്പറിലേക്ക് മാറ്റിയ ഹെഡ്‌ലൈറ്റ്, ഡിആര്‍എല്‍ തുടങ്ങിയവയുടെ ഡിസൈനില്‍ കാര്യമായ മാറ്റം വരുത്തിയിട്ടുണ്ട്. സ്‌കിഡ് പ്ലേറ്റും പ്ലാസ്റ്റിക് ക്ലാഡിങ്ങും നല്‍കിയ വലിയ ബംബറും ഹെക്ടര്‍ പ്ലസിലെ മാറ്റങ്ങളാണ്.

ഹെക്ടറിലെ 17 ഇഞ്ച് അലോയി വീല്‍ തന്നെയാണ് ഹെക്ടര്‍ പ്ലസിലും. സില്‍വര്‍ റൂഫ് റെയില്‍, ഷാര്‍ക്ക് ഫിന്‍ ആന്റിന, പുതിയ എല്‍ഇഡി ടെയ്ല്‍ലാമ്പ്, ക്രോമിയം ആവരവണമുള്ള റിയര്‍ ഡിഫ്യൂസര്‍, പ്ലാസ്റ്റിക് ക്ലാഡിങ്ങും സില്‍വര്‍ സ്‌കിഡ് പ്ലേറ്റുമുള്ള റിയര്‍ ബംമ്പര്‍ എന്നിവയാണ് ഹെക്ടര്‍ പ്ലസില്‍ നല്‍കിയിട്ടുള്ള മറ്റ് പ്രത്യേകതകള്‍.

കൂടുതല്‍ പ്രീമിയം ടച്ച് ഉള്ളതാണ് ഹെക്ടര്‍ പ്ലസിന്റെ ഇന്റീരിയര്‍. മൂന്ന് നിരയിലും ലെതര്‍ ആവരണമുള്ള ക്യാപ്റ്റന്‍ സീറ്റാണ് നല്‍കിയിട്ടുള്ളത്. സീറ്റിന് ചേരുന്ന ലെതര്‍ ആവരണമാണ് ഡോര്‍ പാഡിലും ഡാഷ്‌ബോര്‍ഡിലും നല്‍കിയിട്ടുള്ളത്.