Condom | പുതുവത്സര തലേന്ന് ഓൺലൈൻ കോണ്ടം വിൽപ്പനയിൽ വൻ വർദ്ധനവ്; വിവരങ്ങൾ പുറത്ത്

പുതുവത്സര തലേന്ന് വരാനിരിക്കുന്ന നാളുകളെ വരവേൽക്കുകയും കടന്നു പോയ വർഷത്തെ യാത്രയാക്കുകയുമാണ് ആഘോഷ പരിപാടികൾ സംഘടിപ്പിക്കുക വഴി ഓരോരുത്തരും ലക്ഷ്യമിടുക. ഇക്കുറി കോവിഡ് നിയന്ത്രങ്ങളും ഒമിക്രോൺ ജാഗ്രതയും നിലനിൽക്കുന്നതിനാൽ, പലരും ആഘോഷങ്ങൾ കുറച്ചിരുന്നു. എന്നാലും ഓൺലൈൻ വിപണി ഉഷാറായി. ന്യൂ ഇയറിന്റെ തലേ ദിവസം കോണ്ടം വിൽപ്പന പൊടിപൊടിച്ചു എന്നാണ് ഏറ്റവും പുതിയ വിവരം

ഡിസംബർ 31 വെള്ളിയാഴ്ച ഇന്ത്യക്കാർ പുതുവത്സരാഘോഷം ആഘോഷിക്കുമ്പോൾ, ഓൺലൈൻ ഡെലിവറി പ്ലാറ്റ്‌ഫോമുകൾക്ക് ലഘുഭക്ഷണങ്ങൾക്കും പാനീയങ്ങൾക്കും ഗർഭനിരോധന ഉറകൾക്കും വൻതോതിൽ ഓർഡറുകൾ ലഭിച്ചു. ഒറ്റ ദിവസം ഒരാൾ 80 കോണ്ടം ഓർഡർ നൽകിയിരുന്നു. കോണ്ടം വിൽപ്പനയുടെ പൂർണ്ണമായ കണക്കുകൾ ഇനിപ്പറയുന്നു (തുടർന്ന് വായിക്കുക)

നേരത്തെ ഗ്രോഫേഴ്‌സ് എന്നറിയപ്പെട്ടിരുന്ന ഓൺലൈൻ ഗ്രോസറി ഡെലിവറി സ്ഥാപനമായ ബ്ലിങ്കിറ്റിൽ 33,440 കോണ്ടം ഓർഡർ ചെയ്തതായി സൊമാറ്റോ സ്ഥാപകൻ ദീപീന്ദർ ഗോയൽ ട്വീറ്റിൽ പറഞ്ഞു. സ്ഥാപനത്തിലെ നിക്ഷേപകരാണ് സൊമാറ്റോ

ഒരു ഉപഭോക്താവ് ഒറ്റയടിക്ക് 80 കോണ്ടം ഓർഡർ ചെയ്തതായി ഗോയൽ വെളിപ്പെടുത്തി

ഇന്ത്യയിലെ ഉപഭോക്താക്കൾ 1.3 ലക്ഷം ലിറ്റർ സോഡ, 43,000 ക്യാനുകൾ എയറേറ്റഡ് ഡ്രിങ്ക്‌സ്, 7,000 പാക്കറ്റ് നാച്ചോസ്, 4,884 ജാറുകൾ ഡിപ്‌സ്, 6,712 ടബ്ബ് ഐസ് ക്രീമുകൾ, 28,240 ഇൻസ്റ്റന്റ് പോപ്‌കോൺ പായ്‌ക്കുകൾ എന്നിവ പുതുവത്സര ദിനത്തിൽ ഓർഡർ ചെയ്തതായി സൊമാറ്റോ സ്ഥാപകൻ കൂട്ടിച്ചേർത്തു

പലചരക്ക് ഡെലിവറി പ്ലാറ്റ്‌ഫോമിൽ 11,943 ഐസ് പായ്ക്കുകളും ഓർഡർ ചെയ്തിട്ടുണ്ട്. 'ആർക്കും പരിക്കില്ലെന്ന് പ്രതീക്ഷിക്കുന്നു, ഇത് വെറും പാനീയങ്ങൾക്കുള്ളതാണ്', ഗോയൽ കൂട്ടിച്ചേർത്തു

പുതുവർഷ രാവിൽ മാത്രം ലഭിക്കുന്ന ഓർഡറുകളുടെ എണ്ണമാണ് ബ്ലിങ്കിറ്റ് സാധാരണയായി രണ്ടാഴ്ചയ്ക്കുള്ളിൽ പ്രോസസ്സ് ചെയ്യുന്നതെന്ന് ഗോയൽ പറഞ്ഞു. കോവിഡ് ടെസ്റ്റിനുള്ള 10,000 സ്വയം പരിശോധനാ കിറ്റുകളും ബ്ലിങ്കിറ്റ് വിതരണം ചെയ്തതായി ഗോയൽ പറഞ്ഞു