INFO: മുരിങ്ങയ്ക്കായ്ക്കു വിലയെത്ര? കിലോയ്ക്ക് 300 എന്ന് കടക്കാർ

തൃശൂർ: ഒരു കിലോ മുരിങ്ങയ്ക്കയുടെ വില എത്രയെന്ന് അറിയുമോ? കേട്ടാൽ ഞെട്ടും. 300 രൂപ എന്നാണ് വിൽപ്പനക്കാർ പറയുന്നത്.

അപ്പോള്‍ ഒരു മുരിങ്ങയ്ക്കായുടെ വില 25 രൂപയിൽ കൂടുതൽ. ഇതോടെ ഹോട്ടലുകളിലെ സാമ്പാർ ഉൽപ്പെടെയുള്ള വിഭവങ്ങളിൽ നിന്ന് മുരിങ്ങയ്ക്ക പുറത്തായിരിക്കുകയാണ്

തമിഴ്നാട്ടിൽ മുരിങ്ങയ്ക്കയുടെ ലഭ്യത കുറഞ്ഞതാണ് ഈ വിലക്കയറ്റത്തിനു കാരണമെന്നാണ് വിവരങ്ങൾ. ഇപ്പോൽ വഡോദരയിൽ നിന്നാണ് മുരിങ്ങയ്ക്ക എത്തുന്നത്. കനത്ത മഴയ്ക്ക് ശേഷം തമിഴ്നാട്ടിൽ ഉണ്ടായ മുരിങ്ങയ്ക്കയ്ക്കു നിറം കുരയുകയും വണ്ണം കൂടുകയും ചെയ്തിരുന്നു. ഇതിന് വില കുറവാണെങ്കിലും ആവശ്യക്കാരില്ല.

തമിഴ്നാട്ടിലാണ് മുരിങ്ങയ്ക്കായ്ക്ക് ആവശ്യക്കാർ ഏറെയുളളത്. മുംബൈയ്ക്കാണ് രണ്ടാം സ്ഥാനം. ഇക്കാര്യത്തിൽ കേരളം മൂന്നാം സ്ഥാനത്താണ്. തമിഴ്നാട്ടിലും കേരളത്തിലും മുരിങ്ങയ്ക്ക പാകമായിത്തുടങ്ങിയിട്ടേയുള്ളു.

അടുത്തമാസത്തോടെ മുരിങ്ങയ്ക്കായ്ക്ക് വില കുറയുമെന്നാണ് വിവരം. അങ്ങനെയെങ്കിൽ വില 150 ലേക്കെത്തുമെന്നാണ് വിൽപ്പനക്കാർ പറയുന്നത്.