Kerala Gold Price Today | മൂന്നു ദിവസം കഴിഞ്ഞതും വീണ്ടും സ്വർണവില മേലോട്ട്; ഏറ്റവും പുതിയ നിരക്കുകൾ

സ്വർണ്ണ വില വർദ്ധിച്ചുകൊണ്ടിരിക്കുന്നതിനാൽ 2023ൽ സ്വർണത്തിൽ നിക്ഷേപം വർദ്ധിപ്പിക്കണമോ എന്ന് പലരും ചിന്തിക്കുന്നുണ്ടാവും. കോവിഡ്, ജിയോപൊളിറ്റിക്കൽ പ്രശ്നങ്ങൾ തുടങ്ങിയവ സാമ്പത്തിക അനിശ്ചിതത്വത്തിന് കാരണമായി. ഇത് സ്വർണ്ണ വിലയിൽ വർദ്ധനവിന് ഇടയാക്കിയിട്ടുണ്ട്. 2023 മാർച്ചിൽ 10 ടൺ സ്വർണം വാങ്ങി റിസർവ് ബാങ്കും (ആർബിഐ) സ്വർണം വാങ്ങുന്ന പ്രവണതയിൽ അണിചേർന്നു

വിദഗ്ധരുടെ അഭിപ്രായത്തിൽ വിശ്വസനീയമായ നിക്ഷേപ മാർഗമായാണ് സ്വർണ്ണത്തെ സാധാരണയായി കാണുന്നത്. ഇത് പണപ്പെരുപ്പത്തിനെതിരായ ഒരു സംരക്ഷണമായി വർത്തിക്കുകയും, നിങ്ങളുടെ നിക്ഷേപ ആസ്തികളെ വൈവിധ്യവത്കരിക്കുകയും ചെയ്യുന്നു (തുടർന്നു വായിക്കുക)

ബാങ്കിംഗ് മേഖലയിലെ നിലവിലെ അസ്ഥിരതയും സാദ്ധ്യതയുള്ള മാന്ദ്യത്തെക്കുറിച്ചുള്ള ചർച്ചകളും കണക്കിലെടുക്കുമ്പോൾ, പല ഇന്ത്യക്കാരും അധിക സ്ഥിരത തേടിപ്പോകാൻ സാധ്യതയുണ്ട്. സ്വർണവിലയിൽ വർധനവുണ്ടാകുന്ന സാഹചര്യത്തിൽ, സ്വർണത്തിൽ നിക്ഷേപിക്കുന്ന കാര്യം പരിഗണിക്കുന്നതിൽ കാര്യമുണ്ട്

സംസ്ഥാനത്ത് കഴിഞ്ഞ മൂന്ന് ദിവസങ്ങളായി സ്വർണവില (gold price) ഒരേ നിലയിൽ തുടരുകയായിരുന്നു. മൂന്നു ദിവസങ്ങൾക്ക് ശേഷം പവന് നേരിയ വർദ്ധനവ് രേഖപ്പെടുത്തി. മെയ് 16ന് ഒരു പവൻ സ്വർണത്തിന് 45,400 രൂപയാണ് നിരക്ക്

സംസ്ഥാനത്ത് ഈ മാസം രേഖപ്പെടുത്തിയ സ്വർണവില (പവന്): മെയ് 1- 44,560, മെയ് 2- 44,560, മെയ് 3- 45200, മെയ് 4- 45600, മെയ് 5- 45,760, മെയ് 6- 45,200, മെയ് 7- 45,200, മെയ് 8- 45,280

മെയ് 9- 45,360, മെയ് 10- 45,560, മെയ് 11- 45,560, മെയ് 12- 45,560, മെയ് 13- 45320, മെയ് 14- 45320, മെയ് 15- 45320, മെയ് 16- 45,400