Kerala Gold Price Today | ഇങ്ങനെ പോയാൽ എല്ലാർക്കും സ്വർണം വാങ്ങേണ്ടേ? തുടർച്ചയായ രണ്ടാം ദിവസവും സ്വർണവില കൂടി

ധനികരായാൽ മാത്രമേ ഈ നാട്ടിൽ സ്വർണം അണിയാൻ കഴിയുമോ എന്ന് ചോദിക്കേണ്ട അവസ്ഥയാണ് ബഹുഭൂരിപക്ഷം ജനങ്ങൾക്കുമിപ്പോൾ. സ്വർണവില (gold price) ദിനംപ്രതി പുത്തൻ ഉയരങ്ങൾ കീഴടക്കുന്നതിൽ വ്യഗ്രത കാട്ടുന്നു. ഓരോ മാസത്തേയും വരുമാനത്തിൽ നിന്നും നീക്കിയിരിപ്പ് നടത്തി സ്വർണം വാങ്ങിവന്ന പലർക്കും ഇപ്പോൾ ആ നീക്കിയിരിപ്പ് മാസങ്ങളോളം തുടർന്നാൽ മാത്രമേ ധരിക്കാൻ പാകത്തിന് സ്വർണം ലഭിക്കൂ എന്നായി

ഈ മാസം സ്വർണവില ഏറ്റവും ഉയരെ എത്തിയത് മെയ് അഞ്ചിനാണ്. ഒരു പവന് 45,760 രൂപയായിരുന്നു നിരക്ക്. ഇതിനു ശേഷം വലിയൊരു ഇടിവ് രേഖപ്പെടുത്തി എങ്കിലും കഴിഞ്ഞ രണ്ടു ദിവസമായി സ്വർണവില വീണ്ടും ഉയരുകയാണ് (തുടർന്ന് വായിക്കുക)

ആഭരണങ്ങളിലേക്ക് കടക്കുമ്പോൾ പണിക്കൂലി കൂടി ചേർത്തുവേണം നൽകാൻ എന്നത് നിരവധിപ്പേരെ വിഷമവൃത്തത്തിലാക്കും. പല സ്വർണാഭരണശാലകളും സ്വർണത്തിനു പുറമെ മറ്റു ലോഹങ്ങളും ഇടകലർത്തി പരീക്ഷണങ്ങൾ നടത്തിത്തുടങ്ങിയിട്ടുണ്ട്

മെയ് ഒൻപതിന് സംസ്ഥാനത്ത് ഒരു പവൻ സ്വർണവില 45,360 രൂപയാണ്. കഴിഞ്ഞ ദിവസത്തേക്കാൾ 80 രൂപയുടെ വർദ്ധനവ് രേഖപ്പെടുത്തി

സംസ്ഥാനത്ത് ഈ മാസം രേഖപ്പെടുത്തിയ സ്വർണവില (പവന്): മെയ് 1- 44,560, മെയ് 2- 44,560, മെയ് 3- 45200, മെയ് 4- 45600, മെയ് 5- 45,760, മെയ് 6- 45,200, മെയ് 7- 45,200, മെയ് 8- 45,280, മെയ് 9- 45,360 എന്നിങ്ങനെയാണ്

ആഗോള സാമ്പത്തിക സാഹചര്യങ്ങൾ, പണപ്പെരുപ്പ നിരക്ക്, കറൻസിയിലെ ഏറ്റക്കുറച്ചിലുകൾ, പ്രാദേശിക ഡിമാൻഡ് - സപ്ലൈ മാറ്റങ്ങൾ എന്നിവയുൾപ്പെടെ വിവിധ ഘടകങ്ങൾ ഇന്ത്യയിലെ സ്വർണ്ണ വിലയെ പൊതുവെ സ്വാധീനിക്കുന്നു