Gold price today | രാജ്യവ്യാപകമായി സ്വർണവില കുറഞ്ഞു; പ്രതിഫലനം കേരളത്തിലും

ഇന്ത്യയിൽ പല നഗരങ്ങളിലും സ്വർണ വില (gold price) 60,000 രൂപയ്ക്ക് മുകളിൽ തുടർന്നുവെങ്കിലും വില കുറയുന്ന പ്രവണത രേഖപ്പെടുത്തി. രാവിലെ 11 മണിയോടെ 10 ഗ്രാം 24 കാരറ്റ് സ്വർണത്തിന് 61,100 രൂപയായിരുന്നു (ഇന്നലെ 61,410 രൂപ) വില. അതേ അളവിലുള്ള 22 കാരറ്റ് സ്വർണത്തിന് 56,000 രൂപയാണ് വില (ഇന്നലെ 56,290 രൂപ). കേരളത്തിലും ഇതിന്റെ പ്രതിഫലനം കാണാം

അതേസമയം വെള്ളിയുടെ വില കിലോയ്ക്ക് 74,500 രൂപയായിരുന്നു (ഇന്നലെ 75,000 രൂപ). സാംസ്കാരിക പ്രാധാന്യം, നിക്ഷേപ മൂല്യം, വിവാഹങ്ങളിലും ഉത്സവങ്ങളിലും ഉള്ള പങ്ക് എന്നിവ കാരണം ഇന്ത്യയിൽ സ്വർണ്ണം ഒരു പ്രധാന ഘടകമായി കണക്കാക്കപ്പെടുന്നു (തുടർന്ന് വായിക്കുക)

ആഗോള സാമ്പത്തിക അനിശ്ചിതത്വങ്ങൾ കാരണം ഇന്ത്യയുടെ സ്വർണ്ണ ഇറക്കുമതി 2022-23 ൽ 24.15 ശതമാനം കുറഞ്ഞ് 35 ബില്യൺ ഡോളറായി എന്ന് വാണിജ്യ മന്ത്രാലയത്തിന്റെ കണക്കുകൾ സൂചിപ്പിക്കുന്നു

കേരളത്തിൽ കഴിഞ്ഞ മൂന്ന് ദിവസങ്ങളായി മുന്നോട്ടോ പിന്നോട്ടോ ഇല്ലെന്ന അവസ്ഥയിലാണ് സ്വർണവില നിലനിന്നിരുന്നത്. എന്നാൽ ഒറ്റദിവസം കൊണ്ട് 240 രൂപ കുറഞ്ഞ് പവന് 44,800 രൂപയായി

സംസ്ഥാനത്ത് ഈ മാസം രേഖപ്പെടുത്തിയ സ്വർണവില (പവന്): മെയ് 1- 44,560, മെയ് 2- 44,560, മെയ് 3- 45200, മെയ് 4- 45600, മെയ് 5- 45,760, മെയ് 6- 45,200, മെയ് 7- 45,200, മെയ് 8- 45,280, മെയ് 9- 45,360

മെയ് 10- 45,560, മെയ് 11- 45,560, മെയ് 12- 45,560, മെയ് 13- 45320, മെയ് 14- 45320, മെയ് 15- 45320, മെയ് 16- 45,400, മെയ് 17- 45,040, മെയ് 18- 44,880, മെയ് 19- 44,640, മെയ് 20- 45,040 രൂപ, മെയ് 21- 45,040 രൂപ, മെയ് 22- 45,040 രൂപ, മെയ് 23- 44,800 രൂപ