Kerala Gold Price Today, May 2| സ്വർണവിലയിൽ ഇന്ന് മാറ്റമുണ്ടോ? നിരക്കുകൾ അറിയാം

തിരുവനന്തപുരം: സംസ്ഥാനത്ത് ഇന്ന് സ്വർണവിലയിൽ മാറ്റമില്ല. തിങ്കളാഴ്ച സ്വർണവില കുറഞ്ഞിരുന്നു. ഒരു പവൻ സ്വർണത്തിന് തിങ്കളാഴ്ച 120 രൂപ കുറഞ്ഞിരുന്നു. വിപണിയിൽ ഇന്ന് ഒരു പവൻ സ്വർണത്തിന്റെ വില 44,560 രൂപയാണ്.

ഇന്നത്തെ വിപണി വില ഗ്രാമിന് 5570 രൂപയാണ്. ഒരു ഗ്രാം 22 കാരറ്റ് സ്വർണത്തിന്റെ വില ഇന്നലെ 15 രൂപ കുറഞ്ഞിരുന്നു. ഒരു ഗ്രാം 18 കാരറ്റ് സ്വർണത്തിന്റെ വില ഇന്നലെ 10 രൂപ കുറഞ്ഞിരുന്നു.

സംസ്ഥാനത്തെ വെള്ളിയുടെ വില ഇന്നലെ കൂടിയിരുന്നു. ഒരു ഗ്രാം സാധാരണ വെള്ളിക്ക് ഒരു രൂപ വർദ്ധിച്ച് 81 രൂപയായി. ഹാൾമാർക്ക് വെള്ളിയുടെ വിലയിൽ മാറ്റമില്ല. ഒരു ഗ്രാം ഹാൾമാർക്ക് വെള്ളിയുടെ വില 103 രൂപയാണ്.

അന്താരാഷ്ട്ര വിപണിയിൽ സ്വർണവിലയിൽ കാര്യമായ മാറ്റമില്ലാതെ ഔൺസിന് 1982 ഡോളറിൽ വ്യാപാരം പുരോ​ഗമിക്കുന്നു.

18 കാരറ്റ് ഒരു ​ഗ്രാം സ്വർണത്തിന് സംസ്ഥാനത്ത് 4625 രൂപയും ഒരു പവൻ 18 കാരറ്റിന് 37000 രൂപയുമാണ് ഇന്നത്തെ വില.

പുതിയ സാമ്പത്തിക വർഷം റെക്കോർഡ് നിരക്കാണ് സ്വർണവിലയിൽ രേഖപ്പെടുത്തിയത്. എക്കാലത്തെയും ഉയർന്ന നിരക്കിലാണ് ഏപ്രിൽ മാസം വ്യാപാരം നടന്നത്. ഏപ്രിൽ 14 നാണ് പവന് 45,320 രൂപ എന്ന സർവ്വകാല റെക്കോർഡിൽ വ്യാപാരം നടന്നത്.

ഏപ്രിൽ അഞ്ചിനായിരുന്നു ആ മാസത്തെ ഏറ്റവും ഉയർന്ന രണ്ടാമത്തെ നിരക്കായ പവന് 45,000 രൂപയിലാണ് വ്യാപാരം നടന്നത്. ഏപ്രിൽ 3 ന് രേഖപ്പെടുത്തിയ ഗ്രാമിന് 5470 രൂപയും പവന് 43,760 രൂപയുമാണ് ഈ മാസത്തെ ഏറ്റവും കുറഞ്ഞ നിരക്ക്. കഴിഞ്ഞ വർഷത്തേക്കാൾ 18% വർധനയാണ് സ്വർണവിലയിൽ ഈ വർഷം രേഖപ്പെടുത്തിയത്.