അവസാന തീയതി ഡിസംബർ 31; ആധാർ-പാൻ കാർഡ് ലിങ്ക് ചെയ്യുന്നത് എങ്ങനെ?
നേരത്തെ 2018 ജൂൺ 30 വരെയായിരുന്നു ആധാർ-പാൻ ലിങ്ക് ചെയ്യുന്നതിന് അനുവദിച്ച സമയം. എന്നാൽ നിരവധിപേർ ഇത് ചെയ്യാത്തതിനെ തുടർന്ന് 2019 മാർച്ച് വരെയും പിന്നീട് ഡിസംബർ 31 വരെയും നീട്ടി നൽകുകയായിരുന്നു.
News18 Malayalam | December 16, 2019, 12:27 PM IST
1/ 5
നിങ്ങളുടെ ആധാറും പാൻകാർഡും തമ്മിൽ ബന്ധിപ്പിച്ചു. ഈ വരുന്ന ഡിസംബർ 31ന് അകം ആധാറുമായി പാൻകാർഡ് ബന്ധിപ്പിച്ചില്ലെങ്കിൽ ആദായനികുതി ആക്ട് സെക്ഷൻ 139 അവ ഉപയോഗശൂന്യമായി മാറും. നേരത്തെ 2018 ജൂൺ 30 വരെയായിരുന്നു ആധാർ-പാൻ ലിങ്ക് ചെയ്യുന്നതിന് അനുവദിച്ച സമയം. എന്നാൽ നിരവധിപേർ ഇത് ചെയ്യാത്തതിനെ തുടർന്ന് 2019 മാർച്ച് വരെയും പിന്നീട് ഡിസംബർ 31 വരെയും നീട്ടി നൽകുകയായിരുന്നു. ഇപ്പോഴും നിരവധിപ്പേർ ആധാറും-പാൻ കാർഡ് ബന്ധിപ്പിക്കാനുണ്ട്. ഇവർക്കായി സമയം നീട്ടി നൽകുമോയെന്ന് സർക്കാർ വ്യക്തമാക്കിയിട്ടില്ല.
2/ 5
ആധാറും പാൻകാർഡും തമ്മിൽ ബന്ധിപ്പിച്ചില്ലെങ്കിൽ ആദായനികുതി റിട്ടേൺ ഓൺലൈൻ വഴി ഫയൽ ചെയ്യാൻ സാധിക്കാത്ത അവസ്ഥയുണ്ടാകും. അതുകൊണ്ടുതന്നെ ആധാറും പാൻകാർഡും ബന്ധിപ്പിക്കേണ്ടത് എങ്ങനെയെന്ന് നോക്കാം...
3/ 5
ആദ്യം ആദായനികുതി വകുപ്പിന്‍റെ ഔദ്യോഗിക വെബ്സൈറ്റ്- www.incometaxindiaefiling.gov.in ഓപ്പൺ ചെയ്യുക. അതിൽ ഇടത് വശത്ത് Link Aadhaar എന്ന ലിങ്ക് ക്ലിക്ക് ചെയ്യുക. ഇവിടെ നിർദിഷ്ട സ്ഥാനങ്ങളിൽ പാൻ, ആധാർ, ആധാറിലെ പേര് എന്നിവ നൽകുക. ഇതിനുശേഷം ഡേറ്റ് ഓഫ് ബർത്ത് ആധാറിലേത് തന്നെയെന്ന് ഉറപ്പാക്കുന്ന ബട്ടൺ ക്ലിക്ക് ചെയ്യുക.
4/ 5
പിന്നീട് ആധാറിലെ വിവരങ്ങൾ യുഐഡിഎഐയുമായി വാലിഡേറ്റ് ചെയ്യുന്നതിനുള്ള അനുമതി നൽകുന്ന ബട്ടൺ ക്ലിക്ക് ചെയ്യുക. അതിനുശേഷം കാപ്ച്ച കോഡ് നിർദിഷ്ട സ്ഥാനത്ത് എന്‍റർ ചെയ്യുക. അതല്ലെങ്കിൽ രജിസ്റ്റേർഡ് മൊബൈൽ നമ്പരിൽനിന്ന് ഒടിപി നൽകുന്ന ഓപ്ഷൻ ക്ലിക്ക് ചെയ്തു ലിങ്ക് ആധാർ എന്ന ലിങ്ക് ക്ലിക്ക് ചെയ്യുക.
5/ 5
എസ്.എം.എസ് അയച്ചും ആധാർ-പാൻ കാർഡ് ലിങ്ക് ചെയ്യാവുന്നതാണ്. UIDPAN എന്ന് ടൈപ്പ് ചെയ്തു സ്പേസ് നൽകി 12 അക്ക ആധാർ നമ്പർ നൽകുക. അതിനുശേഷം സ്പേസ് നൽകി 10 അക്ക ആധാർ നമ്പർ എന്‍റർ ചെയ്യുക. ഈ എസ്.എം.എസ് രജിസ്റ്റേർഡ് മൊബൈലിൽനിന്ന് 567678, 56161 ഇതിൽ ഏതെങ്കിലുമൊരു നമ്പരിലേക്ക് എസ്.എം.എസ് ആയി അയയ്ക്കുക.
