കഴിഞ്ഞ പത്തു ദിവസത്തിനിടെ രാജ്യത്ത് പെട്രോളിനും ഡീസലിനും വില കുറഞ്ഞു

ന്യൂഡല്‍ഹി: രാജ്യത്ത് പെട്രോളിന്‍റെയും ഡീസലിന്‍റെയും വില കുറഞ്ഞു. കഴിഞ്ഞ പത്തു ദിവസത്തിനിടെ പെട്രോളിന് ശരാശരി 98 പൈസയും ഡീസലിന് 1.85 രൂപയും കുറഞ്ഞു.

തുടർച്ചയായ അഞ്ചാമത്തെ ദിവസവും പെട്രോളിന്‍റെയും ഡീസലിന്‍റെയും വില കുറഞ്ഞു. പെട്രോളിന് ലിറ്ററിന് 11 പൈസയും ഡീസലിന് ലിറ്ററിന് 19 പൈസയുമാണ് തിങ്കളാഴ്ച കുറഞ്ഞത്.

സംസ്ഥാനത്ത് പ്രധാന നഗരങ്ങളിലെ പെട്രോൾ വില ഇങ്ങനെ. തിരുവനന്തപുരം - 78.42 രൂപ, കൊച്ചി - 76.93 രൂപ, കോഴിക്കോട് - 77.23 രൂപ. ഡീസലിന് തിരുവനന്തപുരം - 73.41, കൊച്ചി - 72.02, കോഴിക്കോട് - 72.32.