എടിഎമ്മുകളിൽ പണം പിൻവലിക്കാൻ ഒടിപി വേണം; SBIയുടെ പുതിയ സംവിധാനം 2020 ജനുവരി ഒന്ന് മുതൽ

എടിഎമ്മുകളിലെ അനധികൃത ഇടപാടുകളിൽ നിന്ന് ഉപഭോക്താക്കളെ രക്ഷിക്കാൻ എസ്.ബി.ഐ. രാജ്യത്തെ ഏറ്റവും വലിയ ബാങ്കായ എസ്.ബി.ഐ പണം പിൻവലിക്കൽ സുരക്ഷിതമാക്കാനായി ഒറ്റത്തവണ പാസ്‌വേഡ് (ഒടിപി) അധിഷ്ഠിത സംവിധാനം നടപ്പാക്കുന്നു. രാത്രികാല പണം പിൻവലിക്കലിനാണ് ഒടിപി നിർബന്ധമാക്കുന്നത്. 2020 ജനുവരി ഒന്ന് മുതലാണ് ഈ സേവനം ലഭ്യമാകുക.

ഒ‌ടി‌പി അടിസ്ഥാനമാക്കിയുള്ള പണം പിൻവലിക്കൽ സംവിധാനം എല്ലാ എസ്‌ബി‌ഐ എടി‌എമ്മുകളിലും 2020 ജനുവരി 1 മുതൽ രാത്രി 8 മുതൽ രാവിലെ 8 വരെ സജീവമായിരിക്കും.

എടിഎമ്മുകളിലെ അനധികൃത ഇടപാടുകളിൽ നിന്ന് ഉപയോക്താക്കളെ രക്ഷിക്കുന്നതിനാണ് ഈ സംവിധാനമെന്ന് എസ്.ബി.ഐ വൃത്തങ്ങൾ പറയുന്നു.

10000 രൂപയ്ക്ക് മുകളിലുള്ള എല്ലാ ഇടപാടുകൾക്കും ഒടിപി നിർബന്ധമാക്കുമെന്നും എസ്.ബി.ഐ ട്വീറ്റ് ചെയ്തു.