Huawei FreeBuds 4i ഇന്ത്യയില്‍ അവതരിപ്പിച്ചു; ഒക്ടോബര്‍ 27 മുതല്‍ ആമസോണില്‍ ലഭ്യമാകും:സവിശേഷതകള്‍

Huawei ഇന്ത്യയില്‍ പുതിയ TWS ഇയര്‍ബഡുകള്‍ Huawei FreeBuds 4i അവതരിപ്പിച്ചു. കൂടുതല്‍ ആഴത്തിലുള്ള ഓഡിയോ അനുഭവത്തിനായി ആംബിയന്റ് നോയ്സ് ഇല്ലാതാക്കുന്ന ആക്റ്റീവ് നോയ്സ് സാങ്കേതികവിദ്യയാണ് ഇയര്‍ബഡുകളില്‍ സജ്ജീകരിച്ചിരിക്കുന്നത്.

Huawei FreeBuds 4i-യുടെ ചാര്‍ജിംഗ് കെയ്സും ഇയര്‍ബഡുകളും മിനുസമാര്‍ന്ന അരികുകളുള്ള വൃത്താകൃതിയിലുള്ള രൂപകല്‍പ്പനയാണ് നല്‍കുന്നത്. നാല് നിറങ്ങളിലാണ് ഉത്പന്നം വിപണിയില്‍ എത്തിയിരിക്കുന്നത്.

Huawei FreeBuds 4i ഉപയോക്താവിനെ അവരുടെ ചുറ്റുപാടുകളെക്കുറിച്ച് ബോധവാന്മാരായിരിക്കാനും ചുറ്റുമുള്ളവരുമായി വ്യക്തമായി ആശയവിനിമയം നടത്താനും അനുവദിക്കുന്നതിന് അവയര്‍നെസ് മോഡുമായാണ് വരുന്നത്.ഫുള്‍ ചാര്‍ജില്‍ ഉപയോക്താക്കള്‍ക്ക് 10 മണിക്കൂര്‍ തുടര്‍ച്ചയായ മ്യൂസിക് പ്ലേബാക്ക് അല്ലെങ്കില്‍ 6.5 മണിക്കൂര്‍ വോയ്സ് കോള്‍ ആസ്വദിക്കാം.

Huawei FreeBuds 4i ഇന്ത്യയിലെ ഉപഭോക്താക്കള്‍ക്കായി ഒക്ടോബര്‍ 27 മുതല്‍ ആമസോണില്‍ ലഭ്യമാകും. ബഡ്സിന് 7,990 രൂപയാണ് വില എന്നാല്‍ ഉപഭോക്താക്കള്‍ക്ക് നവംബര്‍ 05 വരെ ദീപാവലി ഓഫറിന്റെ ഭാഗമായി 1,000 രൂപ  കിഴിവ് ലഭിക്കും.