Samsung Galaxy A13 5G| വിപണിയിൽ അവതരിപ്പിക്കുന്നതിന് മുൻപേ സാംസങ് ഗാലക്സി എ13 5G സ്മാർട്ട് ഫോണിന്‌റെ വിവരങ്ങള്‍ ചോർന്നു

 ദക്ഷിണ കൊറിയൻ ടെക് ഭീമനായ സാംസങിന്റെ ഗാലക്സി എ 13 5 ജി സ്മാർട്ട്ഫോൺ ലോഞ്ചിംഗിനായി തയാറെടുക്കുന്നു. വിലകുറഞ്ഞ 5 ജി ഹാൻഡ്‌സെറ്റ് ആണെന്ന് അവകാശപ്പെടുന്ന പുതിയ ഫോണിനെക്കുറിച്ചുള്ള ചില വിവരങ്ങൾ ചോർന്നു. അടുത്ത വർഷം ആദ്യം ഫോൺ എത്തുമെന്നാണ് പ്രതീക്ഷിക്കപ്പെടുന്നത്.

4 ജിബി റാമും 64 ജിബി ഓൺ ബോർഡ് സ്റ്റോറേജുമായി ജോടിയാക്കിയ 5 ജി ഒക്ട കോർ മീഡിയടെക്ക് ഡൈമൻഷൻ 700 ചിപ്‌സെറ്റുമായാണ് സാംസങ് ഗാലക്‌സി എ 13 വരുന്നത്. ഹാൻഡ്‌സെറ്റിൽ ട്രിപ്പിൾ റിയർ ക്യാമറ സജ്ജീകരണവും 5000 എംഎഎച്ച് ബാറ്ററിയും ഉൾപ്പെടുന്നു. കഴിഞ്ഞ വർഷം പുറത്തിറക്കിയ ഗാലക്സി എ 12 ന് പിന്നാലെയാണ് പുതിയ ഗാലക്സി എ 13 5 ജി ഫോൺ എത്തുന്നത്.

സാംസങ് ഗാലക്‌സി എ 13 5 ജിയെക്കുറിച്ച് പല അഭ്യൂഹങ്ങളും പ്രചരിക്കുന്നുണ്ട്. വാട്ടർ ഡ്രോപ്പ്-സ്റ്റൈൽ നോച്ച്, സെൽഫി ക്യാമറ, സൈഡ് മൗണ്ടഡ് ഫിംഗർ പ്രിന്റ് സെൻസർ എന്നിവ ഇതിന്റെ സവിശേഷതകളാണ്. ക്യാമറ സ്പെസിഫിക്കേഷൻ അനുസരിച്ച്, ട്രിപ്പിൾ റിയർ ക്യാമറ സജ്ജീകരണമാണുള്ളത്.

സാംസങ് ഫോണിന്റെ അടിഭാഗത്ത് 3.5 എംഎം ഹെഡ്‌ഫോൺ ജാക്ക്, യുഎസ് ബി ടൈപ്പ്-സി പോർട്ട്, സ്പീക്കർ ഗ്രിൽ എന്നിവ ഉപയോഗിച്ച് കാണിച്ചിരിക്കുന്നു. ഒരു പവർ ബട്ടണും വോളിയം റോക്കറും നൽകിയിട്ടുണ്ട്.

സാംസങ് ഗാലക്‌സി എ 13 5 ജി യുഎസിലും കാനഡയിലും 290 ഡോളറിന് (ഏകദേശം 21,700 രൂപ) ലഭ്യമാകുമെന്നാണ് റിപ്പോർട്ട്. 2022 ന്റെ തുടക്കത്തിലായിരിക്കും ഫോൺ ലഭ്യമാകുക. ഏറ്റവും പുതിയ സാംസങ് ഗാലക്‌സി എ-സീരീസ് സ്മാർട്ട്‌ഫോൺ കറുപ്പ്, നീല, ചുവപ്പ്, വെള്ള എന്നീ നിറങ്ങളിൽ ലഭ്യമാണ്.

1080x2340 പിക്സൽ റെസല്യൂഷനോടുകൂടിയ 6.48 ഇഞ്ച് എച്ച്ഡി + ഐപിഎസ് എൽസിഡി ഡിസ്പ്ലേയാണ് സാംസങ് ഗാലക്സി എ 13 5 ജിയിൽ വരുന്നത്. സെൽഫി ക്യാമറയ്ക്കുള്ള വാട്ടർ ഡ്രോപ്പ് സ്റ്റൈൽ ഡിസൈൻ. ഹാൻഡ്‌സെറ്റിൽ 4 ജിബി റാമും 64 ജിബി ഓൺബോർഡ് സ്റ്റോറേജുമായി ജോടിയാക്കിയ ഒക്ടാകോർ മീഡിയടെക്ക് ഡൈമൻഷൻ 700 SoC ഉണ്ട്. ഗാലക്സി A13 5G Android 11 ലാണ് പ്രവർത്തിക്കുന്നത്.