ഡിസംബർ 26-ന് വലയ സൂര്യഗ്രഹണം; ഈ അപൂർവ പ്രതിഭാസം സുരക്ഷിതമായി നിങ്ങൾക്കും വീക്ഷിക്കാം

കേരളത്തിൽ വലയഗ്രഹണം അവസാനമായി ദൃശ്യമായത് 2010 ജനുവരി 15-തിരുവനന്തപുരത്താണ്. ഡിസംബർ 26 - ന് കേരളത്തിലെമ്പാടും വീണ്ടും വലയസൂര്യഗ്രഹണം ദ്യശ്യമാകുകയാണ്. കേരളത്തിൽ ദ്യശ്യമാകുന്ന ഈ നൂറ്റാണ്ടിലെ അവസാനത്തെ വലയഗ്രഹണം 2031 മെയ് 21 നാണ്. ഡിസംബർ 26-ന് വടക്കൻ കേരളത്തിൽ വലയ സൂര്യഗ്രഹണവും മറ്റ് ജില്ലകളിൽ ഭാഗിക സൂര്യഗ്രഹണവുമാണ് ദൃശ്യമാവുക.

രാവിലെ 8 മുതൽ 11 മണി വരെയാണ് ഗ്രഹണ സമയം. 9.30 ഓടുകൂടി ഗ്രഹണംഅതിന്റെ പാരമ്യത്തിലെത്തും. കാസർകോട് കണ്ണൂർ കോഴിക്കോട് വയനാട് ജില്ലകളിൽ രണ്ടര മിനിറ്റ് വരെ ഗ്രഹണം വീക്ഷിക്കാം. ഗ്രഹണം വീക്ഷിക്കാൻ കേരള ശാസ്ത്ര സാങ്കേതിക മ്യൂസിയം പ്ലാനറ്റേറിയം വിപുലമായ സൗകര്യങ്ങളാണ്ഒരുക്കിയിട്ടുള്ളത്.

തിരുവനന്തപുരത്ത് സെൻട്രൽ സ്റ്റേഡിയത്തിലും കോട്ടയത്ത് ദേവമാതാ കോളേജ്ഗ്രൗണ്ടിലും ചാലക്കുടിയിൽ പനംമ്പള്ളി മെമ്മോറിയൽ കോളേജ് ഗ്രൗണ്ടിലും നാദാപുരത്ത് രാജാസ്ഹയർ സെക്കൻഡറി സ്കൂൾ ഗ്രൗണ്ടിലുമാണ് ഗ്രഹണ നിരീക്ഷണ ഉപകരണങ്ങൾ സജ്ജമാക്കുന്നത്.

ഗ്രഹണം സുരക്ഷിതമായി വീക്ഷിക്കാൻ ആവശ്യമായ ടെലിസ്കോപ്പ് അഥവാ പ്രാജക്ഷൻ ഉപകരണങ്ങൾ, സോളാർ ഫിൽട്ടറുകൾ, സോളാർ കണ്ണടകൾ, പിൻഹോൾ ക്യാമറ, വെൽഡിംഗ് കണ്ണടകൾഎന്നിവയും സജ്ജമാക്കും.

ശാസ്ത്ര വിദഗ്ധരുടെ ക്ലാസ്സുകളും ശാസ്ത്ര പരീക്ഷണങ്ങളും സംശയ നിവാരണ സൗകര്യവും ലഭ്യമാണ്. ഭൂമിക്കും സൂര്യനുമിടയിൽ ചന്ദ്രൻ വരുമ്പോൾ ചന്ദ്രബിംബം സൂര്യബിംബത്തെ മറയ്ക്കുന്നതാണ് സൂര്യഗ്രഹണം.

ഭൗമചന്ദ്രപഥങ്ങൾ തമ്മിലുള്ള ചെറിയ ചെരിവുകാരണം ഗ്രഹണങ്ങൾഅപൂർവ്വമായി മാത്രമാണ് സംഭവിക്കുന്നത്. നഗ്നനേത്രങ്ങൾ കൊണ്ട് ഒരു കാരണവശാലും സൂര്യഗ്രഹണം നിരീക്ഷിക്കരുത്.

സൂര്യനിൽനിന്ന് എപ്പോഴും പുറപ്പെടുന്ന അൽ ട്രാ വയലറ്റ് രശ്മികൾ മനുഷ്യ നേത്രങ്ങൾക്ക് ഹാനികരമാണ് എന്നതാണ് ഇതിന് കാരണം. എക്സ് റേ ഫിലിമുകളിലൂടെ നോക്കുന്നതും ഒഴിവാക്കണം.

അംഗീകൃത ഫിൽട്ടർ ഉപയോഗിച്ചോ പ്രാജക്ഷൻ സംവിധാനംഉപയോഗിച്ചോ ഈ അപൂർവ്വ പ്രതിഭാസത്തിന് സാക്ഷ്യം വഹിക്കാവുന്നതാണ്. വിദ്യാർത്ഥികൾക്കും, മുതിർന്നവർക്കും കേന്ദ്രങ്ങളിൽ എത്തിയാൽസൗജന്യമായും സുരക്ഷിതമായും ഗ്രഹണം നിരീക്ഷിക്കാൻ സാധിക്കും. അന്ധവിശ്വാസങ്ങളും അനാചാരങ്ങളും ഒഴിവാക്കാൻ ഗ്രഹണസമയത്ത് പായസ വിതരണവുമുണ്ട്.