വയസ്സ് 18; കൗമാരക്കാരി സ്വന്തമാക്കിയത് 3.7 കോടിയുടെ ഫ്ലാറ്റ്

സ്വന്തം വീട് എന്ന സ്വപ്നത്തിലേക്ക് നടന്നു നീങ്ങാൻ പോലും പലരും ചിന്തിക്കാത്ത പ്രായത്തിൽ സ്വന്തമായി ഫ്ലാറ്റ് സ്വന്തമാക്കി കൗമാരക്കാരി. കേവലം 18 വയസ്സിലാണ് പെൺകുട്ടി ഈ നേട്ടം സ്വന്തമാക്കിയത്. പഠനം പൂർത്തിയാക്കി, ജോലി നേടി, ആവശ്യമെങ്കിൽ ഹോം ലോൺ കൂടി എടുക്കുന്ന കാര്യം ആലോചിക്കുമ്പോൾ തന്നെ കുറഞ്ഞ പക്ഷം പലരും അവരുടെ 20കളിൽ ആയിരിക്കും എന്നിരിക്കെയാണ് ഈ നേട്ടം

ഇതിനായി താൻ പ്രയത്നം ആരംഭിച്ചത് കേവലം 13 വയസ്സിലാണ് എന്ന് പെൺകുട്ടി പറയുന്നു. കഴിഞ്ഞ വർഷം വീടിനായി 20 ലക്ഷം രൂപ  ഡെപ്പോസിറ്റ് ചെയ്‌തു എന്ന് പെൺകുട്ടി പറഞ്ഞു. എങ്ങനെയാണ് ഇത്രയും തുക സമ്പാദിച്ചത് എന്നും, അതിന്റെ രീതികളും പെൺകുട്ടി പറഞ്ഞു (തുടർന്ന് വായിക്കുക)

വാലെന്റിന ഹാടോം എന്ന വിദേശി പെൺകുട്ടിയാണിത്. തെക്കു കിഴക്കൻ ലണ്ടനിലെ അബി വുഡ്ഡ് എന്ന സ്ഥലത്താണ് രണ്ടു ബെഡ്‌റൂം ഫ്ലാറ്റ്. അഞ്ചു വർഷത്തേക്ക് മൊത്തം വിലയുടെ 40 ശതമാനം മാത്രം അടച്ച് പലിശയില്ലാത്ത ലോൺ ആണ് ഇവർ എടുത്തത്

ഇത്രയും ചെറിയ പ്രായത്തിലേ വീട് സ്വന്തമാക്കാൻ കഴിഞ്ഞതിൽ സന്തോഷമെന്ന് വാലെന്റിന. 13 വയസ്സായപ്പോഴേക്കും ഓൺലൈൻ റൊമാൻസ്, ആക്ഷൻ കോമിക്കുകൾ എഴുതി സമ്പാദ്യം ആരംഭിച്ചു. 16 വയസ്സിൽ മക്ഡൊണാൾഡ്സിൽ പാർട്ട് ടൈം ജോലി. ശേഷം പ്രൈമാർക്കിലേക്ക്

സ്കൂളിൽ പഠിക്കുമ്പോൾ തന്നെ ഈ ജോലികൾ ചെയ്യാൻ താൻ സമയം കണ്ടെത്തിയിരുന്നു എന്ന് വാലെന്റിന. ഇൻസാനിറ്റി എന്ന കോമിക്കിൽ പ്രവർത്തിക്കുമ്പോൾ തന്നെ പണം സമ്പാദിക്കാൻ തുടങ്ങി എന്ന് വാലെന്റിന. അന്ന് ബാങ്ക് അക്കൗണ്ട് ഇല്ലാത്തതിനാൽ അമ്മയായിരുന്നു പണം സൂക്ഷിപ്പുകാരി

ആ ജോലിയിൽ നിന്നും 5000 പൗണ്ട് നീക്കിവെക്കാൻ സാധിച്ചു. അവധി ദിവസങ്ങളിലും ജോലി ചെയ്‌തു. ചില ടെക്, ഭക്ഷണ കമ്പനികളിൽ പണം നിക്ഷേപിച്ചാണ് ഇത്രയും തുക സ്വന്തമാക്കിയത് എന്ന് വാലെന്റിന

സമ്പാദ്യശീലമാണ് പല്ലു ഡോക്ടർ ആവണമെന്ന ആഗ്രഹത്തിൽ നിന്നും ബിസിനെസ്സിലേക്ക് എത്തിച്ചത് എന്ന് വാലെന്റിന. തന്റെ വിജയത്തിൽ മാതാപിതാക്കൾ സന്തോഷത്തിലാണ് എന്ന് വാലെന്റിന. തന്നെ ഡിന്നറിന് കൊണ്ടുപോയാണ് അവർ ആഘോഷിച്ചത് എന്ന് വാലെന്റിന