UEFA Champions League | 15 വർഷത്തിനിടയിൽ ആദ്യം; മെസ്സിയും റോണാൾഡോയും ഇല്ലാത്ത ചാമ്പ്യൻസ് ലീഗ് സെമി

ഇത്തവണത്തെ ചാമ്പ്യൻസ് ലീഗ് ചരിത്രത്തിൽ ഇടംപിടിക്കുന്നത് രണ്ട് ഇതിഹാസങ്ങൾ ഇല്ലാതെയുള്ള ആദ്യ സെമിയുടെ പേരിലാകും.

ലയണൽ മെസ്സി, ക്രിസ്റ്റ്യാനോ റൊണാൾഡോ, ഫുട്ബോൾ ലോകത്ത് പകരക്കാരില്ലാത്തവർ, പക്ഷേ, ഇത്തവണത്തെ ചാമ്പ്യൻസ് ലീഗിൽ ഇവരുടെ പേര് ചേർക്കുന്നത് നിരാശയോടെയായിരിക്കും.

കഴിഞ്ഞ പതിനഞ്ച് വർഷത്തിനിടയിൽ ആദ്യമായി മെസ്സിയും റൊണാൾഡോയും ഇല്ലാത്ത ചാമ്പ്യൻസ് ലീഗ് ഫൈനലിനാണ് ഫുട്ബോൾ ലോകം സാക്ഷിയാകുന്നത്.

2020 എന്ന വർഷം പല കാരണങ്ങളാൽ ചരിത്രത്തിൽ ഇടംപടിക്കും. അതിലൊന്ന് ഈ ചാമ്പ്യൻസ് ലീഗിന്റെ പേരിലുമായിരിക്കും.

ശനിയാഴ്ച്ച പുലർച്ചെ നടന്ന മത്സരത്തിൽ രണ്ടിനെതിരെ എട്ട് ഗോളുകൾക്കാണ് ബയേൺ മ്യൂണിക് മെസ്സിയുടെ ബാഴ്സലോണയെ തകർത്തെറിഞ്ഞത്. അതിന്റെ നിരാശ ആരാധകരെ വിട്ടു മാറിയിട്ടില്ല. മറക്കാനാകാത്ത ദുഃഖത്തിലേക്കാണ് മെസ്സി-ബാഴ്സ ആരാധകർ വീണിരിക്കുന്നത്.

നേരത്തേ, പ്രീക്വാർട്ടറിൽ ലിയോണിനോട് പരാജയപ്പെട്ട് റൊണോൾഡ‍ോയും യുവന്റസും ചാമ്പ്യൻസ് ലീഗിന്റെ പടിയിറങ്ങിയിരുന്നു.

2005 ൽ ഇസ്താംബുളിൽ നടന്ന ചാമ്പ്യൻസ് ലീഗിൽ എസി മിലാനെ പരാജയപ്പെടുത്തി ലിവർപൂൾ കിരീടം നേടിയ വർഷമായിരുന്നു ഇതിഹാസങ്ങൾ ഇല്ലാത്ത ലീഗ് ഇതിനുമുമ്പുണ്ടായത്.

2006-07 സീസണിനു ശേഷം ഒരു സ്പാനിഷ് ടീം ചാമ്പ്യൻസ് ലീഗിന്റെ അവസാന നാലിൽ ഇല്ലാതിരിക്കുന്നതും ആദ്യം.

ബാഴ്സയ്ക്കൊപ്പം നാല് ചാമ്പ്യൻസ് ലീഗിലാണ് മെസ്സി പങ്കാളിയായത്. റൊണാൾഡോ നാല് തവണ റയലിനൊപ്പവും മഞ്ചസ്റ്റർ സിറ്റിക്കൊപ്പം ഒരു വട്ടവും ചാമ്പ്യൻസ് ലീഗിൽ പങ്കാളിയായി.

ഫുട്ബോളിൽ രണ്ട് ഇതിഹാസങ്ങളുടെ ആധിപത്യം അവസാനിക്കുന്നതിന്റെ സൂചനയാണോ ഇത്?