വീണ്ടും നഗ്നചിത്രവുമായി വനിതാ ക്രിക്കറ്റ് താരം; ട്രോളുമായി സഹതാരം

കളത്തിനകത്തും പുറത്തും ഒരുപോലെ താരമാണ് ഇംഗ്ലണ്ടിന്‍റെ വനിതാ ക്രിക്കറ്റർ സാറാ ടെയ്ലർ. മികച്ച രീതിയിൽ ബാറ്റു ചെയ്യുന്ന സാറാ ടെയ്ലറുടെ മിന്നൽ സ്റ്റംപിങ് ഏറെ ചർച്ചയാകാറുണ്ട്. ഒന്നാന്തരം മോഡൽ കൂടിയായ സാറാ ടെയ്ലറുടെ ചിത്രങ്ങൾ സോഷ്യൽ മീഡിയയിൽ വൈറലാകുന്നത് വളരെ വേഗമാണ്. സ്ത്രീകളുടെ മാനസികാരോഗ്യം മെച്ചപ്പെടുത്തുന്നത് സംബന്ധിച്ച സന്ദേശവുമായി സാറാ അടുത്തിടെ പോസ്റ്റ് ചെയ്ത നഗ്നചിത്രം ഏറെ വൈറലായിരുന്നു.

ഇപ്പോഴിതാ വീണ്ടുമൊരു നഗ്നചിത്രം കൂടി സോഷ്യൽമീഡിയയിൽ പോസ്റ്റ് ചെയ്തിരിക്കുകയാണ് സാറാ ടെയ്ലർ. ബാറ്റ് ഉപയോഗിച്ച് മാറിടം മറയ്ക്കുന്ന രീതിയിലാണ് പുതിയ ചിത്രത്തിൽ സാറാ പോസ് ചെയ്തിരിക്കുന്നത്. വുമൺസ് ഹെൽത്ത് യുകെയ്ക്കുവേണ്ടിത്തന്നെയാണ് ഇത്തവണയും സാറാ ചിത്രം പോസ്റ്റ് ചെയ്തിരിക്കുന്നത്.

ഈ ചിത്രത്തെ ട്രോളി ഇംഗ്ലണ്ട് ടീമിലെ സഹതാരം അലക്സ് ഹാട്ട്ലി. വസ്ത്രങ്ങൾ ഇല്ലാത്തപ്പോൾ ബാറ്റിനുവേണ്ടി എപ്പോഴൊക്കെ കാത്തിരുന്നിട്ടുണ്ടോയെന്നാണ് ഹാർട്ട്ലി സാറായോട് ചോദിക്കുന്നത്. ഇങ്ങനെ നഗ്നയായി ക്രിക്കറ്റിൽ എത്ര മത്സരം കളിച്ചുവെന്നും ഹാർട്ട്ലി ചോദിക്കുന്നു.