വിരമിച്ച അനസ് എടതൊടിക വീണ്ടും ഇന്ത്യൻ ടീമിലേക്ക്; കാരണം ഇതാണ്!

അടുത്തിടെ അന്താരാഷ്ട്ര ഫുട്ബോളിൽ നിന്ന് അനസ് വിരമിച്ചിരുന്നു. ഏഷ്യന്‍ കപ്പിലെ നിര്‍ണായക പോരാട്ടത്തില്‍ ബഹറൈനെതിരെ പരിക്കേറ്റ് പുറത്തായതും ഇന്ത്യന്‍ ടീമിന്‍റെ തോല്‍വിയുമാണ് അനസ് ബൂട്ടഴിക്കാൻ കാരണമായത്.

മലപ്പുറത്തുകാരനായ അനസ് ഇന്ത്യൻ ടീമിലെ പ്രതിരോധനിരയിലെ കരുത്തനായിരുന്നു. ഇന്ത്യയ്ക്കുവേണ്ടി 19 അന്താരാഷ്ട്ര മത്സരങ്ങളിൽ കളിച്ചിട്ടുള്ള അനസ് അപ്രതീക്ഷിതമായാണ് വിരമിക്കൽ പ്രഖ്യാപനം നടത്തിയത്.

മുപ്പത്തിയൊന്നുകാരനായ മലപ്പുറംകാരന്‍ ഇന്ത്യന്‍ പ്രതിരോധ നിരയിലെ കരുത്തായിരുന്നു. ഇന്ത്യക്ക് വേണ്ടി 19 മത്സരങ്ങളില്‍ ബൂട്ട് കെട്ടിയിട്ടുണ്ട്. എന്നാല്‍, അനസിന്‍റെ അപ്രതീക്ഷിതമായ വിരമിക്കല്‍ പ്രഖ്യാപനം വലിയ ആഘാതമാണ് ഫുട്ബോള്‍ പ്രേമികള്‍ക്ക് നല്‍കിയത്.

പക്ഷേ, ഇന്‍റര്‍കോണ്ടിനന്‍റല്‍ കപ്പിനുള്ള 35 അംഗ ടീമില്‍ ഇന്ത്യയുടെ പരിശീലക കുപ്പായം അടുത്ത കാലത്ത് എറ്റെടുത്ത ഇഗോര്‍ സ്റ്റിമാക് അനസിനെ ഉള്‍പ്പെടുത്തിയിരിക്കുകയാണ്. സ്റ്റിമാക്കില്‍ നിന്നുള്ള വിളി അനസിന് ലഭിച്ചതായി ഇന്ത്യന്‍ ഫുട്ബോള്‍ ഫെഡറേഷൻ സ്ഥിരീകരിച്ചിട്ടുണ്ട്.

അനസിനെ കൂടാതെ സഹല്‍ അബ്ദുള്‍ സമദ് ആഷിക് കുരുണിയന്‍, ജോബി ജസ്റ്റിന്‍ എന്നീ മലയാളികളെയും കോണ്ടിനെന്‍റൽ കപ്പിനുള്ള ഇന്ത്യൻ ടീമില്‍ ഉള്‍പ്പെടുത്തിയിട്ടുണ്ട്.