'അടുത്ത ലോകകപ്പ് കരിയറിനെ ആശ്രയിച്ച്; പ്രായം ബുദ്ധിമുട്ടിക്കുന്ന കാര്യം'; ലയണൽ മെസ്സി

അടുത്ത ലോകകപ്പിൽ കളിക്കുന്നതിനെക്കുറിച്ച് വ്യക്തമാക്കി അർജന്റീന സൂപ്പർ താരം ലയണൽ മെസ്സി. ലോകകപ്പിൽ കളിക്കാനുള്ള സാധ്യത കരിയർ എങ്ങനെ പോകുന്നു എന്നതിനെ ആശ്രയിച്ചിരിക്കുമെന്ന് മെസ്സി പറഞ്ഞു. 2022-ലെ ഖത്തര്‍ ലോകകപ്പോടെ ദേശീയ ടീമില്‍നിന്ന് വിരമിക്കുമെന്ന് നേരത്തേ സൂചനനല്‍കിയിരുന്നെങ്കിലും അല്‍പകാലംകൂടി അര്‍ജന്റീനാ ജേഴ്സിയണിയുമെന്ന് കിരീടം നേടിയശേഷം മെസ്സി വ്യക്തമാക്കി.

'ഫുട്ബോൾ കളിക്കുന്നത് ഞാൻ ഇഷ്ടപ്പെടുന്നു. ആസ്വദിക്കുന്നിടത്തോളം കാലം കളിക്കളത്തിൽ തുടരണമെന്നാണ് ആഗ്രഹം. പ്രായം ബുദ്ധിമുട്ടിക്കുന്ന കാര്യമാണ്. കളി തുടരനാണ് എന്റെ ആഗ്രഹം. പക്ഷേ 2026 ലോകകപ്പ് കുറച്ചു വർഷങ്ങൾ അപ്പുറമുള്ള കാര്യമാണ്. അപ്പോൾ എന്താകുമെനന്ന് പറയാനാകില്ല' മെസ്സി പറഞ്ഞു.

2026 ഫുട്ബോൾ ലോകകപ്പിൽ അർജന്റീന ടീമിനൊപ്പം താൻ ഉണ്ടാകുമെന്ന് ഉറപ്പില്ലെങ്കിലും കോച്ച് ലയണൽ സ്കലോനി ഉണ്ടാകുമെന്നാണ് തന്റെ പ്രതീക്ഷയെന്ന് താരം പറഞ്ഞു. അതേസമയം അടുത്ത വർഷം നടക്കുന്ന കോപ്പ അമേരിക്ക ടൂർണമെന്റിൽ അർജന്റീന ടീമിനൊപ്പം ഉണ്ടാകുമെന്ന് താരം വ്യക്തമാക്കി.

ഖത്തര്‍ ലോകകപ്പില്‍ ഏഴുഗോള്‍ നേടിയ മെസ്സിക്ക് ലോകകപ്പിലാകെ 13 ഗോളുണ്ട്. ലോകകപ്പ് ഗോളുകളില്‍ മുന്നിലുള്ള ജര്‍മന്‍ താരം മിറോസ്ലാവ് ക്ലോസെയേക്കള്‍ മൂന്നു ഗോളിന് പിന്നിലാണ്.

യൂറോപ്യൻ മേജർ ലീഗുകളിലെ ഗോൾ നേട്ടത്തിൽ ക്രിസ്റ്റ്യാനോ റൊണാൾഡോയെ മെസ്സി മറികടന്നിരുന്നു. ഇംഗ്ലിഷ് പ്രിമിയർ ലീഗ്, സ്പാനിഷ് ലീഗ്, ജർമൻ ബുന്ദസ്‌ലിഗ, ഇറ്റാലിയൻ സീരി എ, ഫ്രഞ്ച് ലീഗ് വൺ എന്നിവയെല്ലെല്ലാം കണക്കിലെടുത്താൽ കൂടുതൽ ഗോളുകൾ നേടിയ താരം എന്ന നേട്ടമാണ് മെസ്സി സ്വന്തമാക്കിയത്.

സ്പാനിഷ് ലീഗിലും (ബാർസിലോന) ഫ്രഞ്ച് ലീഗിലും (പിഎസ്ജി) മാത്രം കളിച്ച മെസ്സി 835 മത്സരങ്ങളിലായി നേടിയതത് 697 ഗോളുകൾ. സ്പാനിഷ് ലീഗിൽ റയൽ മഡ്രിഡിനും ഇറ്റാലിയൻ ലീഗിൽ യുവന്റസിനും ഇംഗ്ലിഷ് പ്രിമിയർ ലീഗിൽ രണ്ടു ഘട്ടങ്ങളിലാി കളിച്ച റൊണാൾഡോ 918 മത്സരങ്ങളിലായി 696 ഗോളുകളാണ് നേടിയിത്.