IND vs ENG | 'അഭിമാനമീ പോരാട്ടം': ഇംഗ്ലണ്ടിനെതിരായ സൂര്യകുമാർ യാദവിന്റെ സെഞ്ചുറി പ്രകടനത്തെ വാഴ്ത്തി ക്രിക്കറ്റ് ലോകം

ഇംഗ്ലണ്ടിനെതിരായ മൂന്നാ ട്വന്റി-20യിൽ പരാജയം ഏറ്റുവാങ്ങേണ്ടിവന്നെങ്കിലും ക്രിക്കറ്റ് ആരാധകരുടെ മനസ് നിറയ്ക്കുന്ന പ്രകടനമായിരുന്നു സൂര്യ കുമാറിന്റേത്. ഇംഗ്ലണ്ട് ഉയർത്തിയ 216 റൺസ് പിന്തുടർന്നെത്തിയ ഇന്ത്യയ്ക്ക് ഒൻപത് വിക്കറ്റ് നഷ്ടത്തിൽ 198 റൺസെടുക്കാനെ കഴിഞ്ഞുള്ളു.

മൂന്നു മത്സരമടങ്ങുന്ന പരമ്പര ഇന്ത്യ നേരത്തെ സ്വന്തമാക്കിയിരുന്നു. മൂന്നാം മത്സരത്തിൽ 55 പന്തിൽ‌ നിന്ന് 117 റൺസെടുത്ത സൂര്യ കുമാർ യാദവാണ് ഇന്ത്യയുടെ ടോപ് സ്കോറർ. 48 പന്തിൽ നിന്നാണ് താരം രാജ്യാന്തര കരിയറിലെ ആദ്യ സെഞ്ചുറി നേടിയത്.

തകർച്ചയുടെ വക്കിലാിരുന്ന സൂര്യ കുംമാറിന്റെ പ്രകടനം വിജയ പ്രതീക്ഷ നൽകുന്നതായിരുന്നു. 14 ബൗണ്ടറികളും ആറു സിസ്റുകളും അടങ്ങുന്നതായിരുന്നു സൂര്യ കുമാറിന്‌റെ പ്രകടനം. തുടക്കത്തിലേ ഇന്ത്യയ്ക്ക് വിക്കറ്റുകള്‍ നഷ്ടമായപ്പോൾ സൂര്യ കുമാറിനൊപ്പം ചേർന്ന് ശ്രേയസ് അയ്യർ രക്ഷാപ്രവർത്തനത്തിന് തുടക്കമിട്ടു.

എന്നാൽ ടീം സ്കോർ 150 എത്തിനിൽക്കെ 28 രൺസെടുത്ത ശ്രേയസ്സ് മടങ്ങി. പിന്നീടിറങ്ങിയവര്‍ക്ക് ഇന്ത്യയെ വിജയത്തിലെത്തിക്കാനായില്ല. ദിനേശ് കാര്‍ത്തിക്കും രവീന്ദ്ര ജഡേജയും നിരാശപ്പെടുത്തി.

ടോസ് നേടി ബാറ്റിങ്ങിനിറങ്ങിയ ഇംഗ്ലണ്ട് 20 ഓവറിൽ ഏഴു വിക്കറ്റ് നഷ്ടത്തിൽ നേടിയത് 215 റൺസ്. 39 പന്തുകൾ മാത്രം നേരിട്ട് 77 റൺസുയര്‍ത്തിയ ഡേവിഡ് മലാനാണ് ഇംഗ്ലണ്ട് സ്കോറിന്റെ നട്ടെല്ല്.

നാല് ഓവറുകളെറിഞ്ഞ പേസർ ഉമ്രാൻ മാലിക്ക് 56 റൺസാണു വഴങ്ങിയത്. രവീന്ദ്ര ജഡേജ 43 ഉം ആവേശ് ഖാൻ 43 റൺസും വിട്ടുകൊടുത്തു. രവി ബിഷ്ണോയി, ഹർഷൽ‌ പട്ടേൽ എന്നിവർ‌ രണ്ടുവിക്കറ്റ് വീതം നേടി.