Rashmika Mandanna: ശുഭ്മാൻ ഗിൽ രശ്മിക മന്ദാനയെ വിവാഹം കഴിക്കുമോ?

ചുരുങ്ങിയ കാലംകൊണ്ട് തെന്നിന്ത്യൻ സിനിമയിൽ മുൻനിര നായികയായി വളർന്ന നടിയാണ് രശ്മിക മന്ദാന. അവർക്ക് വലിയ ആരാധകവൃന്ദമുണ്ട്. ആൺകുട്ടികളുടെ മനസിൽ ക്രഷായി അവരുടെ ഉറക്കംകെടുത്തുന്ന സിനിമാതാരമാണ് രശ്മിക. ഇപ്പോഴിതാ, രശ്മിക ഇന്ത്യൻ ക്രിക്കറ്റർ ശുഭ്മാൻ ഗില്ലിന്‍റെ മനംകവർന്നുവെന്ന വാർത്തയാണ് പുറത്തുവരുന്നത്.

ടോളിവുഡിലും ബോളിവുഡിലും ശ്രദ്ധേയമായ വേഷങ്ങൾ ചെയ്ത രശ്മിക മന്ദാനയെ പുകഴ്ത്തി ക്രിക്കറ്റ് താരം ശുഭ്മാൻ ഗിൽ ഒരു അഭിമുഖത്തിൽ സംസാരിച്ചതാണ് ഇപ്പോൾ ചർച്ചയാകുന്നത്. രശ്മികയുടെ സൌന്ദര്യത്തിൽ ശുഭ്മാൻ ഗിൽ മതിമറന്ന് പോയോ എന്നാണ് ആരാധകർ ചോദിക്കുന്നത്.

ഒരു അഭിമുഖത്തിൽ ക്രിക്കറ്റ് താരം ശുഭ്മാൻ ഗില്ലിനോട് ആരാണ് നിങ്ങളുടെ ക്രഷ് എന്ന് അവതാരക ചോദിച്ചു. ഇതിന് മറുപടിയായാണ് രശ്മിക മന്ദാനയെക്കുറിച്ച് ശുഭ്മാൻ ഗിൽ പറഞ്ഞത്. രശ്മികയാണ് തന്‍റെ ക്രഷ് എന്ന ക്രിക്കറ്റ് താരത്തിന്‍റെ മറുപടി സമൂഹമാധ്യമങ്ങളിലും ചർച്ചയായി കഴിഞ്ഞു.

യുവ ക്രിക്കറ്റ് താരം ശുഭ്മാൻ ഗിൽ രശ്മികയോട് വിവാഹാഭ്യർത്ഥന നടത്തിയെന്നും റിപ്പോർട്ടുകളുണ്ട്. ഈ വാർത്ത ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്. എന്നാൽ രശ്മിക ഇതേക്കുറിച്ച് പ്രതികരിച്ചിട്ടില്ല.

ഇത് കേട്ടാൽ രശ്മിക എങ്ങനെ പ്രതികരിക്കും എന്നറിയാൻ കാത്തിരിക്കുകയാണ് ആരാധകർ. നടിയുടെ പ്രതികരണത്തിനായി കാത്തിരിക്കുകയാണ് സോഷ്യൽ മീഡിയയും.

2016ൽ ‘കിരിക് പാർട്ടി’ എന്ന ചിത്രത്തിലൂടെ സിനിമാരംഗത്തേക്ക് കടന്ന രശ്മിക മന്ദാന പിന്നീട് രണ്ട് കന്നഡ സിനിമകളിൽ അഭിനയിച്ചു. അതിനുശേഷം തെലുങ്ക് സിനിമകളിലൂടെ തെന്നിന്ത്യയിലെ എണ്ണംപറഞ്ഞ നായികയായി അവർ മാറി. ചലോ എന്ന ചിത്രത്തിലൂടെ ടോളിവുഡിലെത്തിയ രശ്മിക മന്ദാന നിരവധി ഹിറ്റ് ചിത്രങ്ങൾ സമ്മാനിച്ചിട്ടുണ്ട്

അല്ലു അർജുനൊപ്പം ശ്രീവല്ലിയായി പുഷ്പ എന്ന സിനിമയിൽ തിളങ്ങിയ രശ്മിക മന്ദനയുടെ താരപരിവേഷം ഇപ്പോൾ അടിമുടി മാറിക്കഴിഞ്ഞു. പുഷ്പ എന്ന ചിത്രം സൂപ്പർ ഹിറ്റായതിന് ശേഷം പാൻ-ഇന്ത്യൻ താരമായി ബോളിവുഡിലും അവസരങ്ങൾ സ്വന്തമാക്കുന്ന തിരക്കിലാണ് രശ്മിക മന്ദാന.

അടുത്ത കുറച്ച് വർഷങ്ങളിലേക്ക് ഡേറ്റില്ലാത്ത അത്രയും തിരക്കിലാണ് രശ്മിക. ഏതായാലും ശുഭ്മാൻ ഗിൽ പ്രണയാഭ്യർഥന നടത്തിയെന്ന വാർത്തയിൽ രശ്മികയുടെ പ്രതികരണത്തിനായി കാത്തിരിക്കുകയാണ് ആരാധകർ.