Cristiano Ronaldo| റൊണാൾഡോ ശരിക്കും കലിപ്പിലാണോ? ബാലൺ ഡി ഓർ പുരസ്കാരത്തെ വിമർശിച്ചുള്ള പോസ്റ്റിന് ലൈക്കും കമന്റും

മികച്ച ഫുട്ബോളർക്കുള്ള ബാലൺ ഡി ഓർ (Ballon d'Or) പുരസ്കാരം പ്രഖ്യാപിച്ചതിന് പിന്നാലെ തുടങ്ങിയ വിവാദങ്ങൾ ഇനിയും അവസാനിച്ചിട്ടില്ല. ലയണൽ മെസ്സിക്ക് (Lionel Messi)പുരസ്കാരം ലഭിച്ചതിനേക്കാൾ പട്ടികയിൽ ക്രിസ്റ്റ്യാനോ റൊണാൾഡോ (Cristiano Ronaldo) ആറാമനായി പിന്തള്ളപ്പെട്ടതാണ്.

ജര്‍മ്മന്‍ ടീം ബയേണ്‍ മ്യൂണിച്ചിന്റെ റോബര്‍ട്ട് ലെവന്‍ഡോസ്‌കിയെ(മറികടന്നാണ് മെസ്സി ഇത്തവണ ബാലണ്‍ ഡി ഓര്‍ പുരസ്‌കാരം കൈക്കലാക്കിയത്.

അഞ്ച് തവണ ബാലൺ ഡി ഓർ നേടിയ ക്രിസ്റ്റ്യാനോ പട്ടികയിൽ ആറാമതായത് ആരാധകരേയും ഞെട്ടിച്ചിരുന്നു. മെസ്സിയെക്കാൾ കൂടുതൽ ബാലൺ ഡി ഓർ നേടി ഫുട്ബോളിൽ നിന്നും വിരമിക്കുക എന്നതാണ് റൊണാൾഡോയുടെ ലക്ഷ്യമെന്ന് പറഞ്ഞ് ഫ്രാൻസ് ഫുട്‌ബോൾ മാഗസിൻ എഡിറ്റർ-ഇൻ-ചീഫ് പാസ്‌കൽ ഫെറെ എരിതീയിൽ എണ്ണയൊഴിച്ചു.

ഫെറെയുടെ പ്രസ്താവന ആരാധകരെ മാത്രമല്ല, സാക്ഷാൽ റൊണാൾഡോയെ തന്നെ പ്രകോപിച്ചു. രൂക്ഷമായ ഭാഷയിലാണ് താരം ഇതിനോട് പ്രതികരിച്ചത്. മെസ്സിയുമായി ‘സ്പർദ്ധ’യെക്കുറിച്ചു ഫെറെ നുണപ്രചാരണം നടത്തുകയാണെന്നും ഇത് അംഗീകരിച്ച് കൊടുക്കാൻ കഴിയില്ലെന്നും റൊണാൾഡോ തന്റെ ഇൻസ്റ്റാഗ്രാം പോസ്റ്റിൽ കുറിച്ചു.

ഇതിനു പിന്നാലെ ബാലൺ ഡി ഓറിൽ താരത്തെ തഴഞ്ഞതിനെ കുറിച്ചുള്ള ഇൻസ്റ്റഗ്രാം പോസ്റ്റിൽ റൊണാൾഡോ ലൈക്കും കമന്റും നൽകി.

ഈ വർഷത്തെ റൊണാൾഡോയുടെ നേട്ടങ്ങൾ അക്കമിട്ട് നിരത്തിയുള്ള പോസ്റ്റിൽ മെസ്സിയുടെ ഈ വർഷത്തെ നേട്ടങ്ങൾ കോപ്പ അമേരിക്കയിൽ ഒതുങ്ങുന്നതാണെന്നും വിമർശിക്കുന്നുണ്ട്.

പട്ടികയിൽ റൊണാൾഡോയ്ക്ക് മുന്നിലുള്ള അഞ്ച് താരങ്ങളുടെ കഴിഞ്ഞ വർഷത്തെ സംഭാവന അദ്ദേഹത്തേക്കാൾ കൂടുതലാണോ എന്നും പോസ്റ്റിൽ ചോദിക്കുന്നു. പോസ്റ്റിന് ലൈക്ക് നൽകിയ റൊണാൾഡോ തംപ്സ് അപ്പിനൊപ്പം facts എന്ന കമന്റും നൽകിയിട്ടുണ്ട്. (Image: Instagram)

മെസ്സി ബാലണ്‍ ഡി ഓറിന് അര്‍ഹനല്ലെന്ന് റയല്‍ മാഡ്രിഡ് താരം ടോണി ക്രൂസും പരസ്യമായി പ്രതികരിച്ചിരുന്നു. മെസ്സിയുമായി താരതമ്യപ്പെടുത്തുമ്പോൾ ക്രിസ്റ്റ്യാനോ ഇത്തവണ ബഹുദൂരം മുന്നിലാണെന്നായിരുന്നു ക്രൂസിന്റെ പ്രതികരണം. എന്നാൽ ഇത്തവണത്തെ ബാലണ്‍ ഡി ഓര്‍ പുരസ്‌കാരത്തിന് ഏറ്റവും അര്‍ഹന്‍ റയല്‍ മാഡ്രിഡിന്റെ ഫ്രഞ്ച് താരം കരീം ബെന്‍സേമ ആണെന്നും ക്രൂസ് പറഞ്ഞിരുന്നു. (Image: Twitter)

റോബർട്ട് ലെവൻഡോസ്‌കി, ജോർജീഞ്ഞോ എന്നിവരെ മറികടന്നാണ് മെസ്സി ഏഴാമതും ബാലൺ ഡി ഓർ സ്വന്തമാക്കിയത്. ലെവൻഡോസ്‌കി രണ്ടാം സ്ഥാനത്തും, ജോർജീഞ്ഞോ മൂന്നാം സ്ഥാനത്തുമായിരുന്നു. മെസ്സിക്ക് 613 ലഭിച്ചപ്പോൾ അഞ്ചാമനായ റൊണാൾഡോയുടെ പോയിന്റ് 178 ആയിരുന്നു. (Image: PSG, Twitter)